Ganaparb of West Odisha is coming nuakhai

ସରିଆ ଧାନରେ ପ୍ରସ୍ତୁତ ହୁଏ ନବାନ୍ନ

by Manini Pattanayak

Ganaparb of West Odisha is coming nuakhai

ସମ୍ବଲପୁର : ଆସୁଛି ପଶ୍ଚିମ ଓଡିଶାର ଗଣପର୍ବ ନୂଆଁଖାଇ । ନୂଆଖାଇ ପାଇଁ ସଜବାଜ ହେଉଛି ମା ସମଲେଶ୍ଵରୀଙ୍କ ମନ୍ଦିର । ମନ୍ଦିର ରଙ୍ଗ ଲଗାଯିବା ସହ ସଫା ସୁତରା କରାଯାଇଛି । ନୂଆଖାଇ ପାଇଁ ମନ୍ଦିର ମୁଖ୍ୟ ପୁଜକ ଘରେ ନୂଆ ସରିଆ ଧାନ ମଧ୍ୟ ଆସି ପହଞ୍ଚିଛି । ଏହି ଧାନ ମା ସମଲେଇ ଙ୍କ ଠାରେ ଲାଗି ହେବାକୁ ଥିବା ବେଳେ ନୁଆଁଖାଇ ରେ ନବାନ୍ନ ପାଇଁ ନୁଆଁଧାନ ଲାଗି ହେବ । ନୂଆଧାନ କୁ ଗଣେଷ ପୂଜା ଦିନରେ ପୂଜକଙ୍କ ପରିବାର ବର୍ଗ ଶୁଖେଇ ଯତ୍ନରେ ସଫା କରିବା ସହ କେଣ୍ଡାରୁ ଧାନ ଅଲଗା କରି ତାକୁ ଭାଜି ଚାଉଳ ବାହାର କରିବେ l ଗୁଡ ଓ ଘିଅ ଦେଇ ନୁଆଁଖାଇ ରେ ମାଙ୍କ ପାଇଁ ନବାନ୍ନ ପ୍ରସ୍ତୁତ କରାଯିବ l ତେବେ 60 ଦିନରେ ଉତ୍ପାଦନ ହେଉଥିବା ଧାନ ପାଇଁ ଵଲବସପୁର ର ସୁବାଷ ବେହେରାଙ୍କ ପରିବାର ଚାଷରେ ଲାଗିପଡିଥାନ୍ତି l 7 ବର୍ଷ ହେଲା ସୁବାଷ ବେହେରାଙ୍କ ପରିବାର ଏହି ଧାନ ମାଙ୍କ ନବନ୍ନ ପାଇଁ ମନ୍ଦିର କୁ ଯୋଗାଇ ଆସୁଛନ୍ତି l

ସେପଟେ ଆସନ୍ତା ୮ ତାରିଖ ରବିବାର ନୂଆଁଖାଇ ପାଇ ମା ସମଲେଶ୍ଵରୀ ମନ୍ଦିର ସଜେଇ ହେଉଛି । ବର୍ତ୍ତମାନ ଠାରୁ ପୁର୍ବପ୍ରସ୍ତୂତି ଯାରି ର‌ହିଥିବା ବେଳେ ଅଧିଷ୍ଠାତ୍ରୀ ଦେବୀ ମା ସମଲେଶ୍ଵରୀଙ୍କ ମନ୍ଦିର ଠାରେ ମଧ୍ୟ ମା ଙ୍କ ନବାନ୍ନ ପାଇଁ ତତ୍ପରତା ଦେଖାଦେଇଛି। ମା ଙ୍କ ମନ୍ଦିର ଠାରେ ନୂଆଁଖାଇ ରେ ନବାର୍ଣ୍ଣ ଲାଗି ପାଇଁ ମା ଙ୍କ ମୁଖ୍ୟ ମନ୍ଦିର କୁ ନୂଆ ରଙ୍ଗ ଦିଆଯାଉଛି। ପରେ ମାଁ ଙ୍କ ମନ୍ଦିର ର ମୁଖ୍ୟ ଗମ୍ଭୀରା କୁ ସଫା କରାଯିବା ସହ ମାଁ ସମଲେଶ୍ଵରୀ ପରିଧାନ କରୁଥିବା ସବୁ ଅଳଙ୍କାର କୁ ସଫା କରାଯିବା କାର୍ଯ୍ୟ କରାଯିବ। ମନ୍ଦିର ପରିସରରେ ଥିବା 115 ଗୋଟି ପାର୍ଶ୍ଵ ଦେବାଦେବୀ ଙ୍କ ଠାରେ ନୂଆ ସିନ୍ଦୁର ମାର୍ଜନା କରାଯିବା କାର୍ଯ୍ୟ ଅନୁଷ୍ଠିତ ହେବ। ସେପଟେ ନୂଆଁଖାଇ ପାଇ ପଶ୍ଚିମ ଓଡିଶା ଚଳଚଂଚଳ ଥିବା ବେଳେ ନୂଆଖାଇ ଦିନ ସକାଳୁ ଲଗ୍ନ ଅନୁସାରେ ରୀତିନୀତି ଅନୁସାରେ ମା ଙ୍କ ନିକଟରେ ପୁଜାର୍ଚ୍ଚନା ସହ ନବାର୍ଣ୍ଣ ଲାଗି କରାଯିବ ।
ଅଧିକ ଦେଖନ୍ତୁ :

ଆଇସିସି ମହିଳା ଟି-୨୦ ବିଶ୍ୱକପ, ଭାରତ ଜିତିଲା ପ୍ରଥମ ମ୍ୟାଚ

by Manini Pattanayak

India won the first match in the ICC Women's T-20 World Cup

ନୂଆଦିଲ୍ଲୀ: ଆଇସିସି ମହିଳା ଟି-୨୦ ବିଶ୍ୱକପରେ ଭାରତ ଜିତିଲା ପ୍ରଥମ ମ୍ୟାଚ । ଭାରତ ପାକିସ୍ତାନକୁ ୬ ୱିକେଟରେ ହରାଇ ତାର ବିଜୟ ଅଭିଯାନ ଆରମ୍ଭ କରିଛି । ଭାରତ ତାର ପ୍ରଥମ ମ୍ୟାଚରେ ପରାଜୟ ହୋଇଥିବା ବେଳେ ଏବେ ବିଜୟ ଅଭିଯାନ ଆରମ୍ଭ କରିଛି । ସେହିପରି ପାକିସ୍ତାନ ତାର ପ୍ରଥମ ମ୍ୟାଚ ଜିତିଥିବା ବେଳେ ଏବେ ତାର ବିଜୟଧାରରେ ବ୍ରେକ ଲାଗିଛି ।

ପାକିସ୍ତାନ ଏହି ମ୍ୟାଚରେ ଟସ ଜିତି ପ୍ରଥମେ ବ୍ୟାଟିଂ ନିଷ୍ପତ୍ତି ନେଇଥିଲା । ପ୍ରଥମେ ବ୍ୟାଟିଂ କରୁଥିବା ପାକିସ୍ତାନ ଦଳ ୨୦ ଓଭରରେ ୮ ୱିକେଟ ହରାଇ ମାତ୍ର ୧୦୫ ରନ କରିଥିଲା । ସେହିପରି ଭାରତ ୧୦୬ ରନର ବିଜୟ ଲକ୍ଷ୍ୟ ନେଇ ମୈଦାନକୁ ଓହ୍ଲାଇଥିଲା । ୧୮ ଓଭର ୫ଟି ବଲ ଖେଳି ୪ ୱିକେଟ ହରାଇ ଦଳ ବିଜୟ ଲକ୍ଷ୍ୟ ପୂରଣ କରିଥିଲା ।

ଅଧିକ ପଢନ୍ତୁ କ୍ରୀଡା ଖବର

କାହା ସୁରକ୍ଷାରେ ବେଆଇନ୍ ମେଡିସିନ୍ ପ୍ରସ୍ତୁତ କରୁଥିଲା ମାସୁମ୍ ଖାନ୍ ?

by Manini Pattanayak

Masum Khan was preparing illegal medicine under whose protection?

