Kolkata Knight Riders picked up a huge 7-wicket win over Delhi Capitals at the Eden Gardens on Monday

ଦିଲ୍ଲୀକୁ ୭ ଓ୍ୱିକେଟରେ ପରାସ୍ତ କଲା କୋଲକାତା ନାଇଟ୍ ରାଇଡର୍ସ

by Banajyotshna Ray

Kolkata Knight Riders picked up a huge 7-wicket win over Delhi Capitals at the Eden Gardens on Monday

ଅର୍ଗସ ବ୍ୟୁରୋ: ଆଇପିଏଲ୍‌ରେ ସୋମବାର କୋଲ୍‌କାତା ନାଇଟ୍ ରାଇଡର୍ସ ୭ ୱିକେଟ୍‌ରେ ଦିଲ୍ଲୀ କ୍ୟାପିଟାଲ୍ସକୁ ପରାସ୍ତ କରିଛି। ବୋଲରଙ୍କ ସହାୟତାରେ କେକେଆର, ଦିଲ୍ଲୀର ବ୍ୟାଟିଂ ବିପର୍ଯ୍ୟୟ ଘଟାଇଥିଲା। ଫଳରେ ଦିଲ୍ଲୀ ମାତ୍ରା ୧୫୩ ରନ୍‌ରେ କରିଥିଲା। ଏହା ପରେ କେକେଆର୍‌ ୨୧ ବଲ୍ ପୂର୍ବରୁ ବିଜୟ ଲକ୍ଷ୍ୟରେ ପହଞ୍ଚିଯାଇଥିଲା। ଫିଲ୍ ସଲ୍ଟଙ୍କ ୬୮ ରନ୍‌ ବଳରେ ଦଳ ସହଜ ବିଜୟ ହାସଲ କରିନେଇଥିଲା। ଏଥିସହିତ କେକେଆର୍‌ ନବମ ମ୍ୟାଚ୍‌ରୁ ଷଷ୍ଠ ବିଜୟ ସହ ଦ୍ବିତୀୟ ସ୍ଥାନରେ ରହିଛି। ଦିଲ୍ଲୀ କ୍ୟାପିଟାଲ୍ସ 11ତମ ମ୍ୟାଚ୍‌ରୁ ଷଷ୍ଠ ପରାଜୟ ବରଣ କରି ଟେବଲୁଲରେ ଷଷ୍ଠ ସଥାନରେ ରହିଛି।

ଅଧିକ ପଢ଼ନ୍ତୁ ଖେଳ ଖବର:

ହରିୟାଣା ବିଜୟ ; ଧର୍ମେନ୍ଦ୍ରଙ୍କ ବଡ ବୟାନ

by Swayangprajna Mishra

Union Minister Dharmendra Pradhan has posted on his X handle about BJP's success in haryana

ଅର୍ଗସ ବ୍ୟୁରୋ : ହରିୟାଣାରେ ବିଜେପିରର ବାଜିମାତ୍‌ ନେଇ ନିଜ ଏକ୍ସ ହ୍ୟାଣ୍ଡେଲରେ ପୋଷ୍ଟ କରିଛନ୍ତି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ । ହରିୟାଣା ବିଜୟ ଅଭୂତପୂର୍ବ, ଐତିହାସିକ ବିଜୟ: ଧର୍ମେନ୍ଦ୍ର ପ୍ରଧାନ । ହରିୟାଣାରେ ବିଜେପି ଇତିହାସ ରଚିଥିବାରୁ ହରିୟାଣାବାସୀଙ୍କୁ ଧନ୍ୟବାଦ । ତୃତୀୟ ଥର ପାଇଁ ବିଜେପିକୁ ଜିତାଇଥିବାରୁ ହୃଦୟରୁ ଧନ୍ୟବାଦ । ଏହା ପ୍ରଧାନମନ୍ତ୍ରୀଙ୍କ ମାର୍ଗଦର୍ଶନରେ ଜନକଲ୍ୟାଣକାରୀ ଯୋଜନାର ପ୍ରତିଫଳନ । ଡବଲ୍ ଇଞ୍ଜିନ ସରକାରର କଲ୍ୟାଣକାରୀ ଯୋଜନା ଉପରେ ଜନତାଙ୍କ ମୋହର ।

