Before the election, Mao will camp on the border. Rourkela Jharkhand border Mao camp set up in Goelkera Thana Tento forest of Jharkhand

ଅର୍ଗସ ବ୍ୟୁରୋ: ସୁପ୍ରିମକୋର୍ଟର ନୂଆ ପ୍ରଧାନ ବିଚାରପତି ସଞ୍ଜୀବ ଖାନ୍ନା । ଆସନ୍ତାକାଲି  ସର୍ବୋଚ୍ଚ ନ୍ୟାୟାଳୟର ୫୧ତମ ପ୍ରଧାନ ବିଚାରପତି ଭାବେ ଶପଥ ଗ୍ରହଣ କରିବେ ଜଷ୍ଟିସ ସଞ୍ଜୀବ ଖାନ୍ନା । ସୁପ୍ରିମକୋର୍ଟର ପ୍ରଧାନ ବିଚାରପତି ଭାବେ ତାଙ୍କ କାର୍ଯ୍ୟକାଳ ଛଅ ମାସ ରହିବ । ଜଷ୍ଟିସ ଖାନ୍ନାଙ୍କ କାର୍ଯ୍ୟକାଳ ଆସନ୍ତା ବର୍ଷ ମେ ୧୩ରେ ଶେଷ ହେବ । ଗତ 8 ତାରିଖରେ ସିଜେଆଇ ଡିୱାଇ ଚନ୍ଦ୍ରଚୁଡ଼ଙ୍କ ଶେଷ କାର୍ଯ୍ୟ ଦିବସରେ ତାଙ୍କୁ ଭବ୍ୟ ବିଦୟୀ ସମ୍ବର୍ଦ୍ଧନା ଦିଆଯାଇଥିଲା ।  ପ୍ରଧାନ ବିଚାରପତି ଜଷ୍ଟିସ ଡିୱାଇ ଚନ୍ଦ୍ରଚୂଡ଼ ତାଙ୍କ ଉତ୍ତରାଧିକାରୀ ଭାବେ ବରିଷ୍ଠତା ଦୃଷ୍ଟିରୁ ଜଷ୍ଟିସ ଖାନ୍ନାଙ୍କ ନାଁ ସୁପାରିସ କରିଥିଲେ । ରାଷ୍ଟ୍ରପତି ଦ୍ରୌପଦୀ ମୁର୍ମୁ ପ୍ରସ୍ତାବକୁ ଅନୁମୋଦନ କରିଥିଲେ । ୧୯୮୩ରେ ଦିଲ୍ଲୀ ବାର୍ କାଉନସିଲରେ ଆଇନଜୀବୀ ଭାବେ କାର୍ଯ୍ୟ ଆରମ୍ଭ କରି ଦିଲ୍ଲୀ ହଜାରୀ କମ୍ପ୍ଲେକ୍ସ ଜିଲ୍ଲା କୋର୍ଟରେ ଓକିଲ ଭାବେ ଅଭ୍ୟାସ ଆରମ୍ଭ କରିଥିଲେ ବିଚାରପତି ସଞ୍ଜୀବ ଖାନ୍ନା ।  ୨୦୦୫ରେ ଦିଲ୍ଲୀ ହାଇକୋର୍ଟର ଆଡିସନାଲ ଜଜ୍ ହୋଇଥିଲେ ଜଷ୍ଟିସ୍ ଖାନ୍ନା  । ୨୦୦୬ରେ ତାଙ୍କୁ ସ୍ଥାୟୀ ବିଚାରପତି ଭାବେ ନିଯୁକ୍ତି ମିଳିଥିଲା । ୨୦୧୯ରୁ ସୁପ୍ରିମକୋର୍ଟର ବିଚାରପତି ଭାବେ ନିଯୁକ୍ତ ହୋଇଥିଲେ । 

