money found in washing machine, Tuesday and discovered unaccounted cash amounting to Rs 2.54 crore.

ଓ୍ବାଶିଂ ମେସିନ୍ ଭିତରୁ ମିଳିଲା କୋଟି କୋଟି ଟଙ୍କା

by Manini Pattanayak

money found in washing machine, Tuesday and discovered unaccounted cash amounting to Rs 2.54 crore.

ନୂଆଦିଲ୍ଲୀ: ଓ୍ବାଶିଂ ମେସିନ୍ ଭିତରୁ ମିଳିଲା କୋଟି କୋଟି ଟଙ୍କା । ଇଡି ପକ୍ଷରୁ ଚଢଉ ବେଳେ ବିପୁଳ ପରିମାଣର ଟଙ୍କା ଠାବ କରାଯାଇଛି । ଓ୍ବାସିଂ ମେସିନ ଭିତରେ ଥିବା ଅଢେଇ କୋଟି ଟଙ୍କାକୁ ଜବତ କରିଛି ଇଡି । ବେନାମୀ କଂପାନୀ ନାଁରେ କୋଟି କୋଟି ଟଙ୍କା ଠୁଳ କରୁଥିବା ଅଭିଯୋଗ ହେବା ପରେ ଇଡି ପକ୍ଷରୁ ଚଢଉ କରିଥିଲା । ଇଡିର ଟିମ୍ ଦିଲ୍ଲୀ, ହାଇଦ୍ରାବାଦ, ମୁମ୍ବାଇ, କୋଲକତା ଓ ହରିଆଣାର କୁରୁକ୍ଷେତ୍ରରେ ରେଡ୍ କରିଥିଲା ।

ଏହି ବେନାମୀ କମ୍ପାନୀ ଗୁଡିକର ନିର୍ଦ୍ଦେଶକ ଓ ଅଂଶୀଦାର ମାନେ ଇଡି ସ୍କାନରେର ରହିଛନ୍ତି । ସେମାନେ କେଉଁ ସୂତ୍ରରୁ ଏତେ ପରିମାଣର ଟଙ୍କା ଆୟ କରିଥିଲେ ସେ ସମ୍ପର୍କରେ ଇଡି ଖୋଳତାଡ କରୁଛି । କିନ୍ତୁ କେଉଁ ସ୍ଥାନରୁ ଓ୍ବାସିଂ ମେସିନ ଭିତରୁ ଅଢେଇ କୋଟି ଟଙ୍କା ଜବତ ହୋଇଛି ସେ ସମ୍ପର୍କରେ ଇଡି ସ୍ପଷ୍ଟ କରିନାହିଁ । ବର୍ତ୍ତମାନ ସୁଦ୍ଧା ୪୭ଟି ବ୍ୟାଙ୍କ ଆକାଉଣ୍ଟ ଅଚଳ କରାଯାଇଥିବା ଇଡି ସୂଚନା ଦେଇଛି ।
ଅଧିକ ପଢନ୍ତୁ ଭାରତ ଖବର

ଜଙ୍ଗଲରେ ଭୟଙ୍କର ନିଆଁ, ଶହ ଶହ ହେକ୍ଟର ଜଙ୍ଗଲ ଜଳୁଛି

by Banajyotshna Ray

Nainital forest fire threatens civilian area

ଅର୍ଗସ ବ୍ୟୁରୋ: ଉତ୍ତରାଖଣ୍ଡର ନୈନିତାଲର ଜଙ୍ଗଲରେ ଭୟଙ୍କର ନିଆଁ । ଶହ ଶହ ହେକ୍ଟର ଜଙ୍ଗଲ ଜଳୁଛି । ନିଆଁ ଗୋଟିଏ ପରେ ଗୋଟିଏ ଅଂଚଳକୁ ବ୍ୟାପିବାରେ ଲାଗିଛି । ନିଆଁ ଏତେ ଭୟଙ୍କର ଜଳୁଛି ଯେ, ନିଆଁ ଲିଭାଇବାକୁ ବାୟୁସେନା ଓ ସ୍ଥଳସେନାର ସହାୟତା ନିଆଯାଛି । ବାୟୁସେନାର Mi-17 helicopter ଦ୍ବାରା ଭୀମତାଲ ହ୍ରଦରୁ ପାଣି ଆଣି ଲିଭାଯାଉଛି । ସେପଟେ ନିଆଁକୁ ଆୟତ୍ତ କରିବା ପ୍ରଶାସନ ପାଇଁ ବଡ ଚ୍ୟାଲେଜ ବୋଲି ମୁଖ୍ୟମନ୍ତ୍ରୀ ପୁଷ୍କର ସିଂ ଧାମୀ କହିଛନ୍ତି ।

ଅଧିକ ପଢ଼ନ୍ତୁ ଦେଶ ଖବର:

12 ଦିନ ହେବ ଭୁବନେଶ୍ୱର ତାପମାତ୍ରା 40 ଉପରେ

by Smruti Parija

bhubaneswar-temperature-above-40-degree-since-last-12-days

ଭୁବନେଶ୍ୱର: ରେକର୍ଡ ଭାଙ୍ଗୁଛି ଚଳିତ ବର୍ଷର ଏପ୍ରିଲ ମାସର ତାପମାତ୍ରା । ବିଗତ 12 ଦିନ ହେବ ରାଜଧାନୀ ଭୁବନେଶ୍ଵରର ତାପମାତ୍ରା ଲଗାତାର 40 ଉପରେ ରହିଥିବାବେଳେ ରାଜ୍ୟର ଅର୍ଦ୍ଧାଧିକ ଜିଲ୍ଲାରେ ମଧ୍ୟ ସମାନ ସ୍ଥିତି ଲାଗି ରହିଛି । ଏପ୍ରିଲ ମାସରେ ବର୍ତ୍ତମାନ ପର୍ଯ୍ୟନ୍ତ ରାଜ୍ୟରେ ଦୁଇଟି ସ୍ପେଲରେ 14 ଦିନ ହେବ ଉଷ୍ମ ଦିନ ରେକର୍ଡ ହୋଇସାରିଲାଣି । ଆଗକୁ କୌଣସି ବଡ଼ ବର୍ଷାର ସମ୍ଭାବନା ନଥିବାବେଳେ ମେ ମାସ ଦ୍ଵିତୀୟ ସପ୍ତାହ ପର୍ଯ୍ୟନ୍ତ ରାଜ୍ୟରେ ଏହିଭଳି ଉଷ୍ମ ଦିନ ସ୍ଥିତି ଲାଗି ରହିବ ।

ଖାଲି ସେତିକି ନୁହେଁ ଆଗାମୀ 48 ଘଣ୍ଟା ମଧ୍ୟରେ ରାଜ୍ୟର କିଛି କିଛି ସ୍ଥାନରେ ଦିନ ତାପମାତ୍ରାରେ ଆହୁରି 2°C ଯାଏଁ ବୃଦ୍ଧି ସମ୍ଭାବନା ରହିଛି । ଯାହା ପ୍ରଭାବରେ ଆଗାମୀ 4 ରୁ 5 ଦିନ ଯାଏଁ ରାଜ୍ୟର କିଛି ଜିଲ୍ଲାରେ ଉଷ୍ମ ପାଣିପାଗ ସ୍ଥିତି ଜାରି ରହିବା ସହ କିଛି ଜିଲ୍ଲାରେ ଭୀଷଣ ଗ୍ରୀଷ୍ମପ୍ରବାହରୁ ଗ୍ରୀଷ୍ମ ପ୍ରବାହ ସ୍ଥିତି ଲାଗି ରହିବ । ରାଜ୍ୟର ଉତ୍ତର ଓଡ଼ିଶା ଏବଂ ପଶ୍ଚିମ ଆଭ୍ୟନ୍ତରୀଣ ଓଡ଼ିଶାରେ ଗ୍ରୀଷ୍ମ ପ୍ରବାହ ସ୍ଥିତି ଅଧିକ ରହିବା ସହ ଅନ୍ୟାନ୍ୟ ଜିଲ୍ଲାରେ ମଧ୍ୟ ଆଦ୍ରତା ରହିବା ନେଇ ପାଣିପାଗ ବିଭାଗ ଆକଳନ କରିଛି ।

ଆବଶ୍ୟକ ନଥିଲେ ଦିନ 11 ଟା ରୁ 3 ଟା ମଧ୍ୟରେ ଘରୁ ବାହାରିବାକୁ ପାଣିପାଗ ବିଭାଗ ପକ୍ଷରୁ ବାରଣ କରାଯାଇଛି । ଗର୍ଭବତୀ, ହାର୍ଟ ରୋଗୀ, ଛୋଟପିଲା, ବୟସ୍କ ବ୍ୟକ୍ତି ବିଶେଷ ଯତ୍ନବାନ ହେବା ସହ ସତର୍କତା ଅବଲମ୍ବନ କରିବାକୁ ପାଣିପାଗ ବିଭାଗ ଏଲର୍ଟ ଜାରି କରିଛି ।

ଆହୁରି ପଢନ୍ତୁ ପାଣିପାଗ ଖବର...

କାଳବୈଶାଖୀ ତାଣ୍ଡବ; ଭାଙ୍ଗିଲା ଘର, ଗଛ ପଡି ରାସ୍ତା ଅବରୋଧ

by Smruti Parija

କୋରାପୁଟ: କୋରାପୁଟ ଜିଲ୍ଲା ନାରାୟଣପାଟଣାରେ କାଳବୈଶାଖୀ ତାଣ୍ଡବ । ପ୍ରବଳ ବର୍ଷା ଓ ତୀବ୍ର ପବନ ଯୋଗୁଁ ନାରାୟଣପାଟଣା ବ୍ଲକ୍ ମୁଣ୍ଡିଗୁଡ଼ାରେ 2 ଟି ଘର ଓ ମୁଷଳମୁଣ୍ଡା ଗାଁରେ 2 ଟି ଏବଂ କାମ୍ବୀୱାଲ୍ସା ଗାଁରେ 3 ଟି କୁଡ଼ିଆ ଘର ଭାଙ୍ଗି ଚୂର୍ ମାର୍ ହୋଇଥିବା ଖବର ସାମ୍ନାକୁ ଆସିଛି ।

ଅଞ୍ଚଳରେ ଏକାଧିକ ଜାଗାରେ ଗଛ ପଡ଼ି ଥିବା ସୂଚନା ମିଳିଛି । ସେପଟେ ସଦର ଚମ୍ପିକଟା ସାହି ଓ ଏକାଧିକ ସ୍ଥାନରେ ଥିବା ବିଦ୍ୟୁତ୍ ତାର ଉପରେ ଗଛ ପଡ଼ିଥିବା ସୂଚନା ଦେଇଛନ୍ତି ବିଦ୍ୟୁତ୍ ବିଭାଗ ଯନ୍ତ୍ରୀ । ସକାଳ ହେଲେ କ୍ଷୟକ୍ଷତି ଆକଳନ ତଥ୍ୟ ସାମ୍ନାକୁ ଆସିବ ବୋଲି ସୂଚନା ଦେଇଛନ୍ତି ତହସିଲ ବିଭାଗ । କେବଳ ନାରାୟଣପାଟଣା ନୁହେଁ ବନ୍ଧୁ ଗାଁ ବ୍ଲକ୍ ରେ ମଧ୍ୟ କାଳବୈଶାଖୀ ପ୍ରଭାବରେ କ୍ଷୟକ୍ଷତି ହୋଇଥିବା ସୂଚନା ମିଳିଛି ।

ସେପଟେ ପ୍ରଚଣ୍ଡ ଗ୍ରୀଷ୍ମ ତାତିରେ ସନ୍ତୁଳି ହେଉଛି ଓଡ଼ିଶା । ଆହୁରି 4 ରୁ 5ଦିନ ଯାଏଁ ରାଜ୍ୟର କିଛି ଜିଲ୍ଲାରେ ଉଷ୍ମ ପାଣିପାଗ ସ୍ଥିତି ଜାରି ରହିବ । ଦିନ ତାପମାତ୍ରା 2 ଡ଼ିଗ୍ରୀ ବୃଦ୍ଧି ପାଇବା ସମ୍ଭାବନା ରହିଛି । ପ୍ରବଳ ଗ୍ରୀଷ୍ମ ପ୍ରବାହ ଯୋଗୁଁ କିଛି ଜିଲ୍ଲାକୁ ରେଡ୍ ଆଲର୍ଟ ଜାରି ହୋଇଛି । ଆଭ୍ୟନ୍ତରୀଣ ଓଡ଼ିଶାରେ 45 ଡିଗ୍ରୀ କିମ୍ବା ଅଧିକ ପାରଦ ରେକର୍ଡ ସମ୍ଭାବନା ରହିଛି ।