ଅର୍ଗସ ବ୍ୟୁରୋ:ଖରାଦିନେ ସୂର୍ଯ୍ୟଙ୍କ କିରଣ ଆହୁରି ଶକ୍ତିଶାଳୀ ଥାଏ। ଖାଲି ଆଖିରେ ଘରୁ ବାହାରିବା କଷ୍ଟକର ହୋଇଯାଏ। ସେଥିପାଇଁ କିଛି ଲୋକେ ସନଗ୍ଲାସ ବ୍ୟବହାର କରିଥାନ୍ତି।ଯାହାଦ୍ବାରା ସୂର୍ଯ୍ୟଙ୍କର ଶକ୍ତିଶାଳୀ କିରଣ ଆଖି ଉପରେ ପଡ଼ିନଥାଏ ଏବଂ ଖରାରେ ଯିବା ଆସିବା କରିବା ସହଜ ହୋଇଯାଏ। ଏହା ଆଖିକୁ ସୂର୍ଯ୍ୟଙ୍କ ଅତିବାଇଗଣି ରଙ୍ଗ (UV) କିରଣ ଏବଂ ଉଜ୍ଜ୍ୱଳ ଆଲୋକରୁ ଆଖିକୁ ରକ୍ଷା କରିଥାଏ। ମାର୍କେଟରେ ଆଜିକାଲି ବହୁତ୍ ଧରଣର ସନଗ୍ଲାସ ମିଳୁଛି। କିନ୍ତୁ ଆପଣ କେମିତି ଜାଣିବେ କେଉଁ ସନଗ୍ଲାସ ଆଖି ପାଇଁ ଭଲ ?
ସଠିକ୍ ସନଗ୍ଲାସ ବାଛିବାର କିଛି ଟିପ୍ସ:
୧- ଶତପ୍ରତିଶତ UV ବ୍ଲକ୍ କରୁଥିବା ଚଷମା କିଣନ୍ତୁ
ସନ୍ ଗ୍ଲାସ କିଣିବା ସମୟରେ ନିଶ୍ଚିତ କରନ୍ତୁ ଯେ ସେମାନେ ଶତପ୍ରତିଶତ UV ରଶ୍ମିକୁ ଅବରୋଧ କରନ୍ତି ଏବଂ ସେମାନଙ୍କଠାରୁ ସୁରକ୍ଷା ପ୍ରଦାନ କରନ୍ତି। କେତେକ ଚଷମାରେ 400 NM ପର୍ଯ୍ୟନ୍ତ UV ଅବରୋଧ କରୁଥିବା ଦାବି କରାଯାଇଥାଏ କିନ୍ତୁ ସେଗୁଡ଼ିକ ମାତ୍ର 100 ପ୍ରତିଶତ UV କୁ ଅବରୋଧ କରିଥାନ୍ତି।
୨- ଖାଲି ଗାଢ଼ ରଙ୍ଗ ଦେଖି କିଣନ୍ତୁ ନାହିଁ
ଏହା ସମ୍ପୂର୍ଣ୍ଣ ଭୁଲ ଧାରଣା ଯେ କେବଳ ଗାଢ଼ ରଙ୍ଗ ଚଷମା ଆଖିକୁ ଅଧିକ ରକ୍ଷା କରିଥାଏ। କେବଳ ଶତପ୍ରତିଶତ UV ସୁରକ୍ଷା ଦେଉଥିବା ଚଷମା ହିଁ UV କିରଣରୁ ରକ୍ଷା କରିଥାଏ ।
୩- ପୋଲାରାଇଜଡ୍ ଲେନ୍ସ କେବଳ ଚମକକୁ କମ କରିଥାଏ
ପୋଲାରାଇଜଡ୍ ଲେନ୍ସ ପାଣି କିମ୍ବା ସଡକ ପରି ପ୍ରତିଫଳିତ ପୃଷ୍ଠରୁ ପ୍ରତିଫଳିତ ଆଲୋକକୁ କମାଇବା ପାଇଁ ଡିଜାଇନ୍ କରାଯାଇଛି | ସେମାନେ UV ରୁ ରକ୍ଷୋ କରନ୍ତି ନାହିଁ। ସେଥିପାଇଁ ଏହା ଭାବିବା ଭୁଲ ଯେ ପୋଲାରାଇଜ ଲେନ୍ସ ଆପଣଙ୍କ ଆଖିକୁ UV କିରଣରୁ ରକ୍ଷା କରିଥାଏ। ଏଥିପାଇଁ, ଆପଣ ବଜାରରୁ UV ସୁରକ୍ଷା ଥିବା ପୋଲାରାଇଜଡ୍ ଲେନ୍ସର ଚଷମା କିଣି ପାରିବେ।
