ଅର୍ଗସ ବ୍ୟୁରୋ: ଆସିଛି ଏକ ବଡ଼ ଖବର । ବିଜୟଙ୍କୁ ଭଲ ପାଉଥିବା ତାଙ୍କ ଫ୍ୟାନ୍ସମାନଙ୍କ ପାଇଁ ଦୁଃଖ ସାମ୍ନାକୁ ଆସିଛି। ସାଉଥ ସୁପରଷ୍ଟାର ଥାଲାପତି ବିଜୟ ଆହତ ହୋଇଛନ୍ତି । ଏନେଇ ସୋସିଆଲ ମିଡ଼ିଆରେ ଏକ ଫଟୋ ଭାଇରାଲ ହେବାରେ ଲାଗିଛି । ଏଖବର ପରେ ତାଙ୍କ ଫ୍ୟାନ୍ସଙ୍କ ମହଲରେ ଚିନ୍ତା ବଢ଼ିଯାଇଛି। ଫିଲ୍ମ ଶୁଟିଂ ସମୟରେ ବିଜୟଙ୍କର ମୁଣ୍ଡ ଓ ହାତରେ ଚୋଟ ଲାଗିଥିବା ଜଣାପଡ଼ିଛି ।
ବର୍ତ୍ତମାନ ସମୟରେ ବିଜୟ ତାଙ୍କର ଆଗମୀ ଫିଲ୍ମ ‘ଦି ଗ୍ରେଟେଷ୍ଟ ଅଫ୍ ଅଲ୍ ଟାଇମ୍’ର ଶୁଟିଂରେ ବ୍ୟସ୍ତ ରହିଛନ୍ତି । ଫିଲ୍ମ ଗିଲ୍ଲୀକୁ ନେଇ ନିର୍ମାତାଙ୍କ ସହିତ ଆଲୋଚନା କରିଥିଲେ । ଅଭିନେତାଙ୍କୁ ସମ୍ମାନିତ କରାଯାଇ ବେକରେ ଏକ ଫୁଲ ହାର ପିନ୍ଧାଯାଇଥିଲା । ଉକ୍ତ ଫଟୋ ସୋସିଆଲ ମିଡ଼ିଆରେ ଦ୍ରୁତ ଭାବେ ଭାଇରାଲ ହୋଇଯାଇଥିଲା । ସେହି ଫଟୋରେ ବିଜୟଙ୍କର ହାତରେ କିଛି ଆଘାତ ଲାଗିଥିବା ଦେଖାଯାଇଥିଲା । ବର୍ତ୍ତମାନ ସେ ସୁସ୍ଥ ଥିବା ଜଣାପଡିଛି।
ଅଧିକ ପଢ଼ନ୍ତୁ ମନୋରଞ୍ଜନ ଖବର:
ଅର୍ଗସ ବ୍ୟୁରୋ: ରେଢାଖୋଲ ବିଧାୟକ ପ୍ରାର୍ଥୀ ଦେବେନ୍ଦ୍ର ମହାପାତ୍ରଙ୍କ ନାମାଙ୍କନ ଶୋଭଯାତ୍ରାରେ ସାମିଲ୍ ହେଲେ ଧର୍ମେନ୍ଦ୍ର ପ୍ରଧାନ । ବିଶାଳ ରୋଡ ସୋ କରି ଡବଲ ଇଞ୍ଜିନ ସରକାର ଆଣିବା ପାଇଁ ପଦ୍ମଫୁଲରେ ଭୋଟ ଦେବାକୁ ନିବେଦନ କରିଛନ୍ତି କେନ୍ଦ୍ରମନ୍ତ୍ରୀ ।ଏହି ଅବସରରେ ଗୁମାସ୍ତାଙ୍କୁ ଟାର୍ଗେଟ୍ କରି ସେ କହିଛନ୍ତି, ଓଡ଼ିଶାରେ କିଏ ମୁଖ୍ୟମନ୍ତ୍ରୀ ହେବେ ଓଡ଼ିଶା ଲୋକ ନିଜେ ବାଛିବେ । ସାଢେ 4କୋଟି ଲୋକ ପ୍ରଧାନମନ୍ତ୍ରୀ ମୋଦିଙ୍କୁ ଭରସା କରି ଓଡ଼ିଆ ଲୋକକୁ ହିଁ ନିର୍ବାଚିତ କରିବେ। ପଛପଟୁ ପଶି ଆସି ନେତା ହେବାକୁ ଯୋଜନା କରୁଥିବା ଗୁମାସ୍ତାର ସାର୍ଟିଫିକେଟ ଦରକାର ନାହିଁ । ଗୁମାସ୍ତା ଜଣେ ଭଡାଟିଆ ମହାଦ୍ରୁମ ।
ସେହିପରି 24 ବର୍ଷ ଶାସନରେ କଣ ବିକାଶ କରିଛ ପ୍ରଶ୍ନ କରି ବିଜେଡି ସରକାରଙ୍କ ଉପରେ ବର୍ଷିଛନ୍ତି କେନ୍ଦ୍ରମନ୍ତ୍ରୀ । ସେ କହିଛନ୍ତି, ସ୍କୁଲରେ ଖାଲି ରଙ୍ଗ ମାରି ଶିକ୍ଷାର ବିକାଶ ହେଉଛି ମିଛ ଡିଣ୍ଡିମ ପିଟୁଥିବାବେଳେ ଅନେକ ସରକାରୀ ସ୍କୁଲରେ ନାହାନ୍ତି ଆବଶ୍ୟକ ଶିକ୍ଷକ । କ୍ଷମତାସୀନ ବିଜେଡି ସରକାର ମୂଳ ପ୍ରଶ୍ନର ଉତ୍ତର ନଦେଇ କେବଳ ଯୁକ୍ତି ବାଢୁଛନ୍ତି ।ଏଥର ନିର୍ବାଚନରେ ପିଇବା ପାଣି, ଜଳସେଚନ, ଚିକିତ୍ସାସେବା, ଶିକ୍ଷାର ସୁବ୍ୟବସ୍ଥା, ମହିଳାଙ୍କ ସୁରକ୍ଷା ନିର୍ବାଚନର ମୁଖ୍ୟ ପ୍ରସଙ୍ଗ ହୋଇଛି । ଓବିସିଙ୍କୁ ସାମ୍ବିଧାନିକ ଅଧିକାର ପ୍ରଦାନ, ଆଦିବାସୀଙ୍କ ସୁରକ୍ଷା ଓ ବଞ୍ଚିତ ବର୍ଗଙ୍କ ସମ୍ମାନ ପାଇଁ ଲଢିବ ବିଜେପି ।
ଏହାପୂର୍ବରୁ ସମ୍ବଲପୁରଠାରେ ସ୍ବେଚ୍ଛାସେବୀ ଅନୁଷ୍ଠାନ 'ସ୍ବାଭିମାନ ସମ୍ବଲପୁର' ଦ୍ଵାରା ଆୟୋଜିତ ରକ୍ତଦାନ ଶିବିରକୁ ଉଦଘାଟନ କରିଥିଲେ କେନ୍ଦ୍ରମନ୍ତ୍ରୀ ।ମାନବ ସମାଜରେ ସ୍ବାଭିମାନ ସହ ସେବା ମନୋଭାବ ତିଆରି କରିବାରେ ଏହି ସଂଗଠନ ପ୍ରେରଣାର ସ୍ରୋତ ହେଉ ବୋଲି କହିଛନ୍ତି କେନ୍ଦ୍ରମନ୍ତ୍ରୀ ।
ଅଧିକ ପଢ଼ନ୍ତୁ ଓଡିଶା ଖବର:
ଅର୍ଗସ ବ୍ୟୁରୋ: ଇଏ ମୋଦି ଗ୍ୟାରେଣ୍ଟି। ମାତ୍ର 5 ବର୍ଷରେ ବଦଳିବ ଓଡ଼ିଶାର ସ୍ଥିତି। ସବୁଠାରୁ ଗରିବ ରାଜ୍ୟରୁ ପାଲଟିବ ସବୁଠୁ ସମୃଦ୍ଧ ରାଜ୍ୟ। ଏଥିପାଇଁ ବିଜେପି ପ୍ରସ୍ତୁତ କରିଛି ପକ୍କା ରୋଡ଼ ମ୍ୟାପ୍। 24 ମହାଲଢ଼େଇ ପାଇଁ ଓଡ଼ିଶା ବିଜେପି ଜାରି କରିଛି ସଂକଳ୍ପ ପତ୍ର। ବିଜେପିର ରାଜ୍ୟ କାର୍ଯ୍ୟାଳୟରେ ବରିଷ୍ଠ ନେତୃବୃନ୍ଦଙ୍କ ଉପସ୍ଥିତିରେ ସଂକଳ୍ପ ପତ୍ର ଉନ୍ମୋଚନ କରି ସ୍ପଷ୍ଟ ବାର୍ତ୍ତା ଦେଇଛନ୍ତି ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଜେ. ପି ନଡ୍ଡା। ବିରୋଧୀ ଆସନରେ ବସିବାକୁ ନୁହେଁ ଓଡ଼ିଶାରେ ସରକାର ଗଢ଼ିବାକୁ ନିର୍ବାଚନ ଲଢୁଛି ବିଜେପି।
ବିଜେପିର ସ୍ଲୋଗାନ୍। ଦୁଇ ଥର ପଦ୍ମ, ଦୁଇ ଗୁଣା ବିକାଶ, ଓଡ଼ିଶାରେ ହେବ ବିଜେପି ସରକାର। ଏଥିପାଇଁ ବିଜେପି ସଂକଳ୍ପରେ ଦିଆଯାଇଛି ସମାଜର ସବୁ ବର୍ଗଙ୍କୁ ଗୁରୁତ୍ବ। ଓଡ଼ିଶାରେ ଆରମ୍ଭ ହେବ ସମୃଦ୍ଧ କୃଷକ ନୀତି। 3100 ଟଙ୍କା ହେବ ଧାନର MSP। ଆଉ ବିଜେପି ସରକାର ହେଲେ ବନ୍ଦ ହେବ ଧାନ କିଣାରେ କଟନୀ ଛଟନୀ। ମହିଳାଙ୍କ ପାଇଁ ଆରମ୍ଭ କରାଯିବ ସୁଭଦ୍ରା ଯୋଜନା। ସୁଭଦ୍ରା ଯୋଜନାରେ ପ୍ରତି ମହିଳାଙ୍କୁ 50 ହଜାର ଟଙ୍କାର କ୍ୟାସ୍ ଭାଉଚର ମିଳିବ। 2 ବର୍ଷ ଭିତରେ କ୍ୟାସ୍ ଭାଉଚର ଏନକ୍ୟାସ୍ କରି ପରିବାରର ବିକାଶ କାମରେ ଲଗାଇବେ। ବିଜେପି ସରକାର ଆସିଲେ ପୁରୀ ମନ୍ଦିର ଟ୍ରଷ୍ଟର ପରିଚାଳନାରେ ଅଣାଯିବ ସ୍ବଚ୍ଛତା। ଶ୍ରୀମନ୍ଦିରକୁ ଆସୁଥିବା ଭକ୍ତଙ୍କ ପାଇଁ ହେବ ବିଶ୍ବସ୍ତରୀୟ ସୁବିଧା। ଶ୍ରୀମନ୍ଦିର ରତ୍ନଭଣ୍ଡାରର ଚାବି ଖୋଲାଯିବ। ରତ୍ନଭଣ୍ଡାର ଚାବି ହଜିବା ଘଟଣାର ହେବ ବିଧିବଦ୍ଧ ତଦନ୍ତ। ଏଥିସହ ରତ୍ନଭଣ୍ଡାର ରତ୍ନର ହିସାବ ସାର୍ବଜନୀନ କରାଯିବ। ପରିକ୍ରମା ପ୍ରକଳ୍ପ ପାଇଁ ଉଚ୍ଛେଦ ହୋଇଥିବା ମଠର ପୁନରୁଦ୍ଧାର କରାଯିବ। ବିଜେଡି ସରକାର ବନ୍ଦ କରିଥିବା ଜଗନ୍ନାଥ ମନ୍ଦିରର ଚାରି ଦ୍ୱାର ଭକ୍ତଙ୍କ ପାଇଁ ଖୋଲାଯିବ।
