ଅଧିକ ପଢ଼ନ୍ତୁ ଦେଶ ଖବର:
ଅର୍ଗସ ବ୍ୟୁରୋ: ଜାମ୍ମୁ କାଶ୍ମୀର ପୁଞ୍ଚ୍ରେ IAF କନ୍ଭଏ ଉପରେ ଆତଙ୍କବାଦୀ ହମଲା ହୋଇଛି। ଆତଙ୍କୀ ହମ୍ଲାରେ ଯବାନ ଗୁରୁତର ହୋଇଥିବା ସୂଚନା ରହିଛି।ରାଷ୍ଟ୍ରୀୟ ରାଇଫଲ୍ସ ୟୁନିଟ୍ ପକ୍ଷରୁ କର୍ଡନ କରି ଜୋରଦାର ତଲାସୀ। ଏହି ଆକ୍ରମଣରେ ଅନେକ ଯବାନ ଆହତ ହୋଇଥିବା ସୂଚନା ମିଳିଛି । ଏହି ଆକ୍ରମଣ ସୁରନକୋଟର ସନାଇ ଗାଁରେ ହୋଇଛି । ଭାରତୀୟ ସେନା ଓ ସ୍ଥାନୀୟ ପୋଲିସ ଘଟଣାସ୍ଥଳରେ ପହଞ୍ଚି ସାରିଛନ୍ତି ।
ଅଧିକ ପଢ଼ନ୍ତୁ ଦେଶ ଖବର:
ଅର୍ଗସ ବ୍ୟୁରୋ : ବର୍ତ୍ତମାନ କଟକ ବାରବାଟୀ ବିଧାନସଭା ନିର୍ବାଚନ ମଣ୍ଡଳୀରେ ପ୍ରଚାର କରୁଛନ୍ତି ବିଜେପି, ବିଜେଡି ଓ କଂଗ୍ରେସ ଦଳର ବିଧାୟକ ପ୍ରାର୍ଥୀ । କଟକ ସହରରେ ଆରମ୍ଭ ହୋଇଥିବା ଯାଇକା ପ୍ରକଳ୍ପ, ବକ୍ସ ଡ୍ରେନ ପ୍ରକଳ୍ପ, ଶିଶୁ ଭବନର ଉନ୍ନତିକରଣ, ନେତାଜୀ ସୁବାଷ ଚନ୍ଦ୍ର ବୋଷଙ୍କ ଜନ୍ମସ୍ଥାନର ସୌନ୍ଦର୍ଯ୍ୟକରଣ, ପୁରୁଣା ଜେଲର ସୌନ୍ଦର୍ଯ୍ୟକରଣ ଭଳି କାର୍ଯ୍ୟର ଭିତ୍ତିପ୍ରସ୍ତର କାର୍ଯ୍ୟ ବିଜେପି ଅମଳରେ ଆରମ୍ଭ ହୋଇଥିଲା ବୋଲି ବିଜେପି ଦୃଢ଼ୋକ୍ତି ପ୍ରକାଶ କରିଛି ।
କଟକ ବାରବାଟୀ ଆସନରେ ୧୯୯୫ ରୁ ୨୦୦୯ ପର୍ଯ୍ୟନ୍ତ ବିଜେପି ବିଧାୟକ ଥିଲେ ସମୀର ଦେ । ସେ ନଗର ଉନ୍ନୟନ ମନ୍ତ୍ରୀ ଥିବା ସମୟରେ ଏହି ସବୁ ଉନ୍ନତିମୂଳକ କାର୍ଯ୍ୟର ପରିକଳ୍ପନା କରିଥିଲେ ବୋଲି କହିଛନ୍ତି ବିଜେପି ବିଧାୟକ ପ୍ରାର୍ଥୀ ଡାକ୍ତର ପୂର୍ଣ୍ଣଚନ୍ଦ୍ର ମହାପାତ୍ର । ୨୦୦୯ ପରଠାରୁ ବିଜେଡି ସରକାର କିଛି ନୂତନ ପରିକଳ୍ପନା କରିନାହିଁ । ତେବେ ବିଜେପି ଶାସନକୁ ଆସିଲେ କଟକ ସହରର ଆହୁରି ଅଧିକ ବିକାଶ ହେବ ବୋଲି କହିଛନ୍ତି ବିଜେପି ବିଧାୟକ ପ୍ରାର୍ଥୀ ।
