ନୂଆଦିଲ୍ଲୀ:ଜୁନ ମାସରେ ହୋଵାକୁ ଥିଵା G7 ସମ୍ମିଳନୀରେ ଯୋଗ ଦେଵାକୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ଇଟାଲୀର ପ୍ରଧାନ ମନ୍ତ୍ରୀ ଜର୍ଜିଆ ମେଲୋନିଙ୍କ ନିମନ୍ତ୍ରଣ କରିଛନ୍ତି । ସେଥିପାଇଁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ମଧ୍ୟ ତାଙ୍କ ସହ କଥା ହୋଇଛନ୍ତି ଏଵଂ ଧନ୍ୟଵାଦ ଜଣାଇଛନ୍ତି ।
ସେହିପରି ଆଗକୁ ଥିଵା ଇଟାଲୀର ୭୯ତମ ମୁକ୍ତି ଦିଵସ ପାଳନ ହୋଉଥିଵାରୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ 'X' ରେ ଏକ ପୋଷ୍ଟରେ ପ୍ରଧାନମନ୍ତ୍ରୀ ମୋଦୀ କହିଛନ୍ତି ଯେ ମୁକ୍ତି ଦିବସର ୭୯ ତମ ବାର୍ଷିକୀରେ ସେ ଜର୍ଜିଆ ମେଲୋନି ଏବଂ ଇଟାଲୀବାସୀଙ୍କୁ ଶୁଭେଚ୍ଛା ଜଣାଇଛନ୍ତି।
ଜୁନ୍ ମାସରେ G7 ଶିଖର ସମ୍ମିଳନୀକୁ ନିମନ୍ତ୍ରଣ ପାଇଁ ତାଙ୍କୁ ଧନ୍ୟବାଦ। ଗତବର୍ଷ ବସିଥିବା ଜି-୨୦ ସମ୍ମିଳନୀର ପରିଣାମ ଓ ପ୍ରଭାବ ସମ୍ପର୍କରେ ଜି-୭ ସମ୍ମିଳନୀରେ ଆଲୋଚନା ହେବ।
ଅଧିକ ପଢ଼ନ୍ତୁ ବିଦେଶ ଖବର
ଅର୍ଗସ ବ୍ୟୁରୋ: ଚିନ୍ତା ବଢ଼ାଉଛି କି ଉଚ୍ଚ ରକ୍ତଚାପ। ଧମନୀରେ ରକ୍ତଚାପ ବୃଦ୍ଧି ହେତୁ ମଣିଷ ଉଚ୍ଚ ରକ୍ତଚାପ ଶିକାର ହୋଇଥାଏ। କିପରି ଏହାକୁ ନିୟନ୍ତ୍ରଣରେ ରଖିବେ ଜାଣନ୍ତୁ। ଆଧୁନିକ ଯୁଗରେ ଉଚ୍ଚ ରକ୍ତଚାପ ଏକ ସାଧାରଣ ସମସ୍ୟା ହୋଇଗଲାଣି। ଏହି ରୋଗର ମୁଖ୍ୟ କାରଣ ହେଉଛି ଚାପ ଏବଂ ଅନିୟନ୍ତ୍ରିତ ଖାଦ୍ୟପେୟ। ପ୍ରତିଦିନ ଟମାଟୋ ରସ ପିଅନ୍ତୁ ଏହା ଦ୍ୱାରା ଆପଣଙ୍କ ଉଚ୍ଚ ରକ୍ତ ଚାପ କମିବ । ଟମାଟୋରେ ଆଲଫା, ବିଟା, ଲ୍ୟୁଟିନ୍ ଏବଂ ଲାଇକୋପିନ୍ କାରୋଟିନଏଡ୍ ଥାଏ। ଯାହା ସ୍ୱାସ୍ଥ୍ୟ ପାଇଁ ଲାଭଦାୟକ ଅଟେ।
