ଅର୍ଗସ ବ୍ୟୁରୋ: ବାଲୁକା କଳାରେ MY VOTE MY DUTY ର ଆହ୍ଵାନ । ଗଣତନ୍ତ୍ରର ମହାପର୍ବରେ ସମସ୍ତେ ସାମିଲ ହେବାକୁ ବାଲୁକା ଚିତ୍ର ମାଧ୍ୟମରେ ଆହ୍ବାନ ଦେଲେ ବାଲୁକାଶିଳ୍ପୀ ସୁଦର୍ଶନ ପଟ୍ଟନାୟକ । ଦେଶରେ ଦ୍ଵିତୀୟ ପର୍ଯ୍ୟାୟ ଭୋଟ ଗ୍ରହଣ ହେବାକୁ ଯାଉଛି।ଗଣତନ୍ତ୍ର ର ଏହି ମହାପର୍ବ ରେ ସାମିଲ୍ ହୋଇ ସମସ୍ତେ ଦେଶକୁ ମଜବୁତ୍ କରିବାରେ ନିଜର ହାତ ବଢାନ୍ତୁ ବୋଲି କହିଛନ୍ତି ସୁଦର୍ଶନ।
ଏହି ବାଲୁକାକଳା ଟି କୁ କରିବା ପାଇଁ ସୁଦର୍ଶନଙ୍କୁ ୪ ଘଣ୍ଟା ସମୟ ଲାଗିଥିବା ବେଳେ ୬ ଟନ୍ ର ବାଲି ବ୍ୟବହାର କରିଥିଲେ ସୁଦର୍ଶନ । ଏହି ବାଲୁକା କଳାରେ ସୁଦର୍ଶନ ଭୋଟ ଫର୍ ସିଓର୍ ହାସ ଟ୍ୟାଗ୍ ବ୍ୟବହାର କରିବା ସହ ଚୁନାବ କା ପର୍ବ ଦେଶ କା ଗର୍ବ ର ବାର୍ତ୍ତା ମଧ୍ୟ ଦେଇଛନ୍ତି ।
ଅଧିକ ପଢ଼ନ୍ତୁ ଓଡିଶା ଖବର:
ଅର୍ଗସ ବ୍ୟୁରୋ: ଓଡିଶା ପାଇଁ ବିଜେପି ଜାରି କଲା ନିର୍ବାଚନୀ ଇସ୍ତାହାର । ବିଜେପିର ରାଷ୍ଟ୍ରୀୟ ଅଧ୍ୟକ୍ଷ ଜେପି ନଡ୍ଡା ସାଧାରଣ ନିର୍ବାଚନ ପାଇଁ ସଙ୍କଳ୍ପ ପତ୍ର ଲୋକାର୍ପଣ କରିଛନ୍ତି । ଉନ୍ମୋଚନ ହେଲା ରାଜ୍ୟ ବିଜେପିର ସଂକଳ୍ପପତ୍ର। ନିର୍ବାଚନ ରଣନୀତି କରିବେ ବିଜେପି ରାଷ୍ଟ୍ରୀୟ ଅଧ୍ୟକ୍ଷ। ଏହି ସଙ୍କଳ୍ପ ପତ୍ରର ଶୀର୍ଷକ ରହିଛି ‘ଓଡିଶା ପାଇଁ ମୋଦୀଙ୍କ ଗ୍ୟାରେଣ୍ଟି’ ।
ବିଜେପିର ସଙ୍କଳ୍ପ ପତ୍ର ଲୋକାର୍ପଣ କରି ଜେପି ନଡ୍ଡା କହିଛନ୍ତି, ଗତ ୧୦ ବର୍ଷ ଭିତରେ ରାଜନୀତିର ସଂସ୍କୃତି ଏବଂ କାର୍ଯ୍ୟକ୍ରମ ବଦଳିଛି । ଆଜିର ଦିନରେ ଇସ୍ତାହାର ହେଉଛି ଏକ ଗୁରୁତ୍ୱପୂର୍ଣ୍ଣ ଡକ୍ୟୁମେଣ୍ଟ । ୨୪ ବର୍ଷର ସରକାରକୁ ବଦଳାଇବାକୁ ଚାହୁଁଛନ୍ତି ଓଡ଼ିଶାବାସୀ । ସାଧାରଣ ଲୋକ ନିର୍ବାଚନ ଲଢୁଛନ୍ତି, ଆମେ ସାଥୀରେ ଅଛୁ । ଏହା ସରକାର ପରିବର୍ତ୍ତନର ଇସ୍ତାହାର । ପ୍ରଧାନମନ୍ତ୍ରୀ ମୋଦିଙ୍କ ନେତୃତ୍ବରେ ରାଜନୀତିର ସଂସ୍କୃତି ବଦଳିଛି। ନିର୍ବାଚନୀ ଇସ୍ତାହାରର ଗରିମା, ମହତ୍ୱ ବଢ଼ି ଯାଇଛି। ପୂର୍ବ ସରକାର ସମୟରେ ଇସ୍ତାହାର ଏକ ଦେଖାଣିଆ ଥିଲା।