ମାଲକାନଗିରି : କାହା ସୁରକ୍ଷାରେ ବେଆଇନ୍ ମେଡିସିନ୍ ପ୍ରସ୍ତୁତ କରୁଥିଲା ମାସୁମ୍ ଖାନ୍। ମାଲକାନଗିରି ମୋଟୁ ଇସଲାମନଗରର ବେଆଇନ୍ କାରବାର ପଛର କିଏ ସେହି ସଇତାନ୍। ମାସୁମର ବେଆଇନ୍ କାରବାରରେ ଭାଗିଦାର ଥିଲେ କି ବିଜେଡି ନେତା ପ୍ରଦୀପ ମାଝୀ। ସେଥିପାଇଁ ଆଦିବାସୀଙ୍କ ଦ୍ବାହି ଦେଇ ମାସୁମର କରୁଥିଲେ କି ଓକିଲାତି।
ମାସୁମ ଖାନର ଜାଲିମ କାରନାମା ଉପରୁ ଉଠିସାରିଛି ପରଦା। ଶୁକ୍ରବାର ମାଲକାନଗିରି ଜିଲ୍ଲା ମୋଟୁରେ ଥିବା ମାସୁମର ଇସଲାମନଗରରେ ପ୍ରଶାସନର ଚଢଉ ପରେ ସାମ୍ନାକୁ ଆସିଛି ସେଠାରେ ଚାଲିଥିବା ବେଆଇନ କାରବାର ହୋଇଛି ପର୍ଦ୍ଦାଫାସ। ଚଢ଼ାଉରେ ଏକାଧିକ ମେଡ଼ିସିନ ପ୍ରସ୍ତୁତ ମେସିନ ସହ କିଛି ମେଡ଼ିସିନ ତିଆରି ସାମଗ୍ରୀ ଓ ମେଡ଼ିସିନ ଜବତ କରି ତଦନ୍ତ ଆରମ୍ଭ କରିଛି ଜିଲ୍ଲା ପ୍ରଶାସନ। ଏପରିକି ଇସଲାମନଗରରେ ବେଆଇନ୍ ଭାବେ ଲୋକଙ୍କର ଚିକିତ୍ସା କରାଯାଉଥିବା ଜଣାପଡ଼ିଛି।

ଏବେ ପ୍ରଶ୍ନ ଉଠୁଛି କେବେଠୁ ଇସଲାମନଗରରେ ଚାଲିଥିଲା ବେଆଇନ୍ ଔଷଧ ଉତ୍ପାଦନ ? ଏକଥା କେମିତି ଜାଣିପାରିନଥିଲା ଜିଲ୍ଲା ପ୍ରଶାସନ ? କିଏ ଦେଉଥିଲା ମାସୁମ ଖାନର ବେଆଇନ୍ କାରବାରକୁ ସୁରକ୍ଷା ? ଏବେ କଣ କହିବେ ବିଜେଡି ନେତା ପ୍ରଦୀପ ମାଝି ? ମାସୁମ ଖାନ ପ୍ରତି ଖୁବ୍ ଦରଦ ଦେଖାଇ ଗଣମାଧ୍ୟମକୁ ଆକ୍ଷେପ କରୁଥିଲେ ପ୍ରଦୀପ ? କାହିଁକି ମାସୁମ ଖାନ ପ୍ରତି ଏତେ ଦରଦୀ ବନିଛନ୍ତି ପ୍ରଦୀପ ? ମାସୁମ ଖାନର ଏହି ବେଆଇନ୍ କାରବାରରେ ଭାଗୀଦାର ଥିଲେ କି ଏହି ବିଜେଡି ନେତା ? ଶୁଣନ୍ତୁ ମାସୁମ ପ୍ରତି ପ୍ରଦୀପ ମାଝିଙ୍କର କିପରି ଦରଦ ବୋହି ପଡୁଥିଲା। ପ୍ରଦୀପ ମାଝି ନିଜକୁ ଆଦିବାସୀଙ୍କର ମସିହା ବୋଲାଉଛନ୍ତି। କିନ୍ତୁ ଅଭିଯୋଗ ହୋଇଛି ମାସୁମ ଖାନ୍ ଇସଲାମନଗରରେ ବେଆଇନ୍ ଚିକିତ୍ସା ନାଁରେ ଆଦିବାସୀଙ୍କୁ ଲୁଟୁଥିଲା। ଆଉ ଆଦିବାସୀଙ୍କ ଶୋଷଣ କରୁଥିବା ଲୋକପାଇଁ ଓକିଲାତି କରୁଛନ୍ତି ପ୍ରଦୀପ ମାଝି। ଗୋଟିଏ କଥା ସ୍ପଷ୍ଟ ବିଜେଡି ସରକାରର ମାସୁମ ଖାନର ବେଆଇନ୍ କାରବାରକୁ ମିଳିଥିଲା ଖୋଲା ଛୁଟ୍। ନା ପ୍ରଶାସନ କିଛି କରୁଥିଲା ନା ପୋଲିସ ମୁଣ୍ଡ ଖେଳାଉଥିଲା। ଏଥିପାଇଁ କି କାରଣ ତାର ସୁରକ୍ଷା କବଚ ସାଜିଥିଲେ ପ୍ରଦୀପ ମାଝିଙ୍କ ବିଜେଡି ନେତା। ନହେଲେ ତହସିଲ ଅଫିସ ଆଗରେ ଗଣମାଧ୍ୟମ ପ୍ରତିନିଧିଙ୍କୁ ନାଲିଆଖି ଦେଖାଇବାକୁ ସାହସ କେଉଁଠୁ ପାଇଲେ ମାସୁମ ଖାନର ଗୁଣ୍ଡାବାହିନୀ।

ଭବାନୀପାଟଣା ଫରେଷ୍ଟର୍ ସଞ୍ଜୟ ନାୟକ ଆତ୍ମହତ୍ୟା ମାମଲାରେ ଆକ୍ସନ୍

by Manini Pattanayak

Action in Bhabanipatna forester Sanjay Naik suicide case

କଳାହାଣ୍ଡି: ଚାରା ଦୁର୍ନୀତି କରୁଥିଲେ, ପିସି କାରବାର ପାଇଁ ଅଧନସ୍ଥ କର୍ମଚାରୀଙ୍କ ଉପରେ ମାନସିକ ଚାପ ପକାଉଥିଲେ। ଶେଷରେ ଅତିଷ୍ଠ ହୋଇ ଆତ୍ମହତ୍ୟା କଲେ କଳାହାଣ୍ଡି ଜାରିଙ୍ଗି ହାଇଟେକ୍ ନର୍ସରୀ ଫରେଷ୍ଟର୍ ସଞ୍ଜୟ ନାୟକ । ଏହି ମାମଲାର ଅଭିଯୁକ୍ତ ଡିଏଫଓ ଦେବେନ୍ଦ୍ର ବେହେରା ନିଲମ୍ବିତ ହୋଇଛି। ତେବେ ଦେବେନ୍ଦ୍ରଙ୍କୁ ଗିରଫ ପାଇଁ ଦାବି କରିଛନ୍ତି ମୃତ ଫରେଷ୍ଟରଙ୍କ ପରିବାର। ସେପଟେ ଜଙ୍ଗଲ ଓ ପରିବେଶ ମନ୍ତ୍ରୀ କହିଛନ୍ତି, ଦୋଷୀକୁ ଛଡ଼ାଯିବନାହିଁ। ପୁଣି ଅଫିସରଙ୍କୁ କଡ଼ା ଚେତାବନୀ ଦେଇ ମନ୍ତ୍ରୀ କହିଛନ୍ତି, ତଳ କର୍ମଚାରୀଙ୍କ ଉପରେ ଚାପ ପକାଇଲେ ହେବ କଠୋର କାର୍ଯ୍ୟାନୁଷ୍ଠାନ। ଜାରିଂ ନର୍ସରୀରେ ଚାରା ଦୁର୍ନୀତି ଓ ପିସି କାରବାର ନେଇ ସଞ୍ଜୟଙ୍କୁ ବାରମ୍ବାର ପିସି ମାଗିବା ସହ ମାନସିକ ନିର୍ଯାତନା ଦେଇ ଆସୁଥିଲେ ଡିଏଫଓ । ଯାହାର ଏକ ହାତ ଲେଖା ସୁଇସାଇଡ଼୍ ନୋଟ୍ ଛାଡି ଯାଇଥିଲେ ସଞ୍ଜୟ । ଭବାନୀପାଟଣା ସ୍ଥିତ ସରକାରୀ ବାସଭବନରେ ଛାନଭିନ୍ ପରେ ଆକ୍ସନ୍ ନେଇଛି ବିଭାଗ । ସେପଟେ ଘଟଣାରେ ପ୍ରତିକ୍ରିୟା ରଖି ଜଙ୍ଗଲ ଓ ପରିବେଶ ମନ୍ତ୍ରୀ କହିଛନ୍ତି, ମାମଲା ଏବେ ବିଚାରାଧୀନ । ବିଭାଗ ତଦନ୍ତ କରୁଛି । ଦୋଷୀ ବିରୋଧରେ ନିଆଯିବ କାର୍ଯ୍ୟାନୁଷ୍ଠାନ ।. ୟେ ଘଟଣା ଜ୍ବଳନ୍ତ ଉଦାହରଣ ହେବ । ଯେଉଁମାନେ ଏହିଭଳି ଅସାମାଜିକ କାମ କିମ୍ବା ଦୁର୍ନୀତିରେ ଲିପ୍ତ ରହି ତଳ କର୍ମଚାରୀଙ୍କୁ ଚାପ ପକାଉଛନ୍ତି ।. ତାଙ୍କ ଉପରେ ଭବିଷ୍ୟତରେ କଠୋରରୁ କଠୋର କାର୍ଯ୍ୟାନୁଷ୍ଠାନ ନିଆଯିବ ବୋଲି ଚେତାଇ ଦେଇଛନ୍ତି ମନ୍ତ୍ରୀ ।