ସେପଟେ ୨୦୦୯ ରୁ ୧୦୧୯ ପର୍ଯ୍ୟନ୍ତ ବିଜେଡି ଦଖଲରେ ଥିବା କଟକ ବାରବାଟୀ ଆସନ ୧୦୧୯ ରେ କଂଗ୍ରେସ କବଜାକୁ ଯାଇଥିଲା । ସେବେଠାରୁ ଏ ପର୍ଯ୍ୟନ୍ତ କଟକ ସହରରେ ଯାହା ବି ବିକାଶ ହୋଇଛି ତାହା କଂଗ୍ରେସ ଅମଳରେ ହୋଇଛି ବୋଲି କହି ନିର୍ବାଚନ ପ୍ରଚାର କରୁଛନ୍ତି କଂଗ୍ରେସ ବିଧାୟିକା ପ୍ରାର୍ଥୀନୀ ସୋଫିଆ ଫିର୍ଦୋସ ।
ଅଧିକ ପଢନ୍ତୁ ଓଡ଼ିଶା ଖବର
କେବଳ ଏତିକି ନୁହେଁ କଂଗ୍ରେସ ଶାସନକୁ ଆସିଲେ କଟକ ସହରକୁ ସ୍ମାର୍ଟ ସିଟି କରିବା ପାଇଁ ଉଦ୍ୟମ କରାଯିବା ସହ ବେରୋଜଗାର ଦୂରୀକରଣ ଭଳି ଅନେକ ଉନ୍ନତିମୂଳକ କାର୍ଯ୍ୟ କରାଯିବ ବୋଲି କଂଗ୍ରେସ ନିଜର ଇସ୍ତାହାରରେ କହିଛି । ଅନ୍ୟପଟେ କଂଗ୍ରେସର ଏହି ମନ୍ତବ୍ୟକୁ କଡା ସମାଲୋଚନା କରିଛନ୍ତି ବିଜେଡି ବିଧାୟକ ପ୍ରାର୍ଥୀ ପ୍ରକାଶ ଚନ୍ଦ୍ର ବେହେରା । ସହରବାସୀ କାହା ସପକ୍ଷରେ ଭୋଟ ଦେବେ ତାହା ଜୁନ ୪ରେ ଜଣା ପଡ଼ିବ ।
ଅର୍ଗସ ବ୍ୟୁରୋ : ନିର୍ବାଚନୀ ହିଂସା ପ୍ରସଙ୍ଗରେ ମୁଖ୍ୟ ନିର୍ବାଚନ ଅଧିକାରୀଙ୍କୁ ଭେଟିଲା ବିଜେପି । ଓଡ଼ିଶା ପୋଲିସ ବିଜେଡିର ହାତ ବାରିଶି ସାଜିଛି । ବିଜେପି କାର୍ଯ୍ୟକର୍ତ୍ତାଙ୍କ ଉପରେ ବିଜେଡ଼ି ଲୋକ ଆକ୍ରମଣ କରୁଥିବା ବେଳେ ପୋଲିସ କୌଣସି କାର୍ଯ୍ୟାନୁଷ୍ଠାନ ନେଉ ନଥିବା ଅଭିଯୋଗ ଆଣିଲା ଦଳ ।
ଅଧିକ ପଢନ୍ତୁ ଓଡ଼ିଶା ଖବର
ଖଲ୍ଲିକୋଟ ହିଂସା, କଣ୍ଟାବାଞ୍ଜିରେ ବିଜେଡ଼ି ନେତ୍ରୀ ଟୁକୁନି ସାହୁଙ୍କ ଲୋକ ମାନେ ଗତକାଲି ଜଣଙ୍କୁ ମରଣାନ୍ତକ ଆକ୍ରମଣ ଘଟଣାକୁ ନେଇ ସିଇଓଙ୍କୁ ଭେଟିଛି ବିଜେପି ପ୍ରତିନିଧି ଦଳ । ସିଇଓଙ୍କୁ ଭେଟି ଦୃଷ୍ଟାନ୍ତମୂଳକ କାର୍ଯ୍ୟାନୁଷ୍ଠାନ ନେବା ପାଇଁ ଦାବି କରିଛି ବିଜେପି । ଏହାସହ ଡିଜି କଣ କାର୍ଯ୍ୟାନୁଷ୍ଠାନ ନେଲେ ତାକୁ ସର୍ବଜନିତ କରନ୍ତୁ ବୋଲି ଦାବି କରିଛି ଦଳ ।