ନିର୍ବାଚନ ବେଳେ ପ୍ରତିଶ୍ରୁତି ଦେଇ ସେମାନେ ଭୁଲି ଯାଉଥିଲେ। ଏବେ ମୋଦି ସରକାରଙ୍କ ସଂକଳ୍ପ ‘ଯାହା କହିଛୁ, କରି ଦେଖାଇଛୁ’। ଅର୍ଥାତ ଯାହା କହିଛୁ କରିଛୁ, ଯାହା କହୁଛୁ, ନିଶ୍ଚିତ କରି ଦେଖାଇବୁ। ସମାଜର ସବୁ ବର୍ଗର ଲୋକଙ୍କ ବିକାଶ ଚିନ୍ତା କରେ ମୋଦି ସରକାର। ଦେଶର ୨୫ କୋଟି ଲୋକଙ୍କୁ ଦାରିଦ୍ର୍ୟରୁ ମୁକ୍ତ କରାଯାଇଛି। ଏବେ ଭାରତର ଅତି ଗରିବଙ୍କ ସଂଖ୍ୟା ୧%ରୁ ମଧ୍ୟ କମ୍। ସରକାରକୁ ଆସିବାକୁ ଆମେ ନିର୍ବାଚନ ଲଢୁଛୁ। ଓଡ଼ିଶାରେ ବିରୋଧୀ ଦଳରେ ବସିବାକୁ ଆମେ ନିର୍ବାଚନ ଲଢୁନୁ। ରାଜ୍ୟରେ ସରକାରକୁ ଆସିବାକୁ ଆମେ ନିର୍ବାଚନ ଲଢୁଛୁ। ଏନେଇ ଆଜି ଆମେ ସ୍ପଷ୍ଟ ଭାବେ କହୁଛୁ କହିଲେ ନଡ୍ଡା।
ଅଧିକ ପଢ଼ନ୍ତୁ ଓଡିଶା ଖବର:
ଅର୍ଗସ ବ୍ୟୁରୋ: ବିଜେପିର ସଂକଳ୍ପ ପତ୍ର ଉନ୍ମୋଚନ ହେଲା। ଲୋକାର୍ପଣ କଲେ ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଜେପି ନଡ୍ଡା।ସଂକଳ୍ପପତ୍ର ଉନ୍ମୋଚନ ଉତ୍ସବରେ ବହୁ ବରିଷ୍ଠ ନେତା ଉପସ୍ଥିତ ରହିଛନ୍ତି ।ଉନ୍ମୋଚନ ହେଲା ରାଜ୍ୟ ବିଜେପିର ସଂକଳ୍ପପତ୍ର। ନିର୍ବାଚନ ରଣନୀତି କରିବେ ବିଜେପି ରାଷ୍ଟ୍ରୀୟ ଅଧ୍ୟକ୍ଷ।
ବିଜେପିର ସଂକଳ୍ପ ପତ୍ର ଉନ୍ମୋଚନ ହେଲା। ତେବେ ଏହାପୂର୍ବରୁ ରାଜ୍ୟ ବିଜେପି ସଭାପତି ମନମୋହନ ସାମଲ ରାଜ୍ୟ ସରକାରଙ୍କୁ ଟାର୍ଗେଟ କରିବା ସହ କହିଛନ୍ତି, ଏହି ସଂକଳ୍ପପତ୍ର ଓଡ଼ିଶାର ସବୁବର୍ଗଙ୍କୁ ଦୃଷ୍ଟିରେ ରଖି କରାଯାଇଛି । ୨୪ ବର୍ଷର ସରକାରକୁ ବଦଳାଇବାକୁ ଚାହୁଁଛନ୍ତି ଓଡ଼ିଶାବାସୀ । ସାଧାରଣ ଲୋକ ନିର୍ବାଚନ ଲଢୁଛନ୍ତି, ଆମେ ସାଥୀରେ ଅଛୁ । ଏହା ସରକାର ପରିବର୍ତ୍ତନର ଇସ୍ତାହାର । ଓଡ଼ିଶାର ଇତିହାସକୁ ବଦଳାଇବା ପାଇଁ ବିଜେପିର ଆହ୍ବାନ। ଓଡ଼ିଶାରେ ଗୋଟିଏ ଯୁବର ଅବସାନ ଘଟିବ। ଏ ଇସ୍ତାହାର ଓଡ଼ିଶାରେ ପରିବର୍ତ୍ତନ ଆଣିବ। ସମାଜର ସବୁ ବର୍ଗର ଲୋକଙ୍କୁ ଛୁଇଁବ ଏହି ଇସ୍ତାହାର ବୋଲି କହିଛନ୍ତି ମନମୋହନ ସାମଲ। କୃଷକ, ଯୁବକ, ମହିଳା, ଗରିବଙ୍କୁ ଗୁରୁତ୍ବ ଦେଉଛନ୍ତି ମୋଦି। ଏଥର ବିଜେପି ଏକାକୀ ସରକାର ଗଢ଼ିବ। ବିଜେପି ସରକାର ଗଢ଼ିବାକୁ ଲୋକେ ଦାୟିତ୍ବ ନେଇଛନ୍ତି। ଓଡ଼ିଶାର ସାଧାରଣ ଲୋକେ ପରିବର୍ତ୍ତନ ଚାହୁଁଛନ୍ତି।