ଅଧିକ ପଢନ୍ତୁ : ମୋଦିଙ୍କ ଲୋକପ୍ରିୟତା, ଧର୍ମେନ୍ଦ୍ରଙ୍କ ଜଲୱା : ଧରାଶାୟୀ କଂଗ୍ରେସ

ଏହି ଦମ୍‌ଦାର ବିଜୟ ପ୍ରତ୍ୟେକ କାର୍ଯ୍ୟକର୍ତ୍ତାଙ୍କ କଠିନ ପରିଶ୍ରମର ପ୍ରତିଫଳନ । ଏହି ପ୍ରଚଣ୍ଡ ଜନାଦେଶ କଂଗ୍ରେସର ଜାତିବାଦ, ପରିବାରବାଦକୁ ପ୍ରତ୍ୟାଖ୍ୟାନ କରିଛନ୍ତି । ବିଜେପିର ନିରନ୍ତର ବିକାଶ ଯୋଗୁଁ ଲୋକଙ୍କ ଭରପୂର ଆଶୀର୍ବାଦ ମିଳିଛି। ପ୍ରଧାନମନ୍ତ୍ରୀ ନରେନ୍ଦ୍ର ମୋଦି, ଗୃହମନ୍ତ୍ରୀ ଅମିତ ଶାହ ଓ ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଜେପି ନଡ୍ଡାଙ୍କୁ ହୃଦୟରୁ ଧନ୍ୟବାଦ । ହରିୟାଣା ମୁଖ୍ୟମନ୍ତ୍ରୀଙ୍କୁ ମଧ୍ୟ ଧନ୍ୟବାଦ ଜଣାଇଲେ ଧର୍ମେନ୍ଦ୍ର ପ୍ରଧାନ । ଯାହାକୁ ନେଇ ଦିଲ୍ଲୀ ବିଜେପି କାର୍ଯ୍ୟାଳୟରେ ପ୍ରଧାନମନ୍ତ୍ରୀଙ୍କ ଉପସ୍ଥିତିରେ ଚାଲିଛି ସେଲିବ୍ରେସନ । ପ୍ରଧାନମନ୍ତ୍ରୀଙ୍କ ସମେତ ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଜେପି ନଡ୍ଡା, କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ , ଗୃହମନ୍ତ୍ରୀ ଅମିତ ଶାହ ଉପସ୍ଥିତ ଅଛନ୍ତି ।

ଜନତା ସଇନିଙ୍କ ଉପରେ ଦେଖାଇଲେ ଭରସା: ହରିୟାଣା ନାୟକଙ୍କୁ ଶୁଭେଚ୍ଛା ଜଣାଇଲେ ମୋଦି

by Ritu Das

ଅର୍ଗସ ବ୍ୟୁରୋ: ହରିୟାଣାରେ ବିଜୟ ପାଇଁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ନାୟାବ ସଇନିଙ୍କୁ ଫୋନ୍ କରି ଶୁଭେଚ୍ଛା ଜଣାଇଛନ୍ତି। ମଙ୍ଗଳବାର ୯୦ ଆସନ ବିଶିଷ୍ଟ ହରିୟାଣା ବିଧାନସଭା ନିର୍ବାଚନ ଫଳାଫଳ ଆସୁଥିବା ବେଳେ ଅପରାହ୍ନ ସୁଦ୍ଧା ବିଜେପି ଆଗରେ ରହିଛି। ଖବର ଅନୁଯାୟୀ ନୟାବ ସଇନି ପୁଣି ମୁଖ୍ୟମନ୍ତ୍ରୀ ହେବେ।
ବିଜେପିର ଶୀର୍ଷ ନେତୃତ୍ୱ ନିର୍ବାଚନ ପୂର୍ବରୁ ସ୍ପଷ୍ଟ କରିସାରିଛନ୍ତି ଯେ ବିଜୟ ପରେ ସଇନି ଶୀର୍ଷ ପଦରେ ରହିବେ, ତଥାପି ତାଙ୍କର କ୍ଷୁଦ୍ର ଆଭିମୁଖ୍ୟ ଏବଂ ଜାତିଗତ କୋଣକୁ ଦୃଷ୍ଟିରେ ରଖି ପରିବର୍ତ୍ତନ ହେବାର କଳ୍ପନାଜଳ୍ପନା ଚାଲିଛି। ସଇନି ପଛୁଆ ଶ୍ରେଣୀର ଜଣେ ସଦସ୍ୟ, ଯେଉଁ ରାଜ୍ୟରେ ଅଧିକାଂଶ ପଦବୀରୁ ଜାଟ୍ ନେତୃତ୍ୱ ନେଉଛନ୍ତି।

ନିର୍ବାଚନର ପ୍ରାୟ 200 ଦିନ ପୂର୍ବରୁ ସଇନିଙ୍କୁ ହରିୟାନାର ମୁଖ୍ୟମନ୍ତ୍ରୀ କରାଯାