ଅର୍ଗସ ବ୍ୟୁରୋ: ଆଜି ଜାତୀୟ ମହିଳା ଆୟୋଗର 31 ତମ ପ୍ରତିଷ୍ଠା ଦିବସ। 2ଦିନ ଧରି ଅନୁଷ୍ଠିତ ହେବାକୁ ଥିବା କାର୍ଯ୍ୟକ୍ରମରେ ଯୋଗଦେଇ ମହିଳା ମାନଙ୍କୁ ସମ୍ବୋଧିତ କରିବେ ରାଷ୍ଟ୍ରପତି ଦ୍ରୌପଦୀ ମୁର୍ମୁ। ଚଳିତ ବର୍ଷ ମହିଳା ଆୟୋଗର ପ୍ରତିଷ୍ଠା ଦିବସ ଥିମ ରହିଛି `ସଶକ୍ତ ନାରୀ, ସଶକ୍ତ ଭାରତ'। କେନ୍ଦ୍ର ମହିଳା ଏବଂ ଶିଶୁ ବିକାଶ ମନ୍ତ୍ରଣାଳୟ ଦ୍ବାରା ଏହି କାର୍ଯ୍ୟକ୍ରମର ଆୟୋଜନ କରାଯାଉଛି।କେନ୍ଦ୍ର ସରକାରଙ୍କ ବିଭିନ୍ନ ବିଭାଗରେ କାର୍ଯ୍ୟର୍ତ୍ତ ମହିଳା କର୍ମଚାରୀ ମାନେ ଏହି କାର୍ଯ୍ୟକ୍ରମରେ ସାମିଲ ହେବେ। ବିଭିନ୍ନ କ୍ଷେତ୍ରରେ ପ୍ରତିଷ୍ଠାଲାଭ କରି ନାରୀ ସମାଜ ପାଇଁ କାମ କରୁଥିବା ମହିଳା ମାନଙ୍କୁ ନେଇ ମଧ୍ୟ ଆଲୋଚନାଚକ୍ର ଅନୁଷ୍ଠିତ ହେବ।
ଏହି ଆଲୋଚନା ମାଧ୍ୟମରେ ମହିଳା ଆୟୋଗଙ୍କ ପକ୍ଷରୁ ମହିଳା ମାନେ ସମ୍ମୁଖୀନ କରୁଥିବା ବିଭିନ୍ନ ସମସ୍ୟା ନେଇ ଆଲୋଚନା ହେବ। 1992 ମସିହାରେ ଜାତୀୟ ମହିଳା ଆୟୋଗ ପ୍ରତିଷ୍ଠା କରାଯାଇଥିଲା। ମହିଳାମାନଙ୍କ ପାଇଁ ସାମ୍ବିଧାନିକ ଏବଂ ଆଇନଗତ ସୁରକ୍ଷାକୁ ସମୀକ୍ଷା କରିବା, ପ୍ରତିକାର ବ୍ୟବସ୍ଥାକୁ ସୁଧାରିବା, ସମାଧାନ ପାଇଁ କିମ୍ବା ଅଭିଯୋଗ ଉପରେ ସରକାରଙ୍କୁ ପରାମର୍ଶ ଦେବା ପାଇଁ ଏହାର ପ୍ରତିଷ୍ଠା କରାଯାଇଥିଲା।
ଭାରତ ଖବର ଆହୁରି ପଢ଼ନ୍ତୁ ।
ପୁରୀ: ଆଜି ହେଉଛି ପବିତ୍ର ସୁନିଆ ଉତ୍ସବ । ଆଜିଠାରୁ ଗଜପତି ମହାରାଜ ଦିବ୍ୟସିଂହ ଦେବଙ୍କର ଆରମ୍ଭ ହୋଇଛି 1431 ସାଲ 67 ଅଙ୍କର ପ୍ରବେଶ । ଏହି ଅବସରରେ ଆଜି ସନ୍ଧ୍ୟାରେ ପୁରୀ ଗଜପତିଙ୍କ ଶ୍ରୀନଅରରେ ପାଳିତ ହେବ ସୁନିଆଁ ଉତ୍ସବ । ଆଜିଠାରୁ ଗଜପତି ମହାରାଜାଙ୍କର 67 ଅଙ୍କ ଆରମ୍ଭ ହେବ । ଜାତକ ଓ ପାଞ୍ଜି ଅଙ୍କ ଗଣନାର ରହିଛି ବିଶେଷ ମହତ୍ତ୍ୱ ।
ସୁନିଆଁ ଅବସରରେ ଶ୍ରୀନହର ପ୍ରାଙ୍ଗଣରେ ଥିବା କନକ ଦୂର୍ଗାଙ୍କ ମନ୍ଦିରରେ ବିଶେଷ ପୂଜାର୍ଚ୍ଚନା କରାଯିବ । କନକଦୂର୍ଗା, ଶ୍ୟାମାକାଳୀ, ରାଧାକୃଷ୍ଣ ,ନୃସିଂହ ଆଦି ଦେବାଦେବୀଙ୍କୁ ପୂଜାର୍ଚ୍ଚନା କରିବେ ଗଜପତି ମହାରାଜ । ଗଜପତିଙ୍କର ଏହି ପୂଜାକୁ ଦେବାର୍ଚ୍ଚନା କୁହାଯାଏ । ଦେବାର୍ଚ୍ଚନା ଓ ମଙ୍ଗଳାର୍ପଣ ପରେ ଶ୍ରୀନହରରେ ସୁନିଆଁର ବିଶେଷ ପର୍ବ ଆରମ୍ଭ ହେବ ।
ଗଜପତିଙ୍କ ଉପସ୍ଥିତିରେ ଶ୍ରୀନହରରେ ଅଙ୍କ କଟା ନିତୀ ସମ୍ପାଦନ କରାଯିବ । ଏହି ଅବସରରେ ଶ୍ରୀନହର ପକ୍ଷରୁ ନୂତନ ଅଙ୍କ ପାଇଁ ଏକ ସ୍ୱର୍ଣ୍ଣ ମୁଦ୍ରା ପ୍ରଚଳନ କରାଯିବ । ରାଜଗୁରୁଙ୍କ ଉପସ୍ଥିତିରେ ବରାହ ନୃସିଂହ, ଲକ୍ଷ୍ମୀ ନୃସିଂହ ଆଦି ଦେବା ଦେବୀଙ୍କ ଚିହ୍ନ ଥିବା ମୁଦ୍ରାକୁ ନହର କରଣ ପ୍ରଚଳନ କରାଇବା ସହ ଗଜପତି ମହାରାଜ ଏହାକୁ ଘୋଷଣା କରିବେ ।
ଆହୁରି ପଢନ୍ତୁ ଓଡିଶା ଖବର...
ଅର୍ଗସ ବ୍ୟୁରୋ: ବାପାଙ୍କର ଟାୟାର ମରାମତି ଦୋକାନରେ ଟାୟାରର ପଙ୍କଚର ମାରନ୍ତି ପୁଅ ଅହଦ। ଏମିତି କେତେଯେ ଟାୟାରର ପଙ୍କଚର ମାରିଥିବେ ତାହା ଠିକ୍ ନଥିବ। ହେଲେ ଏହି ସଙ୍ଘର୍ଷପୂର୍ଣ୍ଣ ଜୀବନରେ ୟୁ ଟର୍ନ ଆସେ। ଆଉ ସେହି ୟୁ ଟର୍ନ ସମ୍ପୂର୍ଣ୍ଣ ପରିବର୍ତ୍ତନ କରିଦେଇଥାଏ। ଏହାର ସଦ୍ୟତମ ଉଦାହଣର ହେଉଛନ୍ତି ଅହଦ ଅହମ୍ମଦ। ଟାୟାର ମରାମତି କରୁଥିବା ୨୬ ବର୍ଷିୟ ଅହଦ ଏବେ ଜଜ। ଉତ୍ତରପ୍ରଦେଶ ପ୍ରୟାଗରାଜର ଅହାଦ ପ୍ରୋଭିନ୍ସିଆଲ ସିଭିଲ ସର୍ଭିସ ପରୀକ୍ଷାରେ କୃତକାର୍ଯ୍ୟ ହୋଇଛନ୍ତି। ଖୁବ୍ ଶିଘ୍ର ସେ ସିଭିଲ ଜଜ ହେବାକୁ ଯାଉଛନ୍ତି।
ତାଙ୍କର ଏହି ସଫଳତାରେ ଅଞ୍ଚଳରେ ଖୁସିର ଲହରି ଖେଳିଯାଇଛି। ଅହାଦଙ୍କ ବାପା ଶାହାଜାଦ ଅହମ୍ମଦ ଟାୟାର ମରାମତି କରୁଥିବାବଳେ ମା ଅଫସାନା ବେଗମ ପଡୋଶୀଙ୍କ ଘରେ ସିଲେଇ କରନ୍ତି। ଏ ସବୁ ଆର୍ଥିକ ଅନଟନ ମଧ୍ୟରେ ନିଜକୁ ପ୍ରସ୍ତୁତ କରିଥିଲେ ଅହଦ। ପ୍ରଥମେ ଜଣେ ଓକିଲ ହୋଇଥିଲେ। ପରେ ପ୍ରୋଭିନ୍ସିଆଲ ସିଭିଲ ସର୍ଭିସ ପରୀକ୍ଷାରେ କୃତକାର୍ଯ୍ୟ ହୋଇଥିଲେ। ସିଭିଲ ଜଜ ପାଇଁ ଆସନ୍ତା ଡିସେମ୍ବରରେ ତାଲିମ ନେବେ। ଅହଦ । ଶାହାଜାଦ ଅହମ୍ମଦଙ୍କ ବଡ ପୁଅ ଜଣେ ସପ୍ଟ ଓ୍ୱେୟାର ଇଞ୍ଜିନିୟର ଥିବାବେଳେ ସବା ସାନ ପୁଅ ବ୍ୟାଙ୍କ ମ୍ୟାନେଜର। ମଝିଆଁ ପୁଅ ଅହଦ ଏବେ ଜଜ ହେବାକୁ ଯାଉଛନ୍ତି। ଦୃଢ ମନବଳ ଆଉ ଇଛା ଇଛା ଶକ୍ତି ଲକ୍ଷ ପୂରଣ କରିବାରେ ଏକ ଶକ୍ତ ଅସ୍ତ୍ର ବନିଥାଏ।
ଅଧିକ ପଢ଼ନ୍ତୁ ଦେଶ ଖବର:
ଅର୍ଗସ ବ୍ୟୁରୋ: ଆଜିର ଦୁନିଆରେ ସ୍ୱାର୍ଥ ପର ମଣିଷ ନିଜ ଚିନ୍ତା ଛଡ଼ା ଆଉ କାହା କଥା ଚିନ୍ତା କରୁ ନ ଥିବା ବେଳେ. ଆଗେଇ ଆସିଛି ଭଦ୍ରକର ଅଗ୍ରିଣ ସମାଜସେବୀ ସଂଗଠନ ସହିଦ ଭଗତ ସେନା। ହଁ ଆଜ୍ଞା ଆମେ କହୁଛୁ ସହିଦ ଭଗତ ସେନାର ସଦସ୍ୟ ମାନଙ୍କ କଥା। ଯିଏ କି ମାନବିକତା ଦେଖାଇ କରିଛନ୍ତି ସବ ସତ୍କାର। ସୂଚନା ଅନୁଯାୟୀ ବାଙ୍ଗଲାଦେଶରୁ ଭାରତ ଦେଶକୁ ଚିକିତ୍ସା ପାଇଁ ଆସିଥିବା ଏକ ରୋଗୀର କାହାଣୀ।
ବାଙ୍ଗଲାଦେଶର ହିନ୍ଦୁ ପରିବାର ଜିକୁ ସେନ ନାମକ ବ୍ୟକ୍ତି ଗତ 22 ତାରିଖରେ ତାଙ୍କ ଶଶୁର ଙ୍କ ଦେହ ଖରାପ ହୋଇଥିବାରୁ ସେ ଚେନ୍ନାଇର ଏକ ହସ୍ପିଟାଲ କୁ ଚିକିତ୍ସା ପାଇଁ ନେଇଥିଲେ। ସେଠାରେ ତାଙ୍କ ଶଶୁର ଙ୍କ ଦେହ ଭଲ ହୋଇ ଯିବା ପରେ ସମସ୍ତେ ଚେନ୍ନାଇ ରୁ ଟ୍ରେନ ଯୋଗେ କଲିକତା କୁ ଫେରୁଥିଲେ। ଗତକାଲି ହଠାତ ଭଦ୍ରକ ଷ୍ଟେସନ ନିକଟରେ ଟ୍ରେନରୁ ଖସି ପଡିଲେ ଶଶୁର। ଫଳରେ ଟ୍ରେନରେ କଟି ଯିବା ଫଳରେ ତାଙ୍କ ଶଶୁର ଙ୍କର ଜୀବନ ଚାଲିଗଲା ଫଳରେ ଡେଡ଼ ବଡି କୁ ଏତେ ଦୂର କୁ ନେବା ପାଇଁ କଷ୍ଟ ସାଧ୍ୟ ହୋଇ ପଡିଥିଲା। ପରିବାର ବର୍ଗ ଚାହିଁଥିଲେ ଏଠାରେ ହିଁ ସବ ସତ୍କାର କରିବା ପାଇଁ।
ଏତିକି ବେଳେ ସହିଦ ଭଗତ ସେନାର ଆବାହକ ସୀତାଂଶୁ ଶେଖର ମହାପାତ୍ର ଙ୍କ ନିକଟରେ ଖବର ପହଞ୍ଚି ଥିଲ। ସାଙ୍ଗେ ସାଙ୍ଗେ ଖବର ପାଇ ସହିଦ ଭଗତ ସେନାର ସଦସ୍ୟ ମାନେ ଷ୍ଟେସନ ପାଖରେ ପହଞ୍ଚି ବାଙ୍ଗଲାଦେଶର ହିନ୍ଦୁ ପରିବାର ଜିକୁ ସେନ ଙ୍କ ପାଖରେ ପହଞ୍ଚି ହିନ୍ଦୁ ରୀତିନୀତି ଅନୁଯାୟୀ ସବ ସତ୍କାର ପାଇଁ କାଠ, ଘିଅ ସହ ସ୍ଥାନୀୟ ମସାଣିରେ ସବ ସତ୍କାର କରିଛନ୍ତି। ବାଙ୍ଗଲାଦେଶ ହିନ୍ଦୁ ରୀତିନୀତି ଅନୁଯାୟୀ ତାଙ୍କ ସ୍ତ୍ରୀ ମୁଖାଗ୍ନି ଦେଇଥିଲେ। ଏହି ଭଳି ମହାନତା ଦେଖାଇଥିବା ସହିଦ ଭଗତ ସେନାର ସଦସ୍ୟ ମାନଙ୍କୁ ବହୁତ ବହୁତ ଧନ୍ୟବାଦ ଜଣାଇଛନ୍ତି ଜିକୁ ସେନ।
ଅଧିକ ପଢ଼ନ୍ତୁ ଓଡିଶା ଖବର:
