ଅର୍ଗସ ବ୍ୟୁରୋ : ବାଲେଶ୍ୱରରେ କେନ୍ଦ୍ର ରେଳମନ୍ତ୍ରୀ ଅଶ୍ୱିନୀ ବୈଷ୍ଣବଙ୍କ ପ୍ରଚାର । ସକାଳୁ ସକାଳୁ ପ୍ରଚାର ଆରମ୍ଭ କରିଦେଇଛନ୍ତି ରେଳମନ୍ତ୍ରୀ । ଚାଲି ଚାଲି ସଦର ମହକୁମାର ୧ ନମ୍ବର ୱାର୍ଡରେ ଦଳୀୟ ପ୍ରାର୍ଥୀଙ୍କ ପାଇଁ ଭୋଟ୍ ମାଗିଛନ୍ତି । ଅଶ୍ୱିନୀ ବୈଷ୍ଣବଙ୍କ ସହ ବାଲେଶ୍ୱର ସାଂସଦ ପ୍ରାର୍ଥୀ ପ୍ରତାପ ଷଡଙ୍ଗୀ, ସଦର ବିଧାୟକ ପ୍ରାର୍ଥୀ ମାନସ ଦତ୍ତ ମଧ୍ୟ ସାମିଲ ହୋଇଛନ୍ତି । ରେଳ ମନ୍ତ୍ରୀଙ୍କୁ ଦେଖି ଲୋକଙ୍କ ମଧ୍ୟରେ ବେଶ୍ ଉତ୍ସାହ ଦେଖିବାକୁ ମିଳିଥିଲା । ଫୁଲ, ଚନ୍ଦନରେ ବନ୍ଦାପନା କରି ଲୋକେ ସ୍ୱାଗତ କରିଥିଲେ ।
ଅଧିକ ପଢନ୍ତୁ ଓଡ଼ିଶା ଖବର
ରାଜ୍ୟରେ ଶାସକ କରୁଥିବା ବିଜେଡି ସରକାର କୌଣସି ବିକାଶ ମୁଳକ କାର୍ଯ୍ୟ ନକରି କେବଳ କେନ୍ଦ୍ର ସରକାରଙ୍କ ଯୋଜନାରେ ନିଜର ଷ୍ଟିକର ଲଗାଇ ବାହା ବାହା ନେବାକୁ ଚେଷ୍ଟା କରିଛି ବଜେଡି ସରକାର ବୋଲି କହିଛନ୍ତି କେନ୍ଦ୍ର ରେଳମନ୍ତ୍ରୀ । ରାଜ୍ୟର ବିକାଶ ପାଇଁ କେବଳ ବିଜେପି ଏକମାତ୍ର ବିକଳ୍ପ ବୋଲି ମଧ୍ୟ କହିଛନ୍ତି । ତେଣୁ ସାଂସଦ ଓ ବିଧାୟକ ପ୍ରାର୍ଥୀଙ୍କୁ ଦୁଇଟି ପଦ୍ମଫୁଲ ଚିହ୍ନରେ ଭୋଟ ଦେବାପାଇଁ ନିବେଦନ କରିଛନ୍ତି ।
ଅର୍ଗସ ବ୍ୟୁରୋ: ରାଜ୍ୟରେ ନୂଆ ସରକାରରେ ମନ୍ତ୍ରୀଙ୍କ ବିଭାଗ ବଣ୍ଟନ ହୋଇଛି । ମୁଖ୍ୟମନ୍ତ୍ରୀ, ଉପମୁଖ୍ୟମନ୍ତ୍ରୀଙ୍କୁ ମିଶାଇ ମୋଟ ୧୬ ଜଣଙ୍କ ଭିତରେ ବିଭାଗ ବଣ୍ଟନ ହୋଇଛି । ମୁଖ୍ୟମନ୍ତ୍ରୀ ମୋହନ ମାଝୀଙ୍କୁ ଗୃହ, ସାଧାରଣ ପ୍ରଶାସନ ଓ ଲୋକ ଅଭିଯୋଗ, ସୂଚନା ଓ ଲୋକ ସମ୍ପର୍କ ବିଭାଗ, ଜଳ ସଂପଦ, ଯୋଜନା ଓ ସମନ୍ୱୟ ବିଭାଗ ମିଳିଥିବା ବେଳେ ଉପ ମୁଖ୍ୟମନ୍ତ୍ରୀ କେଭି ସିଂ ଦେଓଙ୍କୁ କୃଷି ଓ କୃଷକ ଶସକ୍ତକରଣ ଏବଂ ଶକ୍ତି ବିଭାଗ ଓ ପ୍ରଭାତି ପରିଡାଙ୍କୁ ମହିଳା ଓ ଶିଶୁ ବିକାଶ, ମିଶନ ଶକ୍ତି ଓ ପର୍ଯ୍ୟଟନ ବିଭାଗ ମିଳିଛି ।
ମୁଖ୍ୟମନ୍ତ୍ରୀ
ମୋହନ ଚରଣ ମାଝୀ – ଗୃହ, ସାଧାରଣ ପ୍ରଶାସନ ଓ ଲୋକ ଅଭିଯୋଗ, ସୂଚନା ଓ ଲୋକ ସମ୍ପର୍କ ବିଭାଗ, ଜଳ ସଂପଦ, ଯୋଜନା ଓ ସମନ୍ୱୟ, (ଆବଣ୍ଟିତ ନ ହୋଇ ଥିବା ଅନ୍ୟ ବିଭାଗ)
ଉପମୁଖ୍ୟମନ୍ତ୍ରୀ…
୧-କନକ ବର୍ଦ୍ଧନ ସିଂହ ଦେଓ – କୃଷି ଓ କୃଷକ ଶସକ୍ତକରଣ ଏବଂ ଶକ୍ତି
୨-ପ୍ରଭାତୀ ପରିଡ଼ା – ମହିଳା ଓ ଶିଶୁ ବିକାଶ, ମିଶନ ଶକ୍ତି ଓ ପର୍ଯ୍ୟଟନ
କ୍ୟାବିନେଟ୍ ମନ୍ତ୍ରୀ…
୧-ସୁରେଶ ପୂଜାରୀ – ରାଜସ୍ୱ ଓ ବିପର୍ଯ୍ୟୟ ପରିଚାଳନା
୨-ରବି ନାରାୟଣ ନାୟକ – ଗ୍ରାମ ଉନ୍ନୟନ. ପଞ୍ଚାୟତରାଜ ଓ ପାନୀୟଜଳ
୩-ନିତ୍ୟାନନ୍ଦ ଗଣ୍ଡ – ସ୍କୁଲ୍ ଗଣଶିକ୍ଷା, ଅନୁସୂଚିତ ଜାତି ଓ ଜନଜାତି ଉନ୍ନୟନ ଏବଂ ପଛୁଆବର୍ଗ କଲ୍ୟାଣ, ସାମାଜିକ କଲ୍ୟାଣ ଓ ଶସକ୍ତକରଣ
୪-କୃଷ୍ଣଚନ୍ଦ୍ର ପାତ୍ର – ଖାଦ୍ୟ ଯୋଗାଣ ଓ ଖାଉଟି କଲ୍ୟାଣ, ବିଜ୍ଞାନ ଓ ବୈଷୟିକ
୫-ପୃଥ୍ୱୀରାଜ ହରିଚନ୍ଦନ – ଆଇନ୍, ପୂର୍ତ୍ତ ଓ ଅବକାରୀ
୬ – ମୁକେଶ ମହାଲିଙ୍ଗ – ସ୍ୱାସ୍ଥ୍ୟ ଓ ପରିବାର କଲ୍ୟାଣ, ସଂସଦୀୟ ବ୍ୟାପାର, ବୈଦ୍ୟୁତିକ ଓ ସୂଚନା ବୈଷୟିକ
୭-ବିଭୁତି ଭୁଷଣ ଜେନା – ବାଣିଜ୍ୟ ଓ ପରିବହନ, ଇସ୍ପାତ ଓ ଖଣି
୮-ଡ. କୃଷ୍ଣ ଚନ୍ଦ୍ର ମହାପାତ୍ର – ଗୃହ ଓ ନଗର ଉନ୍ନୟନ, ସାଧାରଣ ଅଭିଯୋଗ
ରାଷ୍ଟ୍ରମନ୍ତ୍ରୀ ସ୍ୱାଧୀନ…
୧- ଗଣେଶ ରାମ ସିଂ ଖୁଣ୍ଟିଆ – ଜଙ୍ଗଲ, ପରିବେଶ ଓ ଜଳବାୟୁ ପରିବର୍ତ୍ତନ, ଶ୍ରମ ଓ ନିଯୁକ୍ତି ରାଜ୍ୟ ବୀମା
୨-ସୂର୍ୟ୍ୟବଂଶୀ ସୂରଜ – ଉଚ୍ଚଶିକ୍ଷା, କ୍ରୀଡ଼ା ଓ ଯୁବ ବ୍ୟାପାର, ଓଡ଼ିଆ ଭାଷା ସାହିତ୍ୟ ଓ ସଂସ୍କୃତି
