supreme-court-rejects-pleas-on-100-verification-of-evm-votes-with-vvpat-slips

ବିଜେଡିକୁ ମହଙ୍ଗା ପଡ଼ିବ କେନ୍ଦ୍ରୀୟ ଯୋଜାନକୁ ନିଜ ନାଁରେ କରାଇବା । କାରଣ ନବରଙ୍ଗପୁର ସଭାରେ ପ୍ରଧାନମନ୍ତ୍ରୀ ରୋକଠୋକ କହିଛନ୍ତି, ଯେଉଁମାନେ ଦୁର୍ନୀତି କରିଛନ୍ତି ସେମାନଙ୍କୁ ଜେଲ ଯିବାକୁ ହିଁ ପଡ଼ିବ । କଠୋରୀ ଭିତରେ ରୁଟି ଖାଇବାକୁ ପଡିବ । ପଡୋଶୀ ଝାଡ଼ଖଣ୍ଡର ଉଦାହରଣ ଦେଇ ମୋଦି କହିଛନ୍ତି, ସେଇଠି ଟଙ୍କାର ପାହାଡ ମିଳୁଛି । ଚୋରି ଟଙ୍କା ଧରିବା ବେଳକୁ ଭାରି ବାଧୁଛି..ହେଲେ ମତେ ଗାଳି ଦେଲେ ବି କାମ ବନ୍ଦ ହେବନି ବୋଲି ମୋଦି କହିଛନ୍ତି ।

୨୪ ନିର୍ବାଚନ, ଜୁନ ୪ରେ ପ୍ରକାଶ ପାଇବ ଫଳ । ହେଲେ ରେଜଲ୍ଟ ବାହାରିବା ପରେ ବିଜେଡି ନୁହେଁ ବିଜେପିର ମୁଖ୍ୟମନ୍ତ୍ରୀ ହେବ । ଜଣେ ଓଡ଼ିଆ, ଯିଏକି ଓଡ଼ିଶା ଲୋକଙ୍କ କଥା ବୁଝୁଥିବ ତାଙ୍କୁ ଦାୟିତ୍ଵ ମିଳିବ ବୋଲି ମୋଦି କହିଛନ୍ତି । ଖାଲି ଏତିକି ନୁହେଁ ବରଂ ଓଡ଼ିଶାରେ ପ୍ରଥମ ଥର ଡବଲ ଇଂଜିନ ସରକାର ହେବ ।  ଓଡ଼ିଶାର ପୁଅ କିମ୍ବା ଝିଅ ଏଠାରେ ମୁଖ୍ୟମନ୍ତ୍ରୀ ହେବେ, କୌଣସି ବାହାର ଲୋକ ଏଠାରେ ମୁଖ୍ୟମନ୍ତ୍ରୀ ହେବେନି ବୋଲି ମୋଦି ସ୍ପଷ୍ଟ ଭାବରେ କହିଛନ୍ତି । 

ଏଥର ବିଜେଡି ହାରିବ, ବିଜେପି ଜିତିବ । ସମସ୍ତ ୨୧ ଲୋକସଭା ସିଟ୍‌ରେ ବିଜେପି ବିଜୟୀ ହେବ । ସେଇଥି ଲାଗି ତ ବିଜେପି ସରକାର ଶପଥ ସମାରୋହକୁ ନିମନ୍ତ୍ରଣ ଜଣାଉଛି ବୋଲି ମୋଦି କହିଛନ୍ତି । ଓଡ଼ିଶାରେ ବିଜେପି ସରକାର ହେଲେ ସବୁ ସୁବିଧା ମିଳିବ...ଛତିଶଗଡ଼ରେ ବିଜେପି ସରକାର ଧାନ ୩୧ଶହ ଟଙ୍କା ଦେଉଛନ୍ତି...ଓଡ଼ିଶାରେ ବି ହେବ ବୋଲି ମୋଦି କହିଛନ୍ତି । ମୋଟ୍‌ ଉପରେ ରାଜ୍ୟ ସରକାରଙ୍କ ଉପରେ ଆଜି ହମଲା କରିଛନ୍ତି ମୋଦି । ଯାହାକୁ ନେଇ ବିଜେଡି ଶିବିରରେ ଛନକା ପଶିଲାଣି । କାରଣ ବିଜେଡି ସରକାର ଯେଉଁ ପରି ଭାବରେ ଦୁର୍ନୀତିରେ ବୁଡିଛି ଯଦି କାରବାୟୀ ହୁଏ ତାହାଲେ ଗଣ୍ଡାଗଣ୍ଡା ଅଫିସର ଜେଲ ଯିବେ...ତେବେ ଜୁନ୍ -୪କୁ ଅପେକ୍ଷା । 

ରାଜ୍ୟରେ ଏବେ ବାବୁଙ୍କୁ ନେଇ ଚର୍ଚ୍ଚା ଜୋର । କାରଣ ପ୍ରଶାସନିକ ଚାକିରି କରିଥିବା ପରେ ବି ସରକାରୀ ଦଳର ଗୁମାସ୍ତାଙ୍କ ପରି କାମ କରୁଛନ୍ତି । ଖାଲି କାମ କରୁଛନ୍ତି ତାହା ନୁହେଁ ବରଂ ନିର୍ବାଚନ ବେଳେ ବି ଭୋଟ୍‌ ବଢାଇବାକୁ ପ୍ଲାନ୍‌ କରୁଛନ୍ତି । ସେଇଥି ଲାଗି ନିର୍ବାଚନ କମିଶନଙ୍କ ପାଖରେ ଅଭିଯୋଗ କରିଛି ବିଜେପି । ଏ ଅଭିଯୋଗ ଏବେର ନୁହେଁ ବରଂ ବହୁପୂର୍ବର...ପୂର୍ବରୁ ବି ସମାନ ଅଭିଯୋଗ ହୋଇଥିଲା । ତେଣୁ ନିର୍ବାଚନ କମିଶନଙ୍କ ନିର୍ଦ୍ଦେଶକ୍ରମେ କେନ୍ଦ୍ରାଞ୍ଚଳ ଆଇଜି ପଦରୁ ବଦଳି କରାଯାଇ ଆଶିଷ ସିଂହଙ୍କୁ ମୁଖ୍ୟମନ୍ତ୍ରୀଙ୍କ ସୁରକ୍ଷା ଦାୟିତ୍ବରେ ନିୟୋଜିତ କରାଯାଇଥିଲା । ଏହାପରେ ବି ବାବୁ ଦଳୀୟ ପଦର ଅପବ୍ୟବହାର କରୁଥିବା ନେଇ ଅଭିଯୋଗ ହୋଇଛି ।

ଆଶିଷଙ୍କୁ ନେଇ ଥମୁନି ବିବାଦ । ମୁଖ୍ୟମନ୍ତ୍ରୀଙ୍କ ସୁରକ୍ଷା ଦାୟିତ୍ଵରେ ତାଙ୍କୁ ନିଯୁକ୍ତି କରାଯାଇଛି । ହେଲେ ଏହି ଡ୍ୟୁଟି କରିବା ପରିବର୍ତ୍ତେ ଆଶିଷ କ୍ରାଇମବ୍ରାଞ୍ଚ ଅର୍ଥନୈତିକ ଅପରାଧ ଶାଖା କାର୍ଯ୍ୟାଳୟର ଷଷ୍ଠ ମହଲାରେ ବେଆଇନ ଭାବେ ବସୁଥିବା ନେଇ ଅଭିଯୋଗ ହୋଇଛି । ସେଠାରୁ ସେ ଜୁନିଅର ପୋଲିସ ଅଧିକାରୀମାନଙ୍କୁ ପ୍ରଭାବିତ କରିବାକୁ ଚେଷ୍ଟା କରୁଛନ୍ତି । ଯାହାକି ପୋଲିସ ଅଫିସର ସର୍ଭିସ ରୁଲ ଓ କଣ୍ଡକ୍ଟ ରୁଲ ୨୦୨୩ ର ଉଲ୍ଲଂଘନ ବୋଲି ଅଭିଯୋଗ କରିଛି ବିଜେପି ।

ମିଳିଥିବା ସୂଚନା ଅନୁସାରେ, କେନ୍ଦ୍ରାଞ୍ଚଳ ଆଇଜି ଥିବାବେଳେ ଆଶିଷ ସିଂହ ଭି.କେ ପାଣ୍ଡିଆନଙ୍କ ପରି ବିଜେଡି ବିଚାରଧାରା ପ୍ରତି ତାଙ୍କର ଖୋଲା ସମର୍ଥନ ପ୍ରକାଶ କରୁଥିବା ବିଜେପି ଅଭିଯୋଗ ଆଣିଛି । ତେବେ ଗଣ୍ଡା ଅଫିସରଙ୍କ ନାଁରେ ଆକ୍ସନ ନେଇଛନ୍ତି ନିର୍ବାଚନ କମିଶନ, ଏବେ ପୁଣି ଥରେ ବାବୁଙ୍କ ନାଁରେ ଅଭିଯୋଗ ଆସିଥିବାରୁ ଆକ୍ସନକୁ ନେଇ ଅପେକ୍ଷା । 

୨୪ ନିର୍ବାଚନରେ ଓଡ଼ିଶାରେ ବିଜେପିର ବିଜୟ ହେବ । ଖାଲି ବିଜୟ ହେବ ତାହା ନୁହେଁ ବରଂ ବହୁମତରେ ସରକାର କରିବ । ଗରିବ ଭାଇ-ଭଉଣୀଙ୍କ ଲାଗି ବିଜେଡି ସରକାର ଯେମିତି କୁଠାରଘାତ କରୁଛି ସେଥିରୁ ଗୋଟିଏ କଥା ସ୍ପଷ୍ଟ, ଏଥର ବିଜେଡି ସରକାରର ପତନ ହେବ...ପଦ୍ମଫୁଲ ଫୁଟିବ । ଏହାସହ ମୋଦି କହିଛନ୍ତି, ଓଡ଼ିଶାରେ ପ୍ରଥମ ଥର ଡବଲ ଇଂଜିନ ସରକାର ହେବାକୁ ଯାଉଛି । ରାଜ୍ୟର ସର୍ବାଙ୍ଗୀନ ବିକାଶ ପାଇଁ ସଂକଳ୍ପ ପତ୍ର ଘୋଷଣା ହୋଇସାରିଛି । ବିଜେପି ଯାହା କହେ, ତାହା କରି ଦେଖାଏ ମୋଦି । ଏଠାରେ ସରକାର ହେଲାପରେ ସମସ୍ତ ଘୋଷଣା କାର୍ଯ୍ୟକାରୀ ହେବ । ସମସ୍ତ ଘୋଷଣା କାର୍ଯ୍ୟକାରୀ କରିବା ମୋଦିର ଗ୍ୟାରେଣ୍ଟି ।