100 ଦିନ ଭିତରେ ଓଡ଼ିଶାରେ ଲାଗୁ ହେବ ଆୟୁଷ୍ମାନ ଭାରତ ଯୋଜନା। ଏଥିସହ ଏହାର ପରିସର ବଢ଼ାଯାଇ 8 ଲକ୍ଷରୁ କମ୍ ଆୟ ବର୍ଗର ସମସ୍ତଙ୍କୁ ଏଥିରେ କରାଯିବ ଅନ୍ତର୍ଭୁକ୍ତ। ଆଗାମୀ 5 ବର୍ଷରେ ରାଜ୍ୟର ଦେଢ଼ ଲକ୍ଷ ଯୁବକ ଯୁବତୀଙ୍କୁ ମିଳିବ ସରକାରୀ ଚାକିରି। 2 ବର୍ଷ ଭିତରେ ଖାଲି ଥିବା 65 ହଜାର ସରକାରୀ ପଦବୀ ପୂରଣ କରାଯିବ। ଆଗାମୀ 3 ବର୍ଷରେ ଅର୍ଥାତ୍ 2027 ସୁଦ୍ଧା ରାଜ୍ୟରେ ସୃଷ୍ଟି ହେବେ 25 ଲକ୍ଷ ଲକ୍ଷପତି ଦିଦି । ପ୍ରତି ଇଣ୍ଡଷ୍ଟ୍ରିଆଲ୍ କ୍ଲଷ୍ଟରରେ 500 SHGଙ୍କୁ ଯୋଡ଼ାଯାଇ କରାଯିବ ମହିଳାଙ୍କ ଆର୍ଥିକ ବିକାଶ । ମତ୍ସ୍ୟଜୀବୀଙ୍କୁ ମିଳିବ ବାର୍ଷିକ 10 ହଜାର ଟଙ୍କାର ସହାୟତା ରାଶି।
ଓଡ଼ିଶାର ଆର୍ଥିକ ନୀତିକୁ ମିଳିବ ଦ୍ରୁତ ଗତି। 2029 ସୁଦ୍ଧା ଓଡ଼ିଶାରେ ସୃଷ୍ଟି ହେବ 3.5 ଲକ୍ଷ ନିଯୁକ୍ତି ସୁଯୋଗ। ରାଉରକେଲା, ସମ୍ବଲପୁର, ପାରାଦ୍ବୀପ ଓ ଧାମରାରେ ବିକଶିତ କରାଯିବ ଇଣ୍ଡଷ୍ଟ୍ରିଆଲ କରିଡର। PROSPER ODISHA ମାଧ୍ୟମରେ MSME ସେକ୍ଟରକୁ ଦିଆଯିବ ବଡ଼ ବୁଷ୍ଟ । ଭୁବନେଶ୍ବର, ରାଉରକେଲା, ବ୍ରହ୍ମପୁର, ବାଲେଶ୍ବରରେ ନିର୍ମାଣ ହେବ 4ଟି ଆଇଟି ପାର୍କ।ପଶ୍ଚିମ ଓଡ଼ିଶାରେ 3ଟି ଇଣ୍ଟିଗ୍ରେଟେଡ୍ ଟେକ୍ସଟାଇଲ୍ ପାର୍କ ପ୍ରତିଷ୍ଠା ହେବ। ଏଥିରୁ 51 ହଜାର ନିଯୁକ୍ତି ସୁଯୋଗ ସୃଷ୍ଟିହେବ। ଆରମ୍ଭ କରାଯିବ ବୁଣାକାର ସମ୍ମାନ ନିଧି ଯୋଜନା। ଯେଉଁଥିରେ ବୁଣାକାରଙ୍କୁ ମିଳିବ ମାସିକ 3 ହଜାର ଟଙ୍କାର ସହାୟତା। ଆଦିବାସୀ ଛାତ୍ରଛାତ୍ରୀଙ୍କୁ ମିଳିବ ବାର୍ଷିକ 5 ହଜାର ଟଙ୍କା। ମୁଖ୍ୟମନ୍ତ୍ରୀ ସହାୟତା ଯୋଜନାରେ ବୟସ୍କ, ଦିବ୍ୟାଙ୍ଗ, ବିଧବାଙ୍କୁ ମିଳିବ ମାସିକ 3 ହଜାର ଟଙ୍କାର ଭତ୍ତା। ଆଗାମୀ ପାଞ୍ଚ ପର୍ଷରେ ଓଡ଼ିଶାରେ 75 ହଜାର କିମି ବିଶ୍ବସ୍ତରୀୟ ରାସ୍ତା ନିର୍ମାଣ କରାଯିବ। ଓଡ଼ିଶାକୁ ଦେଶର ତୃତୀୟ ବୃହତ୍ ପର୍ଯ୍ୟଟନ କ୍ଷେତ୍ର କରିବାକୁ ରହିଛି ବିଜେପିର ଯୋଜନା।
କେନ୍ଦୁପତ୍ର ତୋଳାଳି କଲ୍ୟାଣ ଯୋଜନା ଅଧୀନରେ କେନ୍ଦୁପତ୍ର ତୋଳାଳିଙ୍କ ପାଇଁ 35 ପ୍ରତିଶତ ବୋନସ ଓ ବନ୍ଧାଳିଙ୍କୁ ମିଳିବ 10 ପ୍ରତିଶତ ବୋନସ୍। ପିଏମ୍ ଆବାସ ଯୋଜନାରେ ଓଡ଼ିଶାରେ ନିର୍ମାଣ କରାଯିବ 15 ଲକ୍ଷ ଘର। ଜଳଜୀବନ ମିଶନରେ 26 ଲକ୍ଷ ଘରକୁ ହେବ ପାଇପ୍ ଜଳ ଯୋଗାଣ। 40 ହଜାର ସର୍ବସାଧାରଣ ସ୍ଥାନରେ ବି ହେବ ପାଇପ୍ ଜଳ ସଂଯୋଗ। ଅଣସଂଗଠିତ କ୍ଷେତ୍ରର ଶ୍ରମିକଙ୍କର ପଞ୍ଜୀକରଣ କରାଯାଇ ସେମାନଙ୍କୁ ଦିଆଯିବ 5 ଲକ୍ଷ ଟଙ୍କାର ସ୍ବାସ୍ଥ୍ୟ ବୀମା। ରାଜ୍ୟରେ PHC ଓ CHCରେ ଯୋଗ କରାଯିବ 36000 ନୂଆ ବେଡ୍। 100 ଶଯ୍ୟା ବିଶିଷ୍ଟ ସବୁ CHCରେ ଉପଲବ୍ଧ ହେବ ICU ଓ ଡାଏଲିସିସ୍ ସୁବିଧା। ମେଡିକାଲ କଲେଜ ଗୁଡ଼ିକରେ ଖୋଲାଯିବ ସୁପର ସ୍ପେଶାଲିଟି ହସ୍ପିଟାଲ। ଏଥିସହ ଓଡ଼ିଶାର ପ୍ରତି ଘରେ କାର୍ଯ୍ୟକାରୀ କରାଯିବ ପିଏମ୍ ସୂର୍ଯ୍ୟ ଘର ଯୋଜନା। ଯାହା ଫଳରେ ସମସ୍ତଙ୍କୁ ମିଳିବ ମାଗଣା ବିଜୁଳି।
ଅଧିକ ପଢ଼ନ୍ତୁ ଓଡିଶା ଖବର:
