ଭଦ୍ରକ: ରାଜ୍ୟ ପାଇଁ ଗୌରବ ଏହି 3 ଜଣ ଟାଏକୋଣ୍ଡୋ ଖେଳାଳି । ମେ ମାସ 14 ଏବଂ 15 ତାରିଖରେ ଭିଏତନାମରେ ହେବାକୁ ଥିବା ଏସିଆନ ଟାଇକଣ୍ଡୋ ପ୍ରତିଯୋଗିତା ପାଇଁ ଓଡ଼ିଶାରୁ 3 ଖେଳାଳି ମନୋନୀତ ହୋଇଛନ୍ତି । ସେମାନେ ସବୁ ଭଦ୍ରକ ବାସିନ୍ଦା ।
ଭଦ୍ରକ ଜିଲ୍ଲାର ଆଗରପଡ଼ା ଅଞ୍ଚଳର ଦେବାଶିଷ ମହାନ୍ତିଙ୍କ ପୁଅ ସତ୍ୟପ୍ରକାଶ ମହାନ୍ତି । ସେହିପରି ଭଦ୍ରକ ସହରାଞ୍ଚଳ ସ୍ଥିତ ଜାନୁଗଞ୍ଜର ବିଚିତ୍ର ଚକ୍ରଙ୍କ ପୁଅ ଏସ୍ ସମରଜିତ ଚକ୍ର । ଅନ୍ୟଜଣେ ଭଦ୍ରକ ଜିଲ୍ଳା ବନ୍ତ ବ୍ଲକର ଗଣିଜାଙ୍ଗ ଅଞ୍ଚଳର ଗୋବିନ୍ଦ ବେହେରାଙ୍କ ପୁଅ ଜଗନ୍ନାଥ ବେହେରା ମନୋନୀତ ହୋଇଛନ୍ତି । ଏପରି ସଫଳତାକୁ ନେଇ ବିଭିନ୍ନ ମହଲରୁ ତାଙ୍କୁ ଶୁଭେଚ୍ଛାର ସୁଅ ଛୁଟିଛି । ସଫଳତାର ପ୍ରଥମ ଶ୍ରେୟ ଟ୍ରେନର ତଥା ଓଡ଼ିଶା ଟାଇକୋଣ୍ଡ ସମ୍ପାଦକ ଚିନ୍ମୟୀ ବେହେରାଙ୍କୁ ଦେଇଛନ୍ତି । ନିଷ୍ଠାପର କାର୍ଯ୍ୟ, ଅକ୍ଲାନ୍ତ ପରିଶ୍ରମ ଏବଂ ଗୁରୁଙ୍କ ଆଶୀର୍ବାଦରୁ ଏପରି ସଫଳତା ପାଇଛନ୍ତି ବୋଲି କହିଛନ୍ତି ଖେଳାଳୀ ।
ପୁର୍ବରୁ ଓଡ଼ିଶା ଖେଳାଳୀମାନେ ପ୍ରତିଯୋଗିତାରେ ଭାଗ ନେଇ ପାରୁନଥିଲେ । କିନ୍ତୁ ଏବେ ଉତ୍ତମ ପ୍ରଶିକ୍ଷଣ ଦ୍ଵାରା ଧିରେ ଧିରେ ସେମାନେ ପ୍ରତିଯୋଗିତାରେ ଭାଗ ନେଇ ବିଭିନ୍ନ କ୍ଷେତ୍ରରେ ଚମ୍ପିୟାନ ହୋଇ ଜାତୀୟ ସ୍ଥରରେ ନାଁ କମାଇଛନ୍ତି । ଆଉ ଏବେ ବିଦେଶରେ ନିଜ ଜନ୍ମ ମାଟିର ଗୌରବ ଆଣିବାକୁ ପ୍ରୟାସ ଜାରି ରଖିବେ ଏହି ଖେଳାଳୀମାନେ ।