ଅନ୍ୟାନ୍ୟ କାରୋଟିନଏଡ ତୁଳନାରେ ଲାଇକୋପିନ୍ରେ ସର୍ବାଧିକ ଆଣ୍ଟିଅକ୍ସିଡାଣ୍ଟ ଗୁଣ ରହିଛି। ଟମାଟୋରେ ଭିଟାମିନ୍-ଏ, ସି ଏବଂ ଇ ରହିଥାଏ। ଏହି ସମସ୍ତ ପୋଷକ ତତ୍ତ୍ୱ ଶରୀରର ବିଭିନ୍ନ ଅଙ୍ଗକୁ ସୁରୁଖୁରୁରେ କାମ କରିବାରେ ସାହାଯ୍ୟ କରେ। ଏଥିପାଇଁ ନିୟମିତ ଖାଦ୍ୟରେ ଟମାଟୋକୁ ସାମିଲ୍ କରିବା ଅତ୍ୟନ୍ତ ଜରୁରୀ। ଏହାକୁ ନିୟମିତ ବ୍ୟବହାର କରିବା ଦ୍ୱାରା ଉଚ୍ଚ ରକ୍ତଚାପରୁ ଆଶ୍ୱସ୍ତି ମିଳିଥାଏ।ଉଚ୍ଚ ରକ୍ତଚାପକୁ ନିୟନ୍ତ୍ରଣ କରିବା ପାଇଁ ଟମାଟୋ ରସକୁ ପ୍ରତିଦିନ ଲୁଣ ବିନା ଖାଇବା ଉଚିତ୍। ଅନେକ ଅନୁସନ୍ଧାନରୁ ଜଣାପଡିଛି ଯେ ଟମାଟୋ ଉଚ୍ଚ ରକ୍ତଚାପକୁ ନିୟନ୍ତ୍ରଣ କରିବାରେ ସକ୍ଷମ ଅଟେ।
ଅଧିକ ପଢ଼ନ୍ତୁ ସ୍ୱାସ୍ଥ୍ୟ ଖବର:
ଅର୍ଗସ ବ୍ୟୁରୋ : ପୋଲ ଖୋଲିଦେଲେ ମୋଦି । ହିଞ୍ଜିଳିର ବିକାଶ ନା ବିନାଶ ହୋଇଛି । ହିଞ୍ଜିଳିବାସୀଙ୍କ କଥା ନକହିଲେ ଭଲ । ୨୪ ବର୍ଷ ହେଲା ହିଞ୍ଜିଳିକୁ ମାଡିବସିଛନ୍ତି କିନ୍ତୁ କଣ କରିଛନ୍ତି ନବୀନ ? ବିକାଶ ନାରେ ଡିଣ୍ଡିମ ପିଟୁଛନ୍ତି ହେଲେ କରିଛନ୍ତି କଣ ?
ପ୍ରଶ୍ନ ପରେ ପ୍ରଶ୍ନ ଘନ ଘନ ବିଜେପି ନେତାଙ୍କ ପ୍ରଶ୍ନବାଣରେ ଘାଇଲା ହେଲାଣି ବିଜେଡି । କଣ କରିବେ ବୁଦ୍ଦି ବାଟ ଦିଶୁନି । ବିଜେପି ପ୍ରଶ୍ନର କି ଉତ୍ତର ଦେବ ସେ ନେଇ ହରଡଘଣାରେ ପଡିଛନ୍ତି ନବୀନ ଓ ପାଣ୍ଡିଆନ । ୨୪ବର୍ଷର ସ୍ତର ସରକାର ସ୍ତର ମୁଖ୍ୟମନ୍ତ୍ରୀ କିନ୍ତୁ ବିକାଶ କେଉଠି ହୋଇଛି ? ବିକାଶ ନାଁରେ କେବଳ ଯୋଜନା ମାନ ହୋଇଛି କିନ୍ତୁ ଅସଲି ବିକାଶର ନାଁ ଚିହ୍ନ ଅଛି ନା ବର୍ଣ୍ଣ ଅଛି ।
ଅଧିକ ପଢନ୍ତୁ ରାଜନୀତି ଖବର
୨୪ ବର୍ଷ ହେଲା ଯେଉଁଠୁ ଜିତି ଆସୁଛନ୍ତି ସେଠି କି ପ୍ରକାର ବିକାଶ ହୋଇଛି ? ସବୁଠୁ ଅଧିକ ଦାଦନ ଶ୍ରମିକ ମୁଖ୍ୟମନ୍ତ୍ରୀଙ୍କ ଅଞ୍ଚଳରୁ । ନିଜ ଅଞ୍ଚଳରୁ ବାହାରି କାମ ପାଇଁ ବାହାରକୁ ଯାଉଛନ୍ତି । କଣ ପାଇଁ ଡାକ୍ତରୀ ପଦବୀ ଖାଲି ପଡିଛି ? କଣ ପାଇଁ ଅଧାରୁ ପାଠ ଛାଡୁଛନ୍ତି ପିଲା ? କଣ ପାଇଁ ହିଞ୍ଚିଳିରେ ପର୍ଯ୍ୟପ୍ତ କୋଲ୍ଡ ଷ୍ଟୋରେଜ୍ ନାହିଁ ? ପାଣିର ସୁବିଧା ବି ନାହିଁ ? ନାହିଁ ନାହିଁରେ ଚାଲିଛି ହିଞ୍ଜିଳି ।
୨୪ ବର୍ଷ ଶାସନ କଲା ପରେ କେତେ ଦିନ ଆଉ ବାପାଙ୍କ ସ୍ଵପ୍ନର ଓଡିଶା କଥା କହିବେ ନବୀନ । ବହୁତ ହୋଇଗଲା । ଏଥର ପରିବର୍ତ୍ତନ ସୁନିଶ୍ଚିତ ।
ଅର୍ଗସ ବ୍ୟୁରୋ : ପୁଣି କ୍ରିକେଟ ଖେଳ ହେଲା କାଳ । କ୍ରିକେଟ ଖେଳୁ ଖେଳୁ ଚାଲିଗଲା ୧୧ବର୍ଷ ବାଳକର ଜୀବନ । ଏଭଳି ଦୁଃଖଦ ଘଟଣା ଦେଖିବାକୁ ମିଳିଛି ମହାରାଷ୍ଟ୍ରର ପୁଣେରେ । କ୍ରିକେଟ ଖେଳୁଥିବା ବେଳେ ଗୁପ୍ତାଙ୍ଗରେ ବଲ ବାଜିଯିବାରୁ ଘଟଣାସ୍ଥଳରେ ସୌର୍ଯ୍ୟ ଓରଫ ସମ୍ଭୁ କାଲିଦାସ ଖାଣ୍ଡୱେଙ୍କ ମୃତ୍ୟୁ ହୋଇଛି ।
ପୁଣେର ଲୋହଗ୍ରାମରେ ସୌର୍ଯ୍ୟ କ୍ରିକେଟ ଖେଳିବାକୁ ଯାଇଥିଲେ । ସେଠାରେ ସେ ବଲିଂ କରୁଥିବା ବେଳେ ତାଙ୍କର ସାଙ୍ଗ ବ୍ୟାଟିଂ କରୁଥିଲେ । ସୌର୍ଯ୍ୟ ଯେମିତି ବଲ ପିଙ୍ଗିଛନ୍ତି ସାଙ୍ଗ ଜଣକ ଅଜଣାରେ ସୌର୍ଯ୍ୟ ଆଡକୁ ବଲ ମାରିଥିଲେ । ଫଳରେ ଉକ୍ତ ବଲଟି ସୌର୍ଯ୍ୟଙ୍କ ଗୁପ୍ତାଙ୍ଗରେ ଆସି ବାଜିଥିଲା । ଏବଂ ଘଟଣାସ୍ଥଳରେ ସୌର୍ଯ୍ୟଙ୍କ ମୃତ୍ୟୁ ହୋଇଥିଲା ।
ଅଧିକ ପଢନ୍ତୁ ଖେଳ ଖବର
ପୁଅର ମୃତ୍ୟୁକୁ ନେଇ ପରିବାରଲୋକ କହିଛନ୍ତି, ’ପୁଅର କ୍ରିକେଟ ଖେଳ ପ୍ରତି ଖୁବ ଦୁର୍ବଳତା ରହିଥିଲା । ସେ ସବୁବେଳେ କହୁ୍ଥିଲା ପାଠପଢ଼ା ସହିତ କ୍ରିକେଟରେ ତାର କ୍ୟାରିୟର ଗଢ଼ିବ । ତେଣୁ ଆମେ ବି ତାର ଇଚ୍ଛାରେ ବାଧା ଦେଇ ନଥିଲୁ । ସେ ଯେତେବେଳେ ଚାହୁଁଥିଲା ଖେଳିବାକୁ ଯାଉଥିଲା । କାରଣ ପାଠପଢ଼ାରେ ସେ ହେଳା କରେ ନାହିଁ । କିନ୍ତୁ ଏ କ୍ରିକେଟ ବଲ ଯେ ତାର କାଳ ହେବ ସେ କଥା ଆମେ ସ୍ବପ୍ନରେ ବି ଭାବି ନଥିଲୁ ।
