ଛତିଶଗଡ଼ର ମାଓପ୍ରବଣ ବସ୍ତରରେ ପ୍ରଥମ ପର୍ଯ୍ୟାୟରେ ଭୋଟ୍ ଦେଉଛନ୍ତି ଜନତା । ତେବେ ସମସ୍ତ ସୁରକ୍ଷା ସତ୍ତ୍ୱେ ନିର୍ବାଚନକୁ ଭଣ୍ଡୁର କରିବା ପାଇଁ ଉଦ୍ୟମ କରୁଛନ୍ତି ମାଓବାଦୀ ।
ଆହୁରି ପଢନ୍ତୁ ରାଜନୀତି ଖବର...
କୋରାପୁଟ: ଛତିଶଗଡ ବିଜାପୁରରେ ବିସ୍ଫୋରଣ । ନିର୍ବାଚନକୁ ଭଣ୍ଡୁର କରିବାକୁ ଉଦ୍ୟମ । ମାଓବାଦୀମାନେ ନିର୍ବାଚନ ଦାୟିତ୍ବରେ ଥିବା ସୁରକ୍ଷାକର୍ମୀଙ୍କୁ ଟାର୍ଗେଟ କରିଛନ୍ତି । ମାୱାଦୀଙ୍କ ଆଇଇଡି ବିସ୍ଫୋରଣରେ ସିଆରପିଏଫର ଆସିଷ୍ଟାଣ୍ଡ କମାଣ୍ଡାଣ୍ଟ ଆହତ ହୋଇଛନ୍ତି । ତାଙ୍କୁ ଚିକିତ୍ସା ପାଇଁ ଭୈରମଗଡ ସ୍ଥିତ ହସ୍ପିଟାଲରେ ଭର୍ତ୍ତି କରାଯାଇଛି । ଛତିଶଗଡର ମାଓ ପ୍ରଭାବିତ ବସ୍ତର ଲୋକସଭା ଆସନ ପାଇଁ ଆଜି ଭୋଟିଂ ଚାଲିଛି । ଏଥିପାଇଁ କଡା ସୁରକ୍ଷା ବ୍ୟବସ୍ଥା ନିଆଯାଇଛି ।
ଛତିଶଗଡ଼ର ମାଓପ୍ରବଣ ବସ୍ତରରେ ପ୍ରଥମ ପର୍ଯ୍ୟାୟରେ ଭୋଟ୍ ଦେଉଛନ୍ତି ଜନତା । ତେବେ ସମସ୍ତ ସୁରକ୍ଷା ସତ୍ତ୍ୱେ ନିର୍ବାଚନକୁ ଭଣ୍ଡୁର କରିବା ପାଇଁ ଉଦ୍ୟମ କରୁଛନ୍ତି ମାଓବାଦୀ ।
ଆହୁରି ପଢନ୍ତୁ ରାଜନୀତି ଖବର...
ଅର୍ଗସ ବ୍ୟୁରୋ : ଇରାନରେ ଘଟିଲା ବଡ଼ ଦୁର୍ଘଟଣା । ଇରାନର ରାଷ୍ଟ୍ରପତି ଇବ୍ରାହିମ ରାଇସିଙ୍କୁ ନେଇ ଯାଉଥିବା ହେଲିକପ୍ଟର ରବିବାର ଏକ ଦୁର୍ଘଟଣାର ସମ୍ମୁଖୀନ ହୋଇଛି, ଏହା ପରେ ଜରୁରୀକାଳୀନ ପରିସ୍ଥିତିରେ ଅବତରଣ କରାଯାଇଥିଲା । ଇରାନର ରାଜ୍ୟ ଟେଲିଭିଜନ ଏହି ସୂଚନା ଦେଇଛି ।
ଦେଶର ଅର୍ଥମନ୍ତ୍ରୀ ମଧ୍ୟ ରାଇସିଙ୍କ ସହ ହେଲିକପ୍ଟରରେ ଥିଲେ। ପୂର୍ବ ଆଜେରବାଇଜାନ ଅଞ୍ଚଳରେ ହେଲିକପ୍ଟରର ଏକ ଅବତରଣ କରାଯାଇଥିଲା। ଉଦ୍ଧାରକାରୀ ଦଳକୁ ଘଟଣାସ୍ଥଳକୁ ପଠାଯାଇଛି । କୁହୁଡ଼ି ଓ ଖରାପ ପାଗକୁ ଏହି ଦୁର୍ଘଟଣାର କାରଣ ବୋଲି କୁହାଯାଉଛି। ସେପଟେ ହେଲିକପ୍ଟର ସହ ଏପର୍ଯ୍ୟନ୍ତ ଯୋଗାଯୋଗ ହୋଇନଥିବା ନେଇ କିଛି ସ୍ଥାନୀୟ ଗଣମାଧ୍ୟମରେ ଖବର ପ୍ରକାଶ ପାଇଛି ।
ଅଧିକ ପଢନ୍ତୁ ବିଦେଶ ଖବର
