ଓଡ଼ିଶାରେ ପ୍ରଚଣ୍ଡ ଗ୍ରୀଷ୍ମ ପ୍ରବାହ ଜନଜୀବନକୁ ଅସ୍ତବ୍ୟସ୍ତ କରିଦେଇଛି । ତା ସାଙ୍ଗକୁ ରାଜ୍ୟର ଅନେକ ଅଞ୍ଚଳରେ ଦେଖାଦେଇଛି ପାନୀୟ ଜଳ ସମସ୍ୟା । ପାନୀୟ ଜଳ ଯୋଗାଣ ପାଇଁ ରାଜ୍ୟ ସରକାରଙ୍କ ମାଳ ମାଳ ଯୋଜନା । ପ୍ରତିବର୍ଷ କୋଟି କୋଟି ଟଙ୍କା ଖର୍ଚ୍ଚ କରି ପାଇପ୍ ଯୋଗେ ଜଳ ଯୋଗାଇବା ପାଇଁ ସରକାର ପଦକ୍ଷେପ ନେଉଛନ୍ତି । ହେଲେ ଖୋର୍ଦ୍ଧା ଜିଲ୍ଲାର ବେଗୁନିଆ ବ୍ଲକ ଦେଉଳି ପଞ୍ଚାୟତର ଗୋଡା ଗ୍ରାମରେ ପାନୀୟ ଜଳର ଉତ୍କଟ ସମସ୍ୟା ଦେଖାଦେଉଛି ।
ବାରମ୍ବାର ଜିଲ୍ଲା ପ୍ରଶାସନ ଠାରୁ ବ୍ଲକ ପ୍ରଶାସନିକ ଅଧିକାରୀ ଜଣାଇଲେ ବି ପାନୀୟ ଜଳ ବଣ୍ଟନ ସମସ୍ୟାର ସମାଧାନ ହେଉନଥିବାରୁ ତୀବ୍ର ଅସନ୍ତୋଷ ପ୍ରକାଶ ପାଇଛି । ରାଜ୍ୟ ସରକାରଙ୍କ ପଞ୍ଚାୟତ ଓ ପାନୀୟ ଜଳ ବିଭାଗ ଗ୍ରାମବାସୀଙ୍କ ପାଇଁ ବର୍ଷ ବର୍ଷ ଧରି ପାନୀୟ ଜଳର ଅଭାବ ଲାଗି ରହୁଛି । ଗ୍ରାମରେ ବୁହତ ପାଣି ଟାଙ୍କି ଥିବା ସତ୍ତ୍ୱେ ମଧ୍ୟ ଗୋଡା ଟାଙ୍ଗି ସାହିର ଅନେକ ପରିବାର ପାଇଁ ପାନୀୟ ଜଳର ଘୋର ଅଭାବ ଯୋଗୁଁ ସାଧାରଣ ଲୋକେ ବାଧ୍ୟ ହୋଇ ଦୂଷିତ ପାଣି ନଚେତ ଚୂଆ ଖୋଳି ଜଳ ସଂଗ୍ରହ କରୁଛନ୍ତି । ଯାହାଫଳରେ ଗୋଡା ଗ୍ରାମବାସୀ ଆଜି ଗରା, ବାଲଟି, ମାଠିଆ ଧରି ଜିଲ୍ଲାପାଳଙ୍କ କାର୍ଯ୍ୟାଳୟ ଆଗରେ ବିକ୍ଷୋଭ ପ୍ରଦର୍ଶନ କରିଛନ୍ତି ।
ଅନ୍ୟପଟେ ମେଗା ପାନୀୟ ଜଳ ପ୍ରକଳ୍ପ ନାଁରେ କେବଳ ପ୍ରତିଶୃତି ମିଳିଛି । ଖୋର୍ଦ୍ଧା ଜିଲ୍ଲାର ତାପମାତ୍ରା ଅଧିକ ରହୁଥିବାବେଳେ ଅନେକ ସ୍ଥାନରେ ପାନୀୟ ଜଳକୁ ନେଇ ହା ହା କାର ଦେଖାଦେଇଛି । ବିଶେଷ କରି ବେଗୁନିଆ ବ୍ଲକର ଗୋଡା ଟାଙ୍ଗୀ ସାହିରେ ପାନୀୟ ଜଳର ଉତ୍କଟ ସମସ୍ୟାକୁ ସ୍ଥାନୀୟ ଗ୍ରାମବାସୀ ଗଭୀର ଉଦବେଗ ପ୍ରକାଶ କରିଛନ୍ତି ।
ଆହୁରି ପଢନ୍ତୁ ଓଡିଶା ଖବର...
