ଅର୍ଗସ ବ୍ୟୁରୋ: ଅବହେଳିତ ନକ୍ସାପଦର। ଗାଁକୁ ଅପହଞ୍ଚ ଯୋଜନା। ମୌଳିକ ସୁବିଧା ବିନା ଅଭିଶପ୍ତ ଜୀବନ ବିତାଉଛନ୍ତି ଅଞ୍ଚଳବାସୀ। ଝରୀଗାଁ ବ୍ଲକ ଚକଲାପଦର ଗ୍ରାମପଂଚାୟତର ନକ୍ସାପଦର। ପ୍ରାୟ ଅସି ବର୍ଷ ପୁରୁଣା ଏହି ଗାଁ କୁ ଆଜି ପର୍ଯ୍ୟନ୍ତ ଭଲ ରାସ୍ତାଟିଏ ନାହିଁ। ରାସ୍ତା ନିର୍ମାଣ ଲାଗି ପ୍ରତି ବର୍ଷ ନୂଆଁ ମାଟି ଢାଳି ଲକ୍ଷ ଲକ୍ଷ ଟଙ୍କା ଖର୍ଚ୍ଚ କରାଯାଉଛି। ମାତ୍ର ନିମ୍ନମାନର କାମ ପାଇଁ ପ୍ରତି ବର୍ଷ ବର୍ଷା ପାଣିରେ ରାସ୍ତା ଧୋଇ ହୋଇଯାଉଥିବା ଅଭିଯୋଗ ହୋଇଛି। ଗାଁକୁ ଦେଖିଲେ ସ୍ପଷ୍ଟ ହେଉଛି ଆବାସ ଏଠି ହୋଇଛି ବାଟମାରଣା। ଯୋଗ୍ୟ ହିତାଧିକାରୀଙ୍କୁ ମିଳୁନି ଆବାସ। ସରକାରୀ ଅଧିକାରୀ ଏବଂ ଠିକାଦାର ମିଲିଭଗତରେ ଏଠି ନିରୀହ ଆଦିବାସୀଙ୍କ ଆବାସ ଟଙ୍କା ହଡପ ହେଉଥିବା ଅଭିଯୋଗ ହୋଇଛି।
ଗାଁରେ ରହିଛି ତିନି ତିନୋଟି ନଳକୂପ। ସେଥିରୁ ଗୋଟିଏ ସମ୍ପୂର୍ଣ ଅଚଳ ହୋଇପଡିଥିବା ବେଳେ ଗୋଟିଏ ରେ ଭଲ ପାଣି ବାହାରୁନି। ଫଳରେ ଗାଁ ନିକଟରେ ଥିବା ଜମି ନିକଟ ଚୁଆ ପାଣି ଉପରେ ନିର୍ଭର କରି ଚଳୁଛନ୍ତି ପୁରା ଗାଁ। ଗାଁରେ ସ୍କୁଲ ନଥିବାରୁ ଚାରି କିଲୋମିଟର ଜଙ୍ଗଲରାସ୍ତା ଦେଇ ପିଲାଙ୍କୁ ପାଖ ଗାଁକୁ ଯିବାକୁ ପଡିଥାଏ। ଗାଁକୁ ଦେଖିଲେ ଜଣାପଡେ ରାଜ୍ୟ ସରକାରଙ୍କ ବିକାଶର ନାରା ଏଠି କେବଳ ନାରାବାଜିରେ ସିମିତ। ପଚିଶି ବର୍ଷ ଧରି କ୍ଷମତାରେ ଥିବା ସରକାର ଯେଉଁ ବିକାଶର କଥା କହି ଆସୁଛନ୍ତି ତାହା କେବଳ ଏଠି ପ୍ରହସନ।
ଅଧିକ ପଢ଼ନ୍ତୁ ଓଡିଶା ଖବର:
ଅର୍ଗସ ବ୍ୟୁରୋ : ନିଜ ଦଳର ସମ୍ବିଧାନକୁ ଭୁଲିଗଲେ କି ବିଜେଡି ନେତା ? ସମ୍ବିଧାନର ସର୍ତ୍ତ ମଦ ପିଉଥିଲେ ମିଳିବନି ବିଜେଡି ସଦସ୍ୟତା ? ଏହି ସମ୍ବିଧାନ ଆଧାରରେ ନିର୍ବାଚନ କମିଶନ ଦେଇଛିନ୍ତି ବିଜେଡିକୁ ମାନ୍ୟତା ବିଜେଡିର ସବୁ ସଦସ୍ୟ ମାନୁଛନ୍ତି କି ଦଳର ସମ୍ବିଧାନ ? ଖୋଦ୍ ବିଜେଡି ସଭାପତି ବି କରୁଛନ୍ତି ନିୟମର ଉଲଂଘନ ? ବିଜେଡି ସରକାର ଓଡ଼ିଶାରେ ଆଣିଛି ମଦର ବନ୍ୟା । ଏବେ ମଦ ପାଲଟିଛି ଓଡ଼ିଶାର ସବୁଠୁ ବଡ଼ ସାମାଜିକ ସମସ୍ୟା ।
ବିଜୁ ଜନତା ଦଳର ସମ୍ବିଧାନ ଯାହାର ତୃତୀୟ ପୃଷ୍ଠାରେ ରହିଛି ବିଜେଡିର ସଦସ୍ୟ ହେବା ପାଇଁ କେଉଁ କେଉଁ ସର୍ତ୍ତ ପୂରଣ କରୁଥିବା ଆବଶ୍ୟକ । ବିଜେଡି ସଦସ୍ୟତା ପାଇଁ ଦ୍ବିତୀୟ ସର୍ତ୍ତ ହେଉଛି ମଦ ଓ ଡ୍ରଗ୍ସରୁ ଦୂରେଇ ରହିବ । ଏବେ ପ୍ରଶ୍ନ ଉଠୁଛି କୌଣସି ବ୍ୟକ୍ତି ବିଜେଡିର ସଦସ୍ୟତା ହେବା ପୂର୍ବରୁ ଏହି ସର୍ତ୍ତ ସମ୍ପର୍କରେ ତାଙ୍କୁ ଅବଗତ କରାଯାଏ କି ? ବିଜେଡିର ସଦସ୍ୟମାନେ ପାଳନ କରୁଛନ୍ତି କି ଏହି ସର୍ତ୍ତ ? ସଦସ୍ୟଙ୍କ କଥା ଛାଡନ୍ତୁ ଖୋଦ୍ ଦଳର ସଭାପତି ନବୀନ ପଟ୍ଟନାୟକ ଏହି ଦୁଇ ନମ୍ବର ସର୍ତ୍ତ ପାଳନ କରନ୍ତି କି ?