ଆଜରବାଇଜାନର ରାଷ୍ଟ୍ରପତି ଇଲହାମ ଅଲିଏଭଙ୍କ ସହ ଏକ ବନ୍ଧର ଉଦଘାଟନ ପାଇଁ ରାଇସି ରବିବାର ସକାଳେ ଆଜେରବାଇଜାନରେ ଥିଲେ। ଏହା ହେଉଛି ଆରସ ନଦୀରେ ଉଭୟ ଦେଶ ଦ୍ୱାରା ନିର୍ମିତ ତୃତୀୟ ବନ୍ଧ। ଇରାନ ଦେଶରେ ବିଭିନ୍ନ ପ୍ରକାରର ହେଲିକପ୍ଟର ଉଡ଼ାଇଥାଏ, କିନ୍ତୁ ଆନ୍ତର୍ଜାତୀୟ ପ୍ରତିବନ୍ଧକ ଯୋଗୁଁ ଇସଲାମ ଦେଶ ପାଇଁ ଏହି ହେଲିକପ୍ଟରଗୁଡ଼ିକ ପାଇଁ ଅଂଶ ପାଇବା କଷ୍ଟସାଧ୍ୟ ହୋଇପଡିଛି। ଏହାର ସାମରିକ ବାୟୁ ଜାହାଜ ମଧ୍ୟ ୧୯୭୯ ଇସଲାମିକ ବିପ୍ଳବର ପୂର୍ବାନୁମାନ କରିଥାଏ।
ଅର୍ଗସ ବ୍ୟୁରୋ : ଗୁରୁ ମନ୍ତ୍ର ବି ଦେଲେ ମୋଦି । ରାଜ୍ୟ ବିଜେପିର ନିର୍ବାଚନ ପରିଚାଳନା କମିଟିର ସଦସ୍ୟ ମାନଙ୍କ ସହ ବୈଠକ କଲେ ପ୍ରଧାନମନ୍ତ୍ରୀ । ପ୍ରାୟ ୩୦ ମିନିଟ ଧରି କମିଟିର ସଦସ୍ୟ ମାନଙ୍କ ସହ ଆଲୋଚନା କରିଛନ୍ତି । ପୁରା ନିର୍ବାଚନ ପରିଚାଳନାର ସମୀକ୍ଷା କରିଛନ୍ତି । କିଏ କେଉଁ ଦାୟିତ୍ୱରେ ଅଛି କାର୍ଯ୍ୟକ୍ରମ କେମିତି ଚାଲିଛି ପ୍ରତିଟି ନେତାଙ୍କ ସହ କଥା ହୋଇଛନ୍ତି । ୱାର ରୁମ, ପ୍ରଚାର, ବୁଥ ମ୍ୟାନେଜମେଣ୍ଟ ସବୁର ମଧ୍ୟ ସମୀକ୍ଷା କରିଛନ୍ତି ।
ସବୁଠୁ ବଡ କଥା ହେଲା ଟିକେଟ ନ ନେଇ ସଂଗଠନ ପାଇଁ କାମ କରୁଥିବା କାର୍ଯ୍ୟକର୍ତ୍ତାଙ୍କୁ ଭୁରି ଭୁରି ପ୍ରଶଂଶା କରିଛନ୍ତି କଲେ । ତାଙ୍କ ପରିଶ୍ରମ ପାଇଁ ଧନ୍ୟବାଦ ଦେଇ ଜୋସ୍ ବଢ଼ାଇଲେ । ଏମିତିକି କିଏ କେତେ କାମ କରୁଛନ୍ତି, କେତେବେଳେ ଖାଉଛନ୍ତି, କାର୍ଯ୍ୟକର୍ତ୍ତାଙ୍କର ପ୍ରତିଟି କଥା ପଚାରି ବୁଝିଥିଲେ । ୧୯୮୬ ସଂଗଠନ ମନ୍ତ୍ରୀ ବେଳେ ପାର୍ଟି ଅଫିସ ଆସିଥିଲେ । ସେ କଥା ମନେ ପକାଇ ଭାବ ବିହ୍ଵଳ ହେଲେ । ସେତେବେଳେ ଦାୟିତ୍ୱରେ ଥିବା କାର୍ଯ୍ୟକର୍ତ୍ତାଙ୍କୁ ମଧ୍ୟ ମନେ ପକାଇଲେ ।
ଅଧିକ ପଢନ୍ତୁ ଓଡ଼ିଶା ଖବର
ଏହି ବୈଠକରେ ମୁଖ୍ୟତଃ ରାଜ୍ୟ ସଭାପତି ମନମୋହନ ସାମଲ, ନିର୍ବାଚନ ପ୍ରଭାରୀ ବିଜୟ ପାଲ ସିଂ ତୋମାର, ସହ ପ୍ରଭାରୀ ଲତା ଉସେଣ୍ଡି, ପୂର୍ବତନ ସଭାପତି ସମୀର ମହାନ୍ତି, ଉପ ସଭାପତି ଗୋଲକ ମହାପାତ୍ର ଏବଂ ନିର୍ବାଚନର ବିଭିନ୍ନ ଦାୟିତ୍ୱରେ ଥିବା କେନ୍ଦ୍ରୀୟ ନେତା ଉପସ୍ଥିତ ଥିଲେ ।