୩-ପ୍ରଦୀପ ବଳସମାନ୍ତ – ସମବାୟ, ହସ୍ତତନ୍ତ୍ର, ବୟନଶିଳ୍ପ ଓ ହସ୍ତଶିଳ୍ପ
୪- ଗୋକୁଳାନନ୍ଦ ମଲ୍ଲିକ – ମତ୍ସ୍ୟ ଓ ପଶୁ ସମ୍ପଦ ବିକାଶ, ଅତିକ୍ଷୁଦ୍ର ଓ କ୍ଷୁଦ୍ୟ ଓ ମଧ୍ୟମ ଉଦ୍ଦ୍ୟୋଗ
୫-ସମ୍ପଦ ସ୍ୱାଇଁ – ଶିଳ୍ପ, ଦକ୍ଷତା ବିକାଶ ଓ ବୈଷୟିକ ଶିକ୍ଷା
ଅଧିକ ପଢ଼ନ୍ତୁ ଓଡ଼ିଶା ଖବର
ଅର୍ଗସ ବ୍ୟୁରୋ: ସନ୍ଦେହ ଘରରେ ରାଜ୍ୟର ବରିଷ୍ଠ ଆଇଏଏସ୍ ଓ ଆଇପିଏସ୍। ସାମ୍ନାକୁ ଆସିଛି ବିଜେଡି ସରକାରରେ ପାୱାରଫୁଲ୍ ଭୂମିକାରେ ଥିବା ଏହି ବାବୁମାନଙ୍କର ବଡ଼ ଚଞ୍ଚକତା। ଆପିଏସ ଅଧିକାରୀ ଡ଼ି.ଏସ୍ କୁଟ୍ଟେ, ଆଶିଷ ସିଂ, ଦୀପକ କୁମାର, ନିତିନଜିତ ସିଂ ଏବଂ ଆଏଏସ ଅଧିକାରୀ ଆର. ଭିନିଲକ୍ରିଷ୍ଣା, ରାଜେଶ ପ୍ରଭାକର ପାଟିଲ ଡିପାର୍ଟମେଣ୍ଟ ଅଫ୍ ପର୍ସେନାଲ ଆଣ୍ଡ ଟ୍ରେନିଂ ବା DOPT ନିକଟରେ ସମ୍ପତ୍ତି ନେଇ ଦେଇଛନ୍ତି ଭୁଲ ତଥ୍ୟ। ଏପରିକି ନିଜର ଭୂ ସମ୍ପତ୍ତି ବାବଦରେ ରିଟର୍ଣ୍ଣ ଫାଇଲରେ ଦର୍ଶାଇ ନାହାନ୍ତି। ଖୋର୍ଦ୍ଧା ଜିଲ୍ଲା ଜଟଣୀ ତହସିଲ ଅନ୍ତର୍ଗତ ଖୋଲାଦ୍ବାର ମୌଜାର ଖତିୟାନ ନମ୍ବର ୨୦୯ , ୨୪୨ ଓ ୬୫୦/୭୦ ବାବଦରେ ଉଲ୍ଲେଖ କରିନାହାନ୍ତି ଏହି ବରିଷ୍ଠ ଆଇଏସ ଓ ଆଇପିଏସ୍।
ଅନ୍ୟପଟେ ଦୁଇ ଆଇପିଏସ ଅଧିକାରୀ ଆଶିଷ ସିଂ ଓ ଦୀପକ କୁମାର DOPT ନିକଟରେ ନିଜର ଜମି ବାବଦରେ ଭୁଲ ତଥ୍ୟ ଦେଇଛନ୍ତି । ଖୋର୍ଦ୍ଧା ଜିଲ୍ଲା ଜଟଣୀ ତହସିଲ ଅନ୍ତର୍ଗତ ଖୋଲାଦ୍ବାର ମୌଜାର ଖତିୟାନ ନମ୍ବର ୨୫୭ ଓ ପ୍ଲଟ ନମ୍ବର ୩୬୮ ଅନ୍ୟ ନାମରେ ଥିବାବେଳେ DoPT ନିକଟରେ ଭୁଲ ତଥ୍ୟ ଦାଖଲ କରିଛନ୍ତି। ଅନ୍ୟପଟେ ଡି.ଏସ୍ କୁଟ୍ଟେ ଓ ଆର ଭିନିଲ କ୍ରିଷ୍ଣା ନିଜ ନାମରେ ଥିବା ଜମିକୁ ମହାରାଷ୍ଟ୍ର ଥାନେର ପ୍ରକାଶ କୁମାର ଗୁହାକୁ ବିକ୍ରି କରିଥିଲେ ବି ସରକାରଙ୍କୁ ସେ ନେଇ ତଥ୍ୟ ଲୁଚାଇଛନ୍ତି।