ଅର୍ଗସ ବ୍ୟୁରୋ: ବିଞ୍ଝାରପୁର ମହିଳାଙ୍କ ଉପରେ ବର୍ବରତା ମାମାଲାର ଅଭିଯୁକ୍ତମାନଙ୍କର ବିଜେଡି ଲିଙ୍କ ସାମ୍ନାକୁ ଆସିବା ପରେ ସେମାନଙ୍କ ସହ ସମ୍ପର୍କ ତୁଟାଇବାକୁ ବିଜେଡିର ପ୍ରୟାସ। ବିଜେଡି ମୁଖପାତ୍ର ଲେନିନି ମହାନ୍ତି କହୁଛନ୍ତି ଅଭିଯୁକ୍ତ ବିଜେଡିର କର୍ମୀ ନୁହନ୍ତି। ତାହାହେଲେ ଲେନିନ୍ ବାବୁ ସୋସିଆଲ ମିଡିଆରେ ଭାଇରାଲ ହେଉଥିବା ଏ ଫଠୋ ସବୁ କଣ ମିଛ। ବିଞ୍ଝାରପୁର ବିଧାୟିକା ତଥା ବିରୋଧୀ ଦଳ ମୁଖ୍ୟ ସଚେତକ ପ୍ରମିଳା ମଲ୍ଲିକଙ୍କ ସହ ମୁଖ୍ୟ ଅଭିଯୁକ୍ତ ଓ ଅନ୍ୟ ଅଭିଯୁକ୍ତମାନଙ୍କର ଏକାଧିକ ଫଟୋ ହେଉଛି ଭାଇରାଲ। ଭଲ ଭାବରେ ଦେଖନ୍ତୁ ଏ ଫଟୋକୁ । ପ୍ରମିଳା ମଲ୍ଲିକଙ୍କ ପାଖରେ ହଳଦିଆ ଜ୍ୟାକେଟ୍ ପିନ୍ଧି ବସିଥିବା ଏହି ବ୍ୟକ୍ତି ଜଣକ ଆଉ କେହି ନୁହନ୍ତି ସୂଚନା ଅଧିକାର କର୍ମୀ ଅଶୋକ ପତିଙ୍କ ପତ୍ନୀ ଲତିକା ପତିଙ୍କୁ ଆକ୍ରମଣ ଓ ଅସଦାଚରଣ ଘଟଣାର ମୁଖ୍ୟ ଅଭିଯୁକ୍ତ ଶିବ ପ୍ରସାଦ ରଥ। ଆଉ ପଛରେ କଳା ଜ୍ୟାକେଟ୍ ଓ କଳା ଟି- ସର୍ଟ ପିନ୍ଧି ଛିଡ଼ା ହୋଇଥିବା ଦୁଇଜଣ ହେଉଛନ୍ତି ଅନ୍ୟ ଦୁଇ ଅଭିଯୁକ୍ତ। ମହିଳାଙ୍କୁ ବର୍ବର ଆକ୍ରମଣ ଭିଡିଓରେ ଏମାନେ ସ୍ପଷ୍ଟ ଭାବେ ଦେଖାଯାଉଛନ୍ତି। ମହିଳାଙ୍କୁ ଭିଡ଼ା ଓଟରା କରୁଥିବା ଲୋକଙ୍କ ମଧ୍ୟରେ ଅଛନ୍ତି ପ୍ରମିଳାଙ୍କ ସହ ଫଟୋରେ ଥିବା ଏହି ଦୁଇ ଜଣ। ଆଉ ଏଠାରେ ଦେଖନ୍ତୁ ମହିଳାଙ୍କୁ ତଳେ ପକାଇବା ପରେ ମୁଖ୍ୟ ଅଭିଯୁକ୍ତ ଶିବ ରଥ ପଛରେ ଛିଡ଼ାହୋଇ ଫୋନରେ କଥା ହେଉଛନ୍ତି। ଲେନିନ୍ ବାବୁଙ୍କୁ ଆଉ କେତେ ପ୍ରମାଣ ଦରକାର। ଏବେ ପ୍ରଶ୍ନ ବିଜେଡି ସୁପ୍ରିମୋ ନବୀନ ପଟ୍ଟନାୟକଙ୍କୁ ଆଉ ନିଜ କର୍ମୀଙ୍କୁ ଭଦ୍ର ଓ ନମ୍ର ହେବାପାଇଁ ଯେଉଁ ପରାମର୍ଶ ଦେଇଥିଲେ ସେମାନେ ଏହିଭଳି ତାହା ପାଳନ କରୁଛନ୍ତି। ଆପଣଙ୍କ ଦଳର ନେତାମାନେ ଏହିଭଳି ମହିଳାଙ୍କୁ ସମ୍ମାନ କରୁଛନ୍ତି। 

ଅର୍ଗସ ବ୍ୟୁରୋ: ଖୁବଶୀଘ୍ର ଓଡ଼ିଆ ବରପୁତ୍ରଙ୍କ ଓ ଓଡ଼ିଶାର ପ୍ରକୃତ ଇତିହାସ ଜାଣିବାକୁ ହେବ ଗବେଷଣା । ଏହି ସୂଚନା ଦେଇଛନ୍ତି ଆଇନ ମନ୍ତ୍ରୀ ପୃଥ୍ବୀରାଜ ହରିଚନ୍ଦନ । ସେ କହିଛନ୍ତି, ଓଡ଼ିଶା ଇତିହାସକୁ ନେଇ ଗବେଷଣା ହୋଇନି, ଯାହାକି ଦୁର୍ଭାଗ୍ୟଜନକ । ଇଂରେଜଙ୍କ ଲିଖିତ ଇତିହାସ ଆମେ ଜାଣିଛୁ । 'ଓଡ଼ିଶାର ଏକ ପ୍ରମୁଖ ରାସ୍ତାକୁ ଜୟୀ ରାଜଗୁରୁଙ୍କ ନାଁରେ ନାମିତ କରାଯିବ । ଏନେଇ ଶିକ୍ଷା ବିଭାଗ, ସଂସ୍କୃତି ବିଭାଗ ସହ ଆଲୋଚନା କରାଯିବ । ବରପୁତ୍ରଙ୍କ ସହ ଯୋଡ଼ି ହୋଇଥିବା ଜାଗାକୁ ଐତିହ୍ୟ ସଂରକ୍ଷଣ କରିବା ଭଳି ସାଇତା ରଖାଯିବ । ଏଥି ସହ ଶିକ୍ଷା ବିଭାଗକୁ ଅନୁରୋଧ କରାଯିବ ବିଶ୍ବବିଦ୍ୟାଳୟର ଏକ ଚେୟାର ବରପୁତ୍ରଙ୍କ ନାଁରେ ପ୍ରତିଷ୍ଠା କରି ଗବେଷଣା କରିବ