ଅର୍ଗସ ବ୍ୟୁରୋ: ପୋଲିସ ଡିଜି ଓ୍ବାଇବି ଖୁରାନିଆଙ୍କ କାର୍ଯ୍ୟକାଳ ବଢ଼ିଲା। ୧୬ ଅଗଷ୍ଟ ୨୦୨୬ ପର୍ଯ୍ୟନ୍ତ କାର୍ଯ୍ୟକାଳ ବଢ଼ାଇଲେ ରାଜ୍ୟ ସରକାର।
ସୂଚନାଯୋଗ୍ୟ ଗତ ମାସରେ ପୁଲିସ ମହାନିର୍ଦ୍ଦେଶକ ଭାବେ ୧୯୯୦ ବ୍ୟାଚର ଭାରତୀୟ ପୁଲିସ ସେବା ଅଧିକାରୀ ଯୋଗେଶ ବାହାଦୂର ଖୁରାନିଆ ଦାୟିତ୍ବ ଗ୍ରହଣ କରିଛନ୍ତି । ରାଜ୍ୟ ପୁଲିସ ମୁଖ୍ୟାଳୟରେ ସେ କାର୍ଯ୍ୟକାରୀ ପୋଲିସ ମହାନିର୍ଦ୍ଦେଶକ ଅରୁଣ ଷଡଙ୍ଗୀଙ୍କଠାରୁ ଦାୟିତ୍ବ ଗ୍ରହଣ କରିଥିଲେ।
ଅଧିକ ପଢ଼ନ୍ତୁ ଓଡ଼ିଶା ଖବର
ଭୁବନେଶ୍ୱର: ଓଡ଼ିଶାରୁ ଆନ୍ଧ୍ରପ୍ରଦେଶକୁ ଚାଲାଣ ହେଉଥିବା ଗଞ୍ଜେଇକୁ ଧରିଛି ରାଜସ୍ବ ଗୁଇନ୍ଦା ନିର୍ଦ୍ଦେଶାଳୟ । ଆନ୍ଧ୍ରପ୍ରଦେଶର ଯାଗାମାପେଟା କ୍ରିଷ୍ଣାଭରମ୍ ଟୋଲ୍ ଗେଟ୍ ନିକଟରୁ ଗଞ୍ଜେଇ ଭର୍ତ୍ତି ଟ୍ରକ୍ ଜବତ କରିବା ସହିତ ୩ ଜଣଙ୍କୁ ଗିରଫ କରାଯାଇଛି । ଓଡ଼ିଶାରୁ ଆନ୍ଧ୍ରପ୍ରଦେଶକୁ ବିପୁଳ ପରିମାଣର ଗଞ୍ଜେଇ ଚାଲାଣ ହେଉଥିବା ନେଇ ରାଜସ୍ବ ଗୁଇନ୍ଦା ନିର୍ଦ୍ଦେଶାଳୟ (ଡିଆରଆଇ) ଖବର ପାଇଥିଲା । ଡିଆରଆଇର ଏକ ଟିମ୍ ଯାଗାମାପେଟା କ୍ରିଷ୍ଣାଭରମ୍ ଟୋଲ୍ ଗେଟ୍ ନିକଟରେ ଛକି ରହିଥିଲେ ।
ଗଞ୍ଜେଇ ଭର୍ତ୍ତି ଟ୍ରକକୁ ଏସ୍କର୍ଟ ଦେଉଥିବା କାର ଟୋଲ୍ ପ୍ଲାଜାର ବ୍ୟାରିଅରକୁ ଧକ୍କା ଦେଇ ଖସି ପଳାଇବାକୁ ଉଦ୍ୟମ କରିଥିଲା । ଡିଆରଆଇ ଅଧିକାରୀମାନେ ପ୍ରଥମେ କାରକୁ ଅଟକାଇ ଜଣଙ୍କୁ ଗିରଫ କରିଥିଲେ । ପରେ ପରେ ଗଞ୍ଜେଇ ଭର୍ତ୍ତି ଟ୍ରକକୁ ଅଟକାଇବା ସମୟରେ ଟ୍ରକ୍ ଡ୍ରାଇଭର ଓ ହେଲପର୍ ଦୈାଡ଼ି ପଳାଇବାକୁ ଉଦ୍ୟମ କରିଥିଲେ । ହେଲେ ଡିଆରଆଇ ଅଧିକାରୀମାନେ ସେମାନଙ୍କୁ ପିଛା କରି କାବୁ କରିଥିଲେ । ଟ୍ରକ୍ ଭିତରୁ ୮୦୮ କିଲୋ ଗଞ୍ଜେଇ ମିଳିଛି ।
ଏହାର ଆନୁମାନିକ ମୂଲ୍ୟ ୧ କୋଟି ୬୧ ଲକ୍ଷ ଟଙ୍କା ହେବ ବୋଲି ଡିଆରଆଇ ପକ୍ଷରୁ କୁହାଯାଇଛି । ଗିରଫ ଅଭିଯୁକ୍ତମାନେ ଓଡ଼ିଶାର ହୋଇଥିବା ବେଳେ ସେମାନେ ଓଡ଼ିଶାରୁ ଗଞ୍ଜେଇ ନେଇ ଆନ୍ଧ୍ରପ୍ରଦେଶ ଯାଉଥିବା ପ୍ରାଥମିକ ତଦନ୍ତରୁ ଜଣାପଡିଛି ।
ଆହୁରି ପଢନ୍ତୁ ଓଡିଶା ଖବର...
କଟକ: ପାର୍ବଣରେ ଚାଲିଛି ତ୍ରିପୁରା ସୁନ୍ଦରୀ ମାଆ ଭଟ୍ଟାରିକାଙ୍କର ଷୋଳପୂଜା। ମୁଳାଷ୍ଟମୀଠାରୁ ମହାନବମୀ ପର୍ଯ୍ୟନ୍ତ ଚାଲିବାକୁ ଥିବା ଏହି ସ୍ଵତନ୍ତ୍ର ପୂଜା ସମସ୍ତ ରୀତିନୀତି ଅନୁସାରେ ଚାଲିଛି। ପ୍ରତିଦିନ ମା'ଙ୍କର ସୁନାବେଶ ହେବା ସହିତ ମାଛ ଭୋଗ ହେଇଥାଏ। ମା'ଙ୍କ ପାଖରେ ମାନସିକ କଲେ ସମସ୍ତ ମନସ୍କାମନା ପୂରଣ ହୋଇଥାଏ ବୋଲି ବିଶ୍ଵାସ ରହିଛି।
ବଡ଼ମ୍ବା ଗଡ଼ଜାତର ଅଧିଷ୍ଠାତ୍ରୀ ଦେବୀ ମା ଭଟ୍ଟାରିକା ଆଜି ଜୟଦୁର୍ଗା ବେଶରେ ଶ୍ରଦ୍ଧାଳୁଙ୍କୁ ଦର୍ଶନ ଦେଉଛନ୍ତି । ପରମ ବୈଷ୍ଣବୀ ତ୍ରିପୁରା ସୁନ୍ଦରୀ ମା' ଭଟ୍ଟାରିକା। ଧାର୍ମିକ ବିଶ୍ବାସ ରହିଛି ତ୍ରେତୟା ଯୁଗରେ ମହାବୀର ପର୍ଶୁରାମଙ୍କ ଦ୍ଵାରା ସ୍ଥାପିତ ମା ଭଟ୍ଟାରିକାଙ୍କର ଷୋଳପୂଜା ସମୟରେ ସ୍ଵତନ୍ତ୍ର ପୂଜା ଅନୁଷ୍ଠିତ ହେଉଥିବା ସ୍ବତନ୍ତ୍ର ପୂଜା ପାଇଁ ଓ ମା'ଙ୍କ ଉପରେ ଥିବା ଅଖଣ୍ଡ ବିଶ୍ବାସ ଶ୍ରଦ୍ଧାଳୁମାନଙ୍କୁ ଆକର୍ଷିତ କରିଥାଏ।
ଆହୁରି ପଢନ୍ତୁ ଓଡିଶା ଖବର...
କଟକ: ମା' ଚର୍ଚ୍ଚିକାଙ୍କ ପୀଠରେ ନବରାତ୍ର ପୂଜା ପାଇଁ ଶ୍ରଦ୍ଧାଳୁଙ୍କ ଭିଡ଼ । ବାଙ୍କୀର ଅଧିଷ୍ଠାତ୍ରୀ ଦେବୀ ମା' ଚର୍ଚ୍ଚିକାଙ୍କ ପୀଠରେ ଧୂମଧାମରେ ପାଳିତ ହେଉଛି ମା'ଙ୍କ ନବରାତ୍ର ପୂଜା । ମା'ଙ୍କୁ ଦର୍ଶନ କରିବା ପାଇଁ ଓଡିଶାର କୋଣ ଅଣକୋଣରୁ ଛୁଟିଛି ଭକ୍ତଙ୍କ ଭିଡ଼ । 14 ଦିନରେ ପହଞ୍ଚିଛି ମା'ଙ୍କ ନବରାତ୍ର ପୂଜା । ସ୍ବତନ୍ତ୍ର ନୀତିକାନ୍ତିରେ ଚାଲିଛି ମା'ଙ୍କ ପୂଜାଅର୍ଚ୍ଚନା । ମହାନଦୀରୁ ସେବାୟତଙ୍କ ଦ୍ବାରା 108 ଶୋଭଷିତ ଜଳରେ ମା'ଙ୍କୁ ସ୍ନାନ କରାଯାଇଥାଏ । କୁହାଯାଏ ଏହି ସମୟରେ ମା'ଙ୍କୁ ଦର୍ଶନ କରିଲେ କୋଟି ଜନ୍ମର ପୁଣ୍ୟ ମିଳେ ଏବଂ ମାନସିକ ପୂରଣ ହୋଇଥାଏ ।
ଆହୁରି ପଢନ୍ତୁ ଓଡିଶା ଖବର..