ଏବେ ପ୍ରଶ୍ନ ଉଠୁଛି କେଉଁ ଉଦ୍ଦେଶ୍ୟରେ ଏହି ଜମି ବାବଦରେ ତଥ୍ୟ ଲୁଚାଥିଲେ ବିଜେଡି ସରକାରଙ୍କର ଖାସ୍ ବନିଥିବା ଏହି ଆଇଏଏସ ଓ ଆଇପିଏସ୍ ବାବୁମାନେ। ଏବେ ସତ ସାମ୍ନାକୁ ଆସିବା ପରେ ହେବ କି କାର୍ଯ୍ୟାନୁଷ୍ଠାନ ?
ଅଧିକ ପଢ଼ନ୍ତୁ ଓଡ଼ିଶା ଖବର
ଅର୍ଗସ ବ୍ୟୁରୋ: କେମିତି ଚାଲିଥିଲା ସରକାରୀ କାମ ତନାଘନା କରୁଛନ୍ତି ନୂଆ ସିଏମ୍ । ଦୁଇ ଦିନରେ ଦୁଇଟି ବଡ଼ ବୈଠକ ପରେ ପାୱାର କରିଡ଼ରରେ ଏବେ କମ୍ପନ। ଦୀର୍ଘ ବର୍ଷ ହେବ ଗାଦି ମାଡ଼ି ବସିଥିବା କିଛି ବଡ଼ ପଣ୍ଡାଙ୍କ ଛାତିରେ ପଶିଲାଣି ଛନକା। ବିଜେଡ଼ି ସରକାରରେ ପଦବୀର ଦୂରୁପଯୋଗ କରୁଥିବାରୁ ବିଜେଡି ସରକାରରେ ଗୋଟିଏ ଗୋଟିଏ ପଦରେ ବର୍ଷ ବର୍ଷ ଧରି ଥଇଥାନ ହୋଇଥିଲେ କିଛି ଖାସ୍ ଅଧିକାରୀ। ଆଉ ଏବେ ନୂଆ ସରକାର, ନୂଆ ମୁଖ୍ୟମନ୍ତ୍ରୀଙ୍କ ଖୋଳତାଡ ଭିତରେ ଏଭଳି କିଛି ତୋଷମଦିଆ ବଡ଼ ପଣ୍ଡାଙ୍କ ମୁଣ୍ଡ କାଟ ହୋଇପାରେ ବୋଲି ଚର୍ଚ୍ଚା। ଆଇଏଏସ ଅଫିସର ଜି. ମାଥିଭାଥନନ।
ନଗର ଉନ୍ନୟନ ବିଭାଗରେ 10 ବର୍ଷ ଏବଂ ସଂସଦୀୟ ବ୍ୟାପାର ବିଭାଗରେ 13 ବର୍ଷ ହେଲା ପ୍ରମୁଖ ସଚିବ ଦାୟିତ୍ବରେ ରହିଲେଣି ଜି. ମାଥିଭାଥନନ। ସେମିତି ଆଇଏଏସ ରୂପା ରୋଶନ ସାହୁ 2015ରୁ ମୁଖ୍ୟମନ୍ତ୍ରୀଙ୍କ କାର୍ଯ୍ୟାଳୟରେ କାର୍ଯ୍ୟ କରୁଥିବା ବେଳେ କିଛି ଦିନ ତଳେ ତାଙ୍କୁ ଅନୁସୂଚିତ ଜାତି ଓ ଅନୁସୂଚିତ ଜନଜାତି ବିଭାଗର ସଚିବ ଭାବେ ଅତିରିକ୍ତ ଦାୟିତ୍ବ ଦିଆଯାଇଛି । ସେହିପରି ମୁଖ୍ୟମନ୍ତ୍ରୀଙ୍କ କାର୍ଯ୍ୟାଳୟରେ 2018ରୁ ଅବସ୍ଥାପିତ ହୋଇଛନ୍ତି ଆଇଏଏସ ଆର. ଭିନିଲକ୍ରିଷ୍ଣା। ଏହାସହ କ୍ରୀଡ଼ା ବିଭାଗର ସଚିବ ଭାବେ ଅତିରିକ୍ତ ଦାୟିତ୍ବରେ ଅଛନ୍ତି ଏହି ଅଧିକାରୀ ।