ବରିଷ୍ଠ ସାମ୍ବାଦିକ ରୁବେନ୍ ବାନାର୍ଜୀ ତାଙ୍କ ପୁସ୍ତକ ନବୀନ ପଟ୍ଟନାୟକରେ ମଧ୍ୟ ବିଜେଡି ସଭାପତିଙ୍କ ଏହି ଅଭ୍ୟସ ସମ୍ପର୍କରେ ଉଲ୍ଲେଖ କରିଛନ୍ତି । କେବଳ ରୁବେନ୍ ବାନାର୍ଜୀ ନୁହନ୍ତି ଆଉଜଣେ ଜାତୀୟ ସ୍ତରର ଖ୍ୟାତାନାମା ସାମ୍ବାଦିକ ରାଜଦୀପ ସରଦେଶାଇ ସୋସିଆଲ ମିଡିଆର ଏକ ଲୋକପ୍ରିୟ ଶୋର ନବୀନଙ୍କ ଏହି ଅଭ୍ୟାସ ସମ୍ପର୍କରେ କହିଥିଲେ ।
ଯେଉଁଠି ଦଳର ମୁଖିଆ ସଦସ୍ୟତା ସର୍ତ୍ତକୁ ପାଳନ କରୁନାହାନ୍ତି ସେଠାରେ କର୍ମୀଙ୍କ କଥା ପଚାରେ କିଏ ? କଥାଟା ଯଦି ବିଜେଡି କର୍ମୀ ଓ ନେତାଙ୍କର ବ୍ୟକ୍ତିଗତ ଅଭ୍ୟାସରେ ସୀମିତ ରହିଥାନ୍ତା ଅଲଗା କଥା । ୨୪ ବର୍ଷ ଧରି ମଦର ପ୍ରଚାର ପ୍ରସାର ବିଜେଡି ସରକାରର ନୀତି ପାଲଟିଛି । ପରିସ୍ଥିତି ଏପରି ହୋଇଛି ଯେ ଓଡ଼ିଶାରେ କୌଣସି ଗାଁରେ ଆଜି ପିଇବା ପାଣି ହୁଏତ ନମିଳିପାରେ କିନ୍ତୁ ମଦ ଦୋକାନଟିଏ ନିଶ୍ଚିତ ମିଳିବ । ସାରା ରାଜ୍ୟରେ ଆଜି ମଦର ବନ୍ୟା ସୃଷ୍ଟି ହୋଇଛି । ଆଉ ଏହି ମଦ ପାଲଟିଛି ଓଡ଼ିଶାର ସବୁଠୁ ବଡ଼ ସାମାଜିକ ସମସ୍ୟା ।
ଅଧିକ ପଢନ୍ତୁ ଓଡ଼ିଶା ଖବର
କିଛି ମାସ ତଳେ ବଲାଙ୍ଗିର ସମେତ ପଶ୍ଚିମ ଓଡ଼ିଶାର ବିଭିନ୍ନ ଜିଲ୍ଲାରେ ଦେଶୀ ମଦ ଭାଟି ଗୁଡ଼ିକରୁ ବ୍ୟାପକ କଳାଟଙ୍କା ଜବତ ଘଟଣା ସାରା ଦେଶରେ ଚହଳ ପକାଇଥିଲା । ଅଭିଯୋଗ ମଦରୁ ଓଡ଼ିଶାକୁ ଯେତିକି ରାଜସ୍ବ ନମିଳୁଛି ତାର ବହୁ ଗୁଣ ଦୁର୍ନୀତି ହେଉଛି । ଏପରିକି ବିଜେଡିର ପାଣ୍ଠି ଆଦାୟର ଏହା ଏକ ବଡ଼ ଉତ୍ସ ବୋଲି ବିରୋଧୀ ଅଭିଯୋଗ କରିଛନ୍ତି । ଏପରିକି କୁହାଯାଉଛି ଓଡ଼ିଶାରେ ମଦ ଦୁର୍ନୀତି ଦିଲ୍ଲୀର ମଦ ଦୁର୍ନୀତିଠାରୁ ବହୁ ଗୁଣରେ ଅଧିକ ।
ଅର୍ଗସ ବ୍ୟୁରୋ: ବିଜେପି ଫୋକସରେ ଓଡ଼ିଶା। ରାଜ୍ୟରେ ସତ୍ତା ପରିବର୍ତ୍ତନ ପାଇଁ ବିଜେପି ପ୍ରଚାରର ମଙ୍ଗ ଧରିଛନ୍ତି ଖୋଦ୍ ପ୍ରଧାନମନ୍ତ୍ରୀ। ଏଥିପାଇଁ ଆସନ୍ତାକାଲି ପୁଣି ଓଡ଼ିଶା ଆସୁଛନ୍ତି ମୋଦି । ରବିବାର ସନ୍ଧ୍ୟାରେ ଭୁବନେଶ୍ବରରେ ପହଞ୍ଚିବେ । 20 ତାରିଖ ସକାଳ 8ଟାରୁ ପୁରୀରେ ପ୍ରଧାନମନ୍ତ୍ରୀଙ୍କ ରୋଡ଼ ସୋ। ପୁଣି ସେହି ଦିନ ଅନୁଗୁଳ ଓ କଟକରେ ବିଶାଳ ଜନସଭାକୁ ସମ୍ବୋଧନ କରିବେ ମୋଦି । ପୂର୍ବରୁ ମୋଦି ଗ୍ୟାରେଣ୍ଟି ଦେଇଛନ୍ତି 4 ଜୁନ୍ ବିଜେଡି ସରକାରର ଏକ୍ସପାଏରୀ ଡେଟ୍।
ଆସନ୍ତାକାଲି ପ୍ରତିରକ୍ଷାମନ୍ତ୍ରୀ ରାଜନାଥ ସିଂ ରେଢ଼ାଖୋଲ, ପାଟଣା ଏବଂ ଖୋର୍ଦ୍ଧାରେ ଜନସଭାକୁ କରିବେ ସମ୍ବୋଧନ। 21 ତାରିଖରେ ପୁଣି ଆସୁଛନ୍ତି କେନ୍ଦ୍ର ଗୃହ ମନ୍ତ୍ରୀ । ସମ୍ବଲପୁର, କେନ୍ଦୁଝର, ପରଜଙ୍ଗ, ନୟାଗଡ଼ରେ ରହିଛି ଅମିତ୍ ଶାହଙ୍କ ପ୍ରଚାର । ବାରମ୍ବାର ଓଡ଼ିଶା ଗସ୍ତରେ ଆସି ଶାହ ନବୀନ ସରକାରର ପୋଲ୍ ଖୋଲିବା ସହ କରୁଛନ୍ତି ଘନ ଘନ ଆକ୍ରମଣ।ଆସାମ ମୁଖ୍ୟମନ୍ତ୍ରୀ ହିମନ୍ତ ବିଶ୍ବଶର୍ମା ଓଡ଼ିଶାରେ କରୁଛନ୍ତି ଘନ ଘନ ପ୍ରଚାର। ସବୁ ଜନସଭାରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଓ ଭି. କେ ପାଣ୍ଡିଆନଙ୍କ ଉପରେ ବିଶ୍ବଶର୍ମା କରୁଛନ୍ତି ଜୋରଦାର ପ୍ରହାର । ଦିନକ ତଳେ କହିଥିଲେ ପାଣ୍ଡିଆନ କରିଛନ୍ତି ଶ୍ରୀମନ୍ଦିର ରତ୍ନଭଣ୍ଡାର ଚାବି ଚୋରି। ଆଜି ପୁଣି କହିଛନ୍ତି ଓଡ଼ିଶାକୁ ବଞ୍ଚାଇବାକୁ ହେଲେ ଚାନ୍ଦାକରି ପାଣ୍ଡିଆନଙ୍କୁ ତାମିଲନାଡୁ ପଠାନ୍ତୁ ରାଜ୍ୟବାସୀ।
ଆସାମ CMଙ୍କ ସହ ରାଜସ୍ଥାନ ମୁଖ୍ୟମନ୍ତ୍ରୀ ଭଜନ ଲାଲ ଶର୍ମା, ଛତିଶଗଡ଼ ସିଏମ୍ ବିଷ୍ଣୁଦେବ ସାଏ ବି ରାଜ୍ୟରେ ଚଳାଇଛନ୍ତି ଘନ ଘନ ପ୍ରଚାର। ପୁଣି ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଜେ. ପି