ଫରେଷ୍ଟର ସଞ୍ଜୟ ନାୟକଙ୍କ ମୃତ୍ୟୁକୁ ୧୯ ଦିନ ପୁରିଥିବାବେଳେ ନ୍ୟାୟ ଅପେକ୍ଷାରେ ପରିବାର । ମା, ବାପା ଏବଂ ବଡ଼ ଭାଇଙ୍କ ଆଖିରୁ ଶୁଖୁନି ଲୁହ । ସଞ୍ଜୟଙ୍କ ପତ୍ନୀ ଦୁଇ ଛୁଆଙ୍କୁ ଧରି ବାପଘରକୁ ପଳାଇ ଥିବାବେଳେ 60 ବର୍ଷୀୟ ରୋଗୀଣା ବୁଢା ବାପା ହୋଟେଲରେ କାମ କରି ପରିବାର ଚଳାଉଛନ୍ତି । ସଞ୍ଜୟଙ୍କ ସୁଇସାଇଡ଼ ନୋଟ୍ ଯାଞ୍ଚ ଏବଂ କ୍ରସ୍ ମ୍ୟାଚିଂ କରିବାକୁ ଦାବି କରିଛନ୍ତି । କେବଳ ନିଲମ୍ବନ ନୁହେଁ ଡିଏଫଓଙ୍କୁ ଗିରଫ କଲେ ହିଁ ସଞ୍ଜୟଙ୍କ ଆତ୍ମା ଶାନ୍ତି ପାଇବ କହିଛନ୍ତି ପରିବାର ଲୋକେ । ବିଜେଡି ଶାସନରେ ସୁପର ପାୱାର ପାଇଥିବା ଡିଏଫଓ ଦେବେନ୍ଦ୍ର ବେହେରା ସଞ୍ଜୟଙ୍କୁ ମାଗିଥିଲେ ପିସି । ପିସି ନଦେଲେ ବଦଳି ସହ ସସପେଣ୍ଡ କରିବା ନେଇ ଦେଉଥିଲେ ଧମକ । ସଞ୍ଜୟ ପ୍ରାୟ ୧୦ ଲକ୍ଷ ଟଙ୍କା ପିସି ଦେବା ସହ ରାୟଗଡ଼ା ଡିଏଫଓଙ୍କ ଘରେ ଏସି ଓ ବୋରୱେଲ ଖୋଳାଇ ଥିଲେ । ଏପରିକି ମନ୍ଦିର ବାବଦକୁ ୪୦ ହଜାର ଟଙ୍କା ଚାନ୍ଦା ମଧ୍ୟ ଦେଇଥିଲେ । ଏଭଳି ସାଘାଂତିକ ଅଭିଯୋଗ ଥିବା ଡିଏଫଓ କେବେ ଗିରଫ ହେବେ ତାହାକୁ ନେଇ ଉଠିଛି ପ୍ରଶ୍ନ ।

ଅଧିକ ପଢନ୍ତୁ ଓଡ଼ିଶା ଖବର

Download Argus News App

Ganaparb of West Odisha is coming nuakhai

Download Mobile App