ତେବେ କେବଳ ଆଇଏଏସ ନୁହେଁ, ଏମିତି ଭାବେ ଦୀର୍ଘ ବର୍ଷ ଧରି ଗୋଟିଏ ପଦବୀକୁ ମାଡି ବସିଥିଲେ କିଛି ଆଇପିଏସ ଅଫିସର । ଯେମିତି ଅତିରିକ୍ତ ପୋଲିସ ଡିଜି ଡି.ଏସ୍ କୁଟ୍ଟେ । ଦୀର୍ଘ ୧୪ ବର୍ଷ ହେଲା ମୁଖ୍ୟମନ୍ତ୍ରୀଙ୍କ କାର୍ଯ୍ୟାଳୟରେ ସ୍ଵତନ୍ତ୍ର ସଚିବ ଭାବେ ଦାୟିତ୍ଵରେ ଥିଲେ । ସରକାରୀ ପଦବୀରେ ଥିବା ସତ୍ତ୍ଵେ ବିଜେଡିର ଦଳୀୟ କାମ ବି କରୁଥିବା ନେଇ ହୋଇଥିଲା ଅଭିଯୋଗ ଏହି ଆଧାରାରେ ଗତ ନିର୍ବାଚନରେ ଡିଏସ କୁଟ୍ଟେଙ୍କୁ ନିଲମ୍ବିତ କରିଥିଲେ ନିର୍ବାଚନ କମିଶନ। ତେବେ ପରବର୍ତ୍ତୀ ସମୟରେ କୁଟ୍ଟେଙ୍କ ଉପରୁ ନିଲମ୍ବନ ହଟିଥିଲେ ବି ତାଙ୍କ ବିରୋଧରେ କୌଣସି ମୁହୁର୍ତ୍ତରେ ବି ହୋଇପାରେ କାର୍ଯ୍ୟାନୁଷ୍ଠାନ। ସେମିତି ଆଇପିଏସ ତଥା ଅତିରିକ୍ତ ଡିଜି ଅରୁଣ ବୋଥ୍ରା। ପରୀ ହତ୍ୟାକାଣ୍ଡ ଠାରୁ ଆରମ୍ଭ କରି ପୂର୍ବତନ ମନ୍ତ୍ରୀ ନବ ଦାସ ହତ୍ୟା ଘଟଣାକୁ ନେଇ ବିବାଦ ଘେରକୁ ଆସିଥିଲେ ଅରୁଣ ବୋଥ୍ରା। ତେବେ ବୋଥ୍ରାଙ୍କୁ ଅନ୍ୟ ସରକାରୀ ପଦବୀ ମିଳୁଥିଲେ ବି ସେ କ୍ରାଇମବ୍ରାଞ୍ଚରେ ରହିଛନ୍ତି । ସେହିପରି ଆଇଜି ଆଶିଷ ସିଂଙ୍କୁ ନେଇ ୨୪ ନିର୍ବାଚନରେ ବେଶ ଚର୍ଚ୍ଚା ଓ ବିବାଦ ହୋଇଥିଲା। ଆଗ ଦକ୍ଷିଣାଞ୍ଚଳ ଡିଆଇଜି, କେନ୍ଦ୍ରାଞ୍ଚଳ ଆଇଜି ଏବଂ ତାପରେ ଅବକାରୀ କମିଶନର ଭାବେ ୫ ବର୍ଷରୁ ଅଧିକ ସମୟ ଦାୟିତ୍ଵରେ ଥିଲେ ଆଶିଷ ସିଂ। ନିର୍ବାଚନରେ ବିଜେଡି ପାଇଁ ରାଜନୈତିକ କାମ କରୁଥିବା ନେଇ ଅଭିଯୋଗ ପରେ ନିର୍ବାଚନ କମିଶନଙ୍କ ନିର୍ଦ୍ଦେଶରେ ଅଶିଷ ସିଂଙ୍କୁ କେନ୍ଦ୍ରଞ୍ଚଳ ଆଇଜିରୁ ବଦଳି କରାଯାଇ ସିଏମଙ୍କ ସୁରକ୍ଷା ଦାୟିତ୍ବ ଦିଆଯାଇଥିଲା।
କିନ୍ତୁ ସ୍ଵାସ୍ଥ୍ୟଗତ ସମସ୍ୟା ଦର୍ଶାଇ ଛୁଟିରେ ଥାଇ ବିଜେଡି ପାଇଁ କରୁଥିଲେ କାମ। ଏନେଇ ଅଭିଯୋଗ ପରେ ନିର୍ବାଚନ କମିଶନଙ୍କ ନିର୍ଦ୍ଦେଶରେ ଏମସରେ ତାଙ୍କର କରାଯାଇଥିଲା ଡାକ୍ତରୀ ପରୀକ୍ଷା। ରିପୋର୍ଟରେ ସେ ସମ୍ପୂର୍ଣ୍ଣ ଫିଟ୍ ଥିବା ଦର୍ଶାଯାଇଥିଲା। ଏବେ ତାଙ୍କ ବିରୋଧରେ କଣ ହେବ କାର୍ଯ୍ୟାନୁଷ୍ଠାନ ତାକୁ ନେଇ ଜୋର ଧରିଛି ଚର୍ଚ୍ଚା। ତେବେ କେବଳ ଏହି ଆଇପିଏସ ଅଫିସରମାନେ ନୁହନ୍ତି ଅତିରିକ୍ତ ଡିଜି ସନ୍ତୋଷ ବାଲା, ବର୍ଷ ବର୍ଷ ହେଲା ଗୃହ ବିଭାଗର ସ୍ଵତନ୍ତ୍ର ସଚିବ ଭାବେ କାର୍ଯ୍ୟ କରୁଛନ୍ତି। ଏହାସହ ଆଇଜି ଅନୁପ ସାହୁ, ଗୁଇନ୍ଦା ବିଭାଗରେ ଗଲା ୪ ବର୍ଷ ଧରି ରହିଛନ୍ତି, ରାଜ୍ୟ ଫରେନସିକ ଲ୍ୟାବ ନିର୍ଦ୍ଦେଶକ ଥିବା ଅତିରିକ୍ତ ଡିଜି ରାଜେଶ କୁମାରଙ୍କର ବର୍ଷ ବର୍ଷ ଧରି ବଦଳି ହେଉନାହିଁ।
ତେବେ ଏସବୁ ଭିତରେ ବିଜେପି ସରକାରର କ୍ୟାବିନେଟ ମନ୍ତ୍ରୀ ରବି ନାଏକ ଶୁଣାଇ ଦେଇଛନ୍ତି ଚରମବାଣୀ । ଅଫିସର ମାନେ ଏଣିକି ଆଉ ଲଗାମ ଛଡା ହୋଇପାରିବେନି। ମନ୍ତ୍ରୀଙ୍କ ହାତରେ ରହିବ ଲଗାମ । ସରକାର ଠିକ୍ ଚାଲିବ ଆଉ ଅଫିସର ମାନେ ବି ଠିକ୍ ଭାବେ କାମ କରିବେ ବୋଲି କହିଛନ୍ତି ରବି ନାଏକ ।
ଏଠି ପ୍ରଶ୍ନ ଉଠୁଛି, 3 ବର୍ଷ ପରେ ବଦଳି ନିୟମ ଥିବା ବେଳେ 10 ବର୍ଷରୁ ବି ଅଧିକ ସମୟ ହେଲା ଗୋଟିଏ ପଦବୀରେ କେମିତି ରହିଲେ ଏହି ମୁଷ୍ଟିମେୟ ଅଧିକାରୀ ? କାହିଁକି ସେମାନଙ୍କୁ ଆଜି ଯାଏଁ ଅନ୍ୟ ବିଭାଗକୁ ବଦଳି କରୁନଥିଲେ ସରକାର ? ବିଜେଡିକୁ ରାଜନୈତିକ ଫାଇଦା ଯୋଗାଉଥିବାରୁ ଏହି ସରକାରୀ ଅଧିକାରୀ ମାନଙ୍କୁ ବଦଳି କରୁନଥିଲେ କି ନବୀନ ସରକାର ?
ଅଧିକ ପଢ଼ନ୍ତୁ ଓଡ଼ିଶା ଖବର