ଅଧିକ ପଢ଼ନ୍ତୁ ଓଡିଶା ଖବର:
ଅର୍ଗସ ବ୍ୟୁରୋ: ମୟୂରଭଞ୍ଜ ଜିଲ୍ଲାର ମିଶନ ଶକ୍ତି ସଭାନେତ୍ରୀ ବିଷ୍ଣୁପ୍ରିୟା ଦାସ। ନା ନିର୍ବାଚନ ଆଚରଣ ବିଧିକୁ ଖାତିର ଅଛି ନା ଆଇନର ଭୟ। କାରଣ ଇଏ ପାଲଟିଛନ୍ତି ବିଜେଡି ନେତ୍ରୀ। ଜିଲ୍ଲା ମିଶନ ଶକ୍ତି ସଭାନେତ୍ରୀ ପଦରେ ଥାଇ ବି ବିଜୁ ଜନତା ଦଳ ପାଇଁ କରୁଛନ୍ତି ଖୁଲମଖୁଲ୍ଲା ପ୍ରଚାର। ବିଜେଡି କର୍ମୀ ସମ୍ମିଳନୀରେ ଭାଗ ନେଉଛନ୍ତି, ବିଜେଡି ପ୍ରାର୍ଥୀଙ୍କ ସହ ବୁଲୁଛନ୍ତି । ଆଉ ଏବେ ତ ସୋସିଆଲ୍ ମିଡିଆରେ ସ୍ବୟଂ ସହାୟକ ଗୋଷ୍ଠୀ ମହିଳାଙ୍କୁ ଭିଡିଓ ପଠାଇ ବିଜେଡିକୁ ଭୋଟ୍ ଦେବାକୁ ଭୋଟ୍ ଦେବାକୁ କହୁଛନ୍ତି ।
ମିଶନ ଶକ୍ତି କର୍ମକର୍ତ୍ତା, ଆଶା ଓ ଅଙ୍ଗନବାଡ଼ି କର୍ମୀ କୌଣସି ଦଳ ପାଇଁ ପ୍ରଚାର କରିପାରିବେନାହିଁ ବୋଲି କଟକଣା ଜାରି କରିଛନ୍ତି ନିର୍ବାଚନ କମିସନ। ତଥାପି ପ୍ରାୟ ମାସେ ହେଲା ନିର୍ବାଚନ ପ୍ରଚାରରେ ମାତିଛନ୍ତି ଏ ମିଶନଶକ୍ତି ସଭାନେତ୍ରୀ। ଏ ନେଇ ରାଜ୍ୟ ନିର୍ବାଚନ ଅଧିକାରୀଙ୍କ ପାଖରେ ଫେରାଦ ହୋଇଛି ମୟୂରଭଞ୍ଜ ବିଜେପି। ବିଷ୍ଣୁପ୍ରିୟାଙ୍କ ବିରୋଧରେ ଦୃଢ଼ କାର୍ଯ୍ୟାନୁଷ୍ଠାନ ଦାବି କରିଛି।
ଦିନକ ତଳେ ନିର୍ବାଚନ ଆଚରଣ ବିଧି ଉଲ୍ଲଂଘନ ଅଭିଯୋଗରେ ମିଶନ ଶକ୍ତି ବିଭାଗରୁ ବିଦା ହୋଇଛନ୍ତି ପାଣ୍ଡିଆନଙ୍କ ପତ୍ନୀ। ମିଶନ ଶକ୍ତି ସଚିବ ଥିବା ସୁଜାତା କାର୍ତ୍ତିକେୟନଙ୍କୁ ବିଜୁ ଜନତା ଦଳ ପାଇଁ କାମ କରିବା ମହଙ୍ଗା ପଡିଲା। ସ୍ବାମୀଙ୍କ ପାଇଁ ସରକାରୀ କ୍ଷମତାର କରୁଥିଲେ ଦୁରୂପଯୋଗ। - ବିଜେଡି ସପକ୍ଷରେ ଭୋଟ୍ ଦେବା ଲାଗି ସ୍ବୟଂ ସହାୟିକା ଗୋଷ୍ଠୀ ଉପରେ ପକାଉଥିଲେ ଚାପ। ଏଥିପାଇଁ ସର୍ବସାଧାରଣ ଲୋକଙ୍କ ସହ ଜଡ଼ିତ ନଥିବା ବିଭାଗକୁ ବଦଳି ନିର୍ଦ୍ଦେଶ ଦେଲେ ଇସିଆଇ। ଏବେ ବିଷ୍ଣୁପ୍ରିୟାଙ୍କ ଭଳି ନେତ୍ରୀଙ୍କ ଉପରେ କି କାର୍ଯ୍ୟାନୁଷ୍ଠାନ ହେଉଛି ତାହା ଦେଖିବାର କଥା।
ଅଧିକ ପଢ଼ନ୍ତୁ ଓଡ଼ିଶା ଖବର