ନଡ୍ଡା, ରେଳମନ୍ତ୍ରୀ ଅଶ୍ବିନୀ ବୈଷ୍ଣବ, ହେମାମାଳିନୀ, କେନ୍ଦ୍ରମନ୍ତ୍ରୀ ଭୂପେନ୍ଦ୍ର ଯାଦବଙ୍କ ମାରାଥନ କ୍ୟାମ୍ପେନ। ଗୋଟିଏ ପଟେ ବିଜେପିର ମାଳ ମାଳ କେନ୍ଦ୍ରୀୟ ନେତୃବୃନ୍ଦଙ୍କ ଘନ ଘନ ଓଡ଼ିଶା ଗସ୍ତ ଫଳରେ ସରଗରମ ଦଳର ପ୍ରଚାର ଅଭିଯାନ। ଅନ୍ୟପଟେ ବିଜେଡିରୁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଥକିଲା ଚେହେରାର ପ୍ରଚାର । ତେଣୁ ନବୀନଙ୍କ ସଭା ଓ ଭାଷଣ ପ୍ରତି ନାହିଁ ଲୋକଙ୍କ ଆକର୍ଷଣ କି ଆଗ୍ରହ। ନବୀନଙ୍କ ସଭାରେ ଖାଲି ପଡୁଛି ଚେୟାର। ସଭାସ୍ଥଳ ଛାଡ଼ି ପଳାଉଛନ୍ତି ଲୋକେ। ପୁଣି ପାଣ୍ଡିଆନଙ୍କୁ ଛାଡ଼ି ବିଜେଡି ପାଇଁ ପ୍ରଚାର ମୈଦାନରେ ଆଉ କେହି ଷ୍ଟାର ପ୍ରଚାରକୁ ଦେଖା ନାହିଁ । ଅନ୍ୟପଟେ ଦୁର୍ବଳତା ଲୁଚାଇବାକୁ ନବୀନ ପାଣ୍ଡିଆନ କହିବୁଲୁଛନ୍ତି ବାହାରୁ ଟୁରିଷ୍ଟ ଆଣି ପ୍ରଚାର କରୁଛି ବିଜେପି। ଆଜି ଏ ନେଇ କଡ଼ା ଜବାବ ଦେଇଛନ୍ତି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ।
ଅଧିକ ପଢ଼ନ୍ତୁ ଓଡିଶା ଖବର:
ଅର୍ଗସ ବ୍ୟୁରୋ : ୨୪ ନିର୍ବାଚନ ପାଇଁ ଜୋସରେ ରାଜ୍ୟ ବିଜେପିର ହେଭିୱେଟ୍ । ବାଲେଶ୍ବରରେ ଏକାଠି ପ୍ରଚାର କରିଛନ୍ତି ବିଜେପି ରାଜ୍ୟ ସଭାପତି ମନମୋହନ ସାମଲ, କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ, କେନ୍ଦ୍ରାପଡ଼ା ସାଂସଦ ପ୍ରାର୍ଥୀ ବୈଜୟନ୍ତ ପଣ୍ଡା, ବାଲେଶ୍ବର ସାଂସଦ ପ୍ରାର୍ଥୀ ପ୍ରତାପ ଷଡଙ୍ଗୀ ଓ ବିଜେପି ସାଂସଦ ଅପରାଜିତା ଷଡ଼ଙ୍ଗୀ । ରେମୁଣା ବାମପଦାରୁ ବିଶାଳ ବାଇକ ଶୋଭାଯାତ୍ରାରେ ଶକ୍ତି ପ୍ରଦର୍ଶନ ସହ ଦୁଇ ଥର ପଦ୍ମ, ଦୁଇ ଗୁଣା ବିକାଶର ନାରା ଦେଇ ବିଜେପିରେ ଭୋଟ୍ ଦେବା ପାଇଁ ଜନତାଙ୍କୁ ନିବେଦନ କରିଛନ୍ତି ।
ପରେ ବିଜେପି କାର୍ଯ୍ୟକର୍ତ୍ତା ସମ୍ମିଳନୀ ସାମିଲ୍ ହୋଇ ନବୀନ ଓ ବିଜେଡି ସରକାର ଉପରେ ଜୋରଦାର୍ ବର୍ଷିବା ସହ ଓଡ଼ିଶାରେ ପରିବର୍ତ୍ତନର ନାରା ଦେଇଛନ୍ତି ରାଜ୍ୟ ନେତୃତ୍ବ । ଧାନ, ପାନ ଓ ମୀନର ସହର ବାଲେଶ୍ବରରେ ନାହିଁ ବିକାଶ । ପାଣିର ଗାର ମୁଖ୍ୟମନ୍ତ୍ରୀଙ୍କ ଘୋଷଣା ଓ ପ୍ରତିଶ୍ରୁତି । ଲୋକ ବାଛି ସାରିଛନ୍ତି ବିକଳ୍ପ । ଏଥର ସୁନିଶ୍ଚିତ ଓଡ଼ିଶାରେ ସରକାର କରିବାକୁ ଆହ୍ବାନ ଦେଇଛନ୍ତି ମନମୋହନ ସାମଲ ।
ସେହିପରି ବିକାଶ ଓ ଅସ୍ମିତା କଥା ଉଠାଇ ବିଜେଡି ସରକାରଙ୍କୁ ଜୋରଦାର୍ ଟାର୍ଗେଟ୍ କରିଛନ୍ତି ଧର୍ମେନ୍ଦ୍ର ପ୍ରଧାନ । ଅପାରଗ ସରକାର ଯୋଗୁଁ ବାଲେଶ୍ବରରେ ପାନୀୟ ଜଳ, ଜଳସେଚନ, ଶିକ୍ଷା, ଦାଦନ ବଡ଼ ସମସ୍ୟା ଭାବେ ଉଭା ହୋଇଛି । ବିଜେପି ସରକାର ଆସିଲେ ଓଡ଼ିଆ ନମ୍ବର ୱାନ୍ ହେବ ଏହା, ମୋଦି ଗ୍ୟାରେଣ୍ଟି ବୋଲି ଦମ୍ଭୋକ୍ତି ଭରିଛନ୍ତି କେନ୍ଦ୍ରମନ୍ତ୍ରୀ ।
ଅଧିକ ପଢନ୍ତୁ ଓଡ଼ିଶା ଖବର
ମୋଦିଙ୍କ ନେତୃତ୍ବରେ ବିପୁଳ ଜନମତ ଏକାଠି ହୋଇଛି । ଓଡ଼ିଶାର ଜନତା ମନ ବନାଇ ସାରିଲେଣି ବିଜେପିକୁ ଭୋଟ୍ ଦେଇ ଜିତାଇବେ ବୋଲି କହିଛନ୍ତି ବୈଜୟନ୍ତ ପଣ୍ଡା । ଓଡ଼ିଶାରେ ପରିବର୍ତ୍ତନର ଆଭାସ ମିଳିଛି । ରାଜ୍ୟରେ ଏଥର ବିଜେପି ସରକାର ଗଢିବ ବୋଲି କହିଛନ୍ତି ଅପରାଜିତା । ଲେଶ୍ବର ପରେ କେନ୍ଦ୍ରପଡ଼ାରେ ପହଞ୍ଚି କାର୍ଯ୍ୟକର୍ତ୍ତା ସମାବେଶରେ ସାମିଲ୍ ହୋଇଥିଲେ ମନମୋହନ ସାମଲ, ଧର୍ମେନ୍ଦ୍ର ପ୍ରଧାନ, ବୈଜୟନ୍ତ ପଣ୍ଡା ଓ ଅପରାଜିତା ଷଡ଼ଙ୍ଗୀ । ଦୀର୍ଘ ୨୪ ବର୍ଷର ସ୍ଥାଣୁ ଓ ଅପାରଗ ସରକାର ବିରୋଧରେ ଜନ ଆକ୍ରୋଶ ଦେଖାଯାଇଥିବାବେଳେ ସାରା ଓଡ଼ିଶା ମୋଦିମୟ ହୋଇଛି । ଏଥର ନିଶ୍ଚୟ ପରିବର୍ତ୍ତନ ହେବ ବୋଲି କହିଛନ୍ତି ବିଜେପି ରାଜ୍ୟ ନେତୃତ୍ବ ।