ବ୍ରହ୍ମପୁର ସଭାରେ ମନଖୋଲା ବର୍ଷିଲେ ମୋଦି । କହିଲେ, ଜୁନ୍‌ ୪ରେ ଏଠାରେ ବିଜେଡି ସରକାରର ଏକ୍ସପାଏରୀ ଡେଟ୍‌ ଲେଖାଯାଇଛି । ଜୁନ୍‌ ୬ରେ ବିଜେପିର ମୁଖ୍ୟମନ୍ତ୍ରୀ ପ୍ରାର୍ଥୀ ଚୟନ କରାଯିବ । ଜୁନ୍‌ ୧୦ରେ ବିଜେପି ମୁଖ୍ୟମନ୍ତ୍ରୀଙ୍କ ଶପଥ ଗ୍ରହଣ ହେବ । ବିଜେପି ମୁଖ୍ୟମନ୍ତ୍ରୀଙ୍କ ଶପଥ ସମାରୋହକୁ ନିମନ୍ତ୍ରଣ ଦେବାକୁ ଆସିଛି । ଓଡ଼ିଶାରେ ବିଜେଡି ଅସ୍ତ ହେଉଛି, କଂଗ୍ରେସ ଅତୀତ ହୋଇଛି । ଓଡ଼ିଶାରେ କେବଳ ବିଜେପି ଉଦିତ ସୂର୍ଯ୍ୟ ଭାବେ ଉଭା ହୋଇଛି ବୋଲି କହିଛନ୍ତି ମୋଦି ।

ଏହାସହ ଓଡ଼ିଶା ପାଖରେ ପ୍ରଚୁର ପାଣି, ଉର୍ବର ଜମି, ଜମି ତଳେ ଖଣିଜ ଭଣ୍ଡାର ରହିଛି । ଓଡ଼ିଶାକୁ ମହାପ୍ରଭୁ ପ୍ରାକୃତିକ ସଂପଦରେ ଭରି ଦେଇଛନ୍ତି । ଏତେ ଧନୀ ଓଡ଼ିଶାର ଲୋକ କାହିଁକି ଗରିବ ରହିଛନ୍ତି ? ପ୍ରଥମେ କଂଗ୍ରେସ ଓ ପରେ ବିଜେଡି ନେତାଙ୍କ ଲୁଟ୍‌ ଏହି ପାପ ପାଇଁ ଦାୟୀ। ମୁଖ୍ୟମନ୍ତ୍ରୀଙ୍କ ଏହି ଜିଲ୍ଲାରୁ ସର୍ବାଧିକ ଶ୍ରମିକ ଦାଦନ ଯାଉଛନ୍ତି । ମେଡିକାଲରେ ଡାକ୍ତର ନାହାନ୍ତି, ପିଲା ଅଧାରୁ ପାଠ ଛାଡୁଛନ୍ତି । ହିଞ୍ଜିଳିରେ ଶୀତଳଭଣ୍ଡାର ନାହିଁ, ପିଇବା ପାଣି ନାହିଁ । ମୋଦି ଓଡ଼ିଶାର ବିକାଶ ପାଇଁ ବଜେଟର ଅଭାବ ରଖିନାହାନ୍ତି । ୧୦ ବର୍ଷରେ ଉପା ସରକାର ଓଡ଼ିଶାକୁ ୧ ଲକ୍ଷ କୋଟି ଦେଇଥିଲେ । ମୋଦି ୧୦ ବର୍ଷରେ ଓଡ଼ିଶାକୁ ସାଢ଼େ ୩ ଲକ୍ଷ କୋଟିରୁ ଅଧିକ ଦେଇଛନ୍ତି । କେବଳ ପଇସା ପଠାଇଲେ ହେବ ନି, ଭଲ ସରକାର ହେବା ତ ଦରକାର । ବିଜେଡି ସରକାର କେନ୍ଦ୍ର ଯୋଜନାରେ ନିଜ ଷ୍ଟିକର ଲଗାଇ ଲୁଟୁଛି  ବୋଲି ମୋଦି କହିଛନ୍ତି । ତେବେ ମୋଦିଙ୍କ ଏମିତି ଆଟାକ୍‌ରେ ଘାଇଲା ବିଜେଡି ।