୪- ଉତ୍ତମମାନର ଲେନ୍ସ
ଉତ୍ତମମାନର ଲେନ୍ସ ବ୍ୟବହାର କରନ୍ତୁ। ବିନା ପ୍ରେସକ୍ରିପସନ୍ ରେ ଚଷମା କିଣିବା ପୂର୍ବରୁ କିଛି ଜିନିଷ ଉପରେ ଧ୍ୟାନ ଦେବା ଜରୁରୀ ଯେମିତିକି ଚଷମା ପିନ୍ଧି ଏକ ସମତଳ ସ୍ଥାନକୁ ଯାଆନ୍ତୁ ଏବଂ ଦେଖନ୍ତୁ ଚଟାଣ ଆପଣଙ୍କୁ ଉଚ୍ଚା କିମ୍ବା ନିଚ୍ଚା ଦେଖାଯାଉନି ତ? ଉଭୟ ଲେନ୍ସ ସମାନ ହୋଇଥିବା ଦରକାର ନା କି ଭିନ୍ନ ଭିନ୍ନ।
୫- ଚଷମା ଆକାର
ବଡ଼ ସାଇଜର ସନଗ୍ଲାସ କିଣନ୍ତୁ ଯାହାଦ୍ବାରା ସୂର୍ଯ୍ୟକିରଣରୁ ବାହାରୁଥିବା UV ଆପଣଙ୍କ ଆଖିକୁ ପହଁଞ୍ଚିପାରବ ନାହିଁ।
୬- ଚଷମାର ରଙ୍ଗ ଗୁରୁତ୍ୱପୂର୍ଣ୍ଣ ନୁହେଁ
ରଙ୍ଗୀନ ଲେନ୍ସ ଥିବା ଚଷମା ସୂର୍ଯ୍ୟ କିରଣକୁ ଅଧିକ ଅବରୋଧ କରିପାରେନାହିଁ। ତଥାପି, ବ୍ରାଉନ୍ କିମ୍ବା ଗୋଲାପି ରଙ୍ଗର ଲେନ୍ସ ଅଧିକ କଣ୍ଟ୍ରାସ୍ଟ୍ କିରଣ ଦେଇଥାଏ। ଗଲ୍ଫ କିମ୍ବା ବେସବଲ୍ ପରି କ୍ରୀଡ଼ାରେ ଆଥଲେଟ୍ସ ମାନେ ଏହି ଚଷମା ପିନ୍ଧିଥାନ୍ତି । ସନଗ୍ଲାସର ଲେନ୍ସରେ ଦର୍ପଣ ଫିନିଶର ଏକ ସ୍ତର ଥାଏ ଯାହା ଆଲୋକକୁ ଆଖିରେ ପ୍ରବେଶକୁ ରୋକିଥାଏ କିନ୍ତୁ ଏହାର ଅର୍ଥ ନୁହେଁ ଯେ ସେଗୁଡ଼ିକ ସଂପୂର୍ଣ୍ଣ ଭାବେ ତୁମ ଆଖିକୁ UV ଆଲୋକରୁ ରକ୍ଷା କରନ୍ତି, ତେଣୁ ଚଷମାର ରଙ୍ଗ ଦେଖି ନୂହେଁ ବରଂ ସମ୍ପୂର୍ଣ୍ଣ ରୂପେ UV ଆଲୋକରୁ ରକ୍ଷା କରିପାରୁଥିବା ଭଳି ଚଷମା କିଣନ୍ତୁ।
୭- ଶସ୍ତା ଚଷମା ଠାରୁ ଦୂରେଇ ରୁହନ୍ତୁ
ଲୋକମାନେ ବଜାରରୁ ଶସ୍ତା ଚଷମା କିଣନ୍ତି।ବାସ୍ତବରେ, ଏହିପରି ଚଷମାଗୁଡ଼ିକରେ କେବଳ ଗାଢ଼ ରଙ୍ଗର ଗ୍ଲାସ୍ କିମ୍ବା ପ୍ଲାଷ୍ଟିକ୍ ଲେନ୍ସ ଲାଗିଥାଏ ଯାହା କୌଣସି ବି ପ୍ରକାରର UV କିରଣରୁ ରକ୍ଷା କରେନାହିଁ।
ଶରୀରର ସବୁଠାରୁ ସୁକ୍ଷ୍ମ ଅଙ୍ଗ ହେଉଛି ଆଖି ତେଣୁ ଆଖି ସହିତ ଜଡ଼ିତ ଥିବା ଛୋଟରୁ ଛୋଟ ଜିନିଷ ପ୍ରତି ଧ୍ୟାନ ଦେବା ଆବଶ୍ୟକ।
ଅଧିକ ପଢ଼ନ୍ତୁ ଜୀବନ ଶୈଳୀ ଖବର