ଅର୍ଗସ ବ୍ୟୁରୋ: ଏଥର ଓଡ଼ିଶାରେ ନବୀନଙ୍କ ସହ ହେବ ସାମ୍ନାସାମ୍ନି ଲଢ଼େଇ । ମୋଦିଙ୍କ ନେତୃତ୍ବରେ ଓଡ଼ିଶାର ବିକାଶ ପାଇଁ ଦାୟିତ୍ବ ଦେବାକୁ ଓଡ଼ିଶାବାସୀଙ୍କୁ ଅମିତ ଶାହ କଲେ ଅନୁରୋଧ । ଏକ ଜାତୀୟ ଗଣମାଧ୍ୟମକୁ ସାକ୍ଷାତକାରରେ କେନ୍ଦ୍ର ଗୃହମନ୍ତ୍ରୀ ଅମିତ୍ ଶାହ କହିଛନ୍ତି କୌଣସି ଦ୍ୱନ୍ଦ୍ୱ ନାହିଁ, ଏଥର ଓଡ଼ିଶାରେ ବିଜେଡି ସହ ସାମ୍ନାସାମ୍ନି ଲଢ଼େଇ ହେଉଛି ।
'ଓଡ଼ିଆ ଭାଷା, ସଂସ୍କୃତି ଓ ରାଜ୍ୟର ଗର୍ବ ପାଇଁ ନିର୍ବାଚନ ଲଢ଼ିବାକୁ ବିଜେପି ସ୍ଥିର କରିଛି। ଦଳୀୟ କାର୍ଯ୍ୟକର୍ତ୍ତାଙ୍କ ମତ ଆଧାରରେ ଏହି ନିଷ୍ପତ୍ତି ନିଆଯାଇଛି। ଏବଂ ନିଷ୍ପତ୍ତି ଆଧାରରେ ପଦକ୍ଷେପ ନେଇଥିବା କହିଛନ୍ତି ଅମିତ୍ ଶାହ । ଆହୁରି ମଧ୍ୟ ମୋଦିଙ୍କ ନେତୃତ୍ବରେ ଓଡ଼ିଶାର ବିକାଶ ପାଇଁ ଦାୟିତ୍ବ ଦେବାକୁ ଓଡ଼ିଶାବାସୀଙ୍କୁ ସେ ଅନୁରୋଧ କରିଛନ୍ତି । ମୋଦି ଯେଉଁଠି ବିଜୟୀ ହୋଇଛନ୍ତି ସେଠି ବିକାଶ ଦ୍ରୁତ ଗତିରେ ହୋଇଛି। ଏଣୁ ଓଡ଼ିଶାରେ ବି ବିକାଶ ଦ୍ରୁତ ଗତିରେ ହେବ ବୋଲି ଦୃଢ଼ୋକ୍ତି କରିଛନ୍ତି ଅମିତ୍ ଶାହ।
ଆହୁରି ପଢନ୍ତୁ ଭାରତ ଖବର...
ଅର୍ଗସ ବ୍ୟୁରୋ: ଚା ପିଇବାକୁ ଭଲପାଉଥିବା ଲୋକମାନେ ଜାଣିଛନ୍ତିକି ଗ୍ରୀଷ୍ମ ତୁରେ ଏହାକୁ ପିଇବାର ସଠିକ୍ ଉପାୟ କ’ଣ ଏବଂ ଗୋଟିଏ ଦିନରେ କେତେ କପ୍ ପିଇବା ଉଚିତ୍ ।
ଗ୍ରୀଷ୍ମ ତୁରେ ଅଧିକ ଚା ପିଇବା ଦ୍ୱାରା ଶରୀର ପାଇଁ କ୍ଷତି ହୋଇଥାଏ । ଅଧିକ ଚା ପିଇବା ଦ୍ୱାରା ଶରୀରରେ ଡିହାଇଡ୍ରେସନ୍ ହୋଇପାରେ । ଚା ପିଉଥିଵା ଲୋକ ମାନେ ଗରମ କିମ୍ବା ଥଣ୍ଡା ଦେଖନ୍ତି ନାହିଁ ସେମାନେ କେବଳ ଚା କପ୍ ଏବଂ ଏଥିରୁ ଆସୁଥିବା ସ୍ଵାଦକୁ ଦେଖନ୍ତି ।
ଅନେକ ଲେକଙ୍କର ଦିନ ଚା ପିଇବା ସହିତ ଆରମ୍ଭ ହୁଏ । ଗ୍ରୀଷ୍ମ ତୁରେ ଅତ୍ୟଧିକ ଚା ପିଇବା ଦ୍ୱାରା ପେଟ ଗ୍ୟାସ ଏବଂ ପେଟ ଗରମ ହୋଇଥାଏ । ଗ୍ରୀଷ୍ମ ତୁରେ ଅଧିକ ଚା ଏବଂ କଫି ନ ପିଇବାକୁ ମଧ୍ୟ ଡାକ୍ତର କହିଥାନ୍ତି । ଯଦି ଆପଣ ଚା କୁ ଭଲ ପାଆନ୍ତି ତେବେ ସଂପୂର୍ଣ୍ଣ ବନ୍ଦ କରିବା କଷ୍ଟକର ହୋଇପାରେ
ଯେଉଁ ବ୍ୟକ୍ତିମାନେ ଚା କିମ୍ଵା କଫି ସବୁବେଳ ପସନ୍ଦ କରିଥାନ୍ତି ସେମାନେ ଚା ପିଇଵା ପୂର୍ବରୁ ଏକ ଗ୍ଲାସ ପାଣି ପିଅନ୍ତୁ । ଏହା କରିବା ଦ୍ଵାରା ଚା’ର ପ୍ରଭାବ ସାମାନ୍ୟ କମିଯାଇ ପାରେ । ଯଦି ଆପଣ ଏକ କପ୍ ଚା ପିଇଛନ୍ତି ତେବେ ଆପଣଙ୍କୁ ଏଥିପାଇଁ ଏକ ଗ୍ଲାସ୍ ପାଣି ପିଇବାକୁ ପଡିବ । ଯଦି ଆପଣ ଦିନକୁ ୩ କପ୍ ଚା ପିଉଛନ୍ତି, ତେବେ ଆପଣ ୪ ଗ୍ଲାସ ପାଣି ପିଅନ୍ତୁ
ଅଧିକ ପଢ଼ନ୍ତୁ ଜୀବନ ଶୈଳୀ ଖବର:
ଅର୍ଗସ ବ୍ୟୁରୋ: ରାଜ୍ୟରେ କାଳବୈଶାଖୀ ବର୍ଷା ପରେ ହଟିଲା ରେଡ ଆଲର୍ଟ। ହେଲେ ଜାରି ରହିଛି ଗ୍ରୀଷ୍ମ ପ୍ରବାହ। ୬ ତାରିଖ ଯାଏ ଗ୍ରୀଷ୍ମ ପ୍ରବାହ ଜାରି ରହିବା ସହ ତାତିରୁ ମିଳିବନି ନିସ୍ତାର ବୋଲି ସୂଚନା ରହିଛି। ତେବେ କ୍ରମାଗତ ଭାବେ ୧୭ ଦିନ ଧରି ରାଜ୍ୟରେ ଗ୍ରୀଷ୍ମ ପ୍ରବାହ ଜାରି ରହିଥିବା ବେଳେ ଆଉ ରହିବନି ଭୀଷଣ ଗ୍ରୀଷ୍ମ ପ୍ରବାହର ସତର୍କତା। ସେପଟେ ୮ ତାରିଖ ଯାଏ ରାଜ୍ୟରେ କାଳବୈଶାଖୀ ବର୍ଷାର ସମ୍ଭାବନା ନେଇ ସୂଚନା ଦେଇଛି ପାଣିପାଗ ବିଭାଗ।
ଆସନ୍ତା ୨୪ ଘଣ୍ଟାରେ ଗ୍ରୀଷ୍ମ ପ୍ରବାହକୁ ନେଇ ସମ୍ବଲପୁର, ସୋନପୁର, ନୂଆପଡା, ସୁନ୍ଦରଗଡ, ମୟୁରଭଞ୍ଜ, କେନ୍ଦୁଝର, ବୌଦ୍ଧ, ବଲାଙ୍ଗୀର, ଝାରସୁଗୁଡା, ଅନୁଗୁଳ, ଦେଓଗଡ ଜିଲ୍ଲାରେ ଅରେଞ୍ଜ ଆଲର୍ଟ ଜାରି କରିଛି ପାଣିପାଗ ବିଭାଗ। ଆସନ୍ତା ୨୪ ଘଣ୍ଟାରେ ଉତ୍ତର ଓ ଦକ୍ଷିଣ ଓଡିଶା ସମେତ ଆଭ୍ୟନ୍ତରୀଣ ଓଡ଼ିଶାର କିଛି ଜିଲ୍ଲାରେ ବିଜୁଳି ଘଡଘଡି ସହ ବର୍ଷା ଓ ଝଡତୋଫାନ ହେବାର ସମ୍ଭାବନା ରହିଛି।
ଅଧିକ ପଢ଼ନ୍ତୁ ପାଣିପାଗ ଖବର
ଅର୍ଗସ ବ୍ୟୁରୋ: ସୁଜାତା କାର୍ତ୍ତିକେୟନଙ୍କୁ ଇସିଆଇ ଛାଟ । ବିଜେପିର ଅଭିଯୋଗ ପରେ ସୁଜାତାଙ୍କୁ ବଦଳି ନିର୍ଦ୍ଦେଶ ଦିଆଯାଇଥିବା ସୂଚନା ମିଳିଛି। ଏନେଇ ଜାତୀୟ ଗଣମାଧ୍ୟମରେ ପ୍ରକାଶ ପାଇଛି ଖବର। ମିଶନ ଶକ୍ତି କମିଶନର ତଥା ସଚିବ ସୁଜାତା କାର୍ତ୍ତିକେୟନଙ୍କ ବିରୋଧରେ ସାଂଘାତିକ ଅଭିଯୋଗ ଅଣିଛି ବିଜେପି। ବିଜେଡିର ରାଜନୈତିକ ଫାଇଦା ପାଇଁ SVEEP କାର୍ଯ୍ୟକ୍ରମ ମାଧ୍ୟମରେ ଭୋଟରଙ୍କୁ ପ୍ରଭାବିତ କରୁଥିବା ନେଇ ହୋଇଛି ଅଭିଯୋଗ। ଏନେଇ ନିର୍ବାଚନ କମିଶନଙ୍କ ନିକଟରେ ଫେରାଦ ହୋଇଥିଲା ବିଜେପି। ଅଭିଯୋଗ ଅନୁଯାୟୀ ବିଜେଡି ନେତା ତଥା ଅବସରପ୍ରାପ୍ତ ଆଇଏଏସ ଭୈରବ କାର୍ତ୍ତିକେୟନ ପାଣ୍ଡିଆନଙ୍କ ସ୍ତ୍ରୀ ସୁଜାତା କାର୍ତ୍ତିକେୟନ ଯିଏକି ମିଶନ ଶକ୍ତି କମିଶନର ତଥା ସଚିବ ଭାବେ ଓଡ଼ିଶା ସରକାରଙ୍କ ଅଧୀନରେ କାର୍ଯ୍ୟ କରୁଛନ୍ତି।
ସେ ବିଜେଡିକୁ ରାଜନୈତିକ ଫାଇଦା ପହଞ୍ଚାଇବାକୁ ସରକାରୀ କଳର ଦୁରୁପଯୋଗ କରୁଛନ୍ତି। ନିଜ ସ୍ବାମୀଙ୍କ ଦ୍ବାରା ପ୍ରଭାବିତ ହୋଇ ସୁଜାତା ପେଶଦାର ମନୋଭାବକୁ ଜଳାଞ୍ଜଳି ଦେଇ ବିଜେଡିର ଏଜେଣ୍ଟ ଭାବେ କାମ କରୁଥିବା ଅଭିଯୋଗ କରିଛି ବିଜେପି। ଯେହେତୁ ତାଙ୍କ ସ୍ବାମୀ ପାଣ୍ଡିଆନ ବିଜେଡିର ଜଣେ ଆଗ ଧାଡ଼ିର ନେତା ତେଣୁ ନିଜକୁ ସର୍ବସାଧାରଣ କାର୍ଯ୍ୟକ୍ରମରୁ ସୁଜାତା ଦୂରେଇ ରଖିବା ଆବଶ୍ୟକ ଥିଲା କିନ୍ତୁ ଏହା ପରିବର୍ତ୍ତେ ସେ ବିଜେଡିର ଜଣେ ଆଗ ଧାଡ଼ିର କର୍ମୀ ଭାବେ ନିର୍ବାଚନରେ ଅଂଶଗ୍ରହଣ କରୁଛନ୍ତି ଯାହା ପୂର୍ବରୁ କେବେ ଶୁଣିବାକୁ ମିଳିନଥିବା ବିଜେପି ଅଭିଯୋଗ କରିଛି।
ଏହାଛଡ଼ା ମିଶନଶକ୍ତି ବିଭାଗ ସ୍ବୟଂସହାୟକ ଗୋଷ୍ଠୀର ମହିଳାମାନଙ୍କୁ ସରକାରୀ ସହାୟତା ବନ୍ଦ କରିଦିଆଯିବାର ଭୟ ଦେଖାଇ ବିଜେଡି ସପକ୍ଷରେ ଭୋଟରଙ୍କୁ ପ୍ରଭାବିତ କରିବାକୁ ବାଧ୍ୟ କରୁଛି। ଭୋଟରଙ୍କୁ ସଚେତନ ପାଇଁ ଭାରତୀୟ ନିର୍ବାଚନ କମିଶନଙ୍କ ପକ୍ଷରୁ ଚାଲିଥିବା ସିଷ୍ଟୋମାଟିକ୍ ଭୋଟର୍ସ ଏଜୁକେଶନ ଆଣ୍ଡ ଇଲେକ୍ଟୋରାଲ ପାର୍ଟିସପେସନ୍ SVEEP କାର୍ଯ୍ୟକ୍ରମର ଦୁରୁପଯୋଗ କରି ବିଜେପି ସପକ୍ଷରେ ଭୋଟରଙ୍କୁ ପ୍ରଭାବିତ କରାଯାଉଛି।
ତେଣୁ ଭାରତୀୟ ନିର୍ବାଚନ କମିଶନ ତାଙ୍କ ନିରପେକ୍ଷତା ପ୍ରତିଷ୍ଠା ବଜାୟ ରଖିବା ପାଇଁ ନିର୍ବାଚନ ଶେଷ ହେବା ଯାଏ ସୁଜାତା କାର୍ତ୍ତିକେୟନଙ୍କୁ ଓଡ଼ିଶା ସରକାରଙ୍କ ମିଶନ ଶକ୍ତି ବିଭାଗର କମିଶନର ଓ ସଚିବ ପଦରୁ ଅବ୍ୟାହତି ଦେବାକୁ ଦାବି କରିଥିଲା ବିଜେପି। କେନ୍ଦ୍ରମନ୍ତ୍ରୀ ରାଜୀବ ଚନ୍ଦ୍ରଶେଖର ଓ ସାଂସଦ ସୁଧାଂଶୁ ତ୍ରିବେଦୀ ଏବଂ ଓମ୍ ପାଠକଙ୍କୁ ନେଇ ବିଜେପିର ପ୍ରତିନିଧି ଦଳ ଭାରତୀୟ ନିର୍ବାଚନ କମିଶନଙ୍କ ନିକଟରେ ଏହି ଦାବି କରିଥିଲେ। ବିଜେପିର ଦାବି ଆଧାରରେ ସୁଜାତାଙ୍କୁ ମିଶନ ଶକ୍ତି ବିଭାଗରୁ ବଦଳି ପାଇଁ ଇସିଆଇ ରାଜ୍ୟ ମୁଖ୍ୟ ଶାସନ ସଚିବଙ୍କୁ ନିର୍ଦ୍ଦେଶ ଦେଇଥିବା ସୂଚନା ମିଳିଛି।
ଅଧିକ ପଢ଼ନ୍ତୁ ଓଡ଼ିଶା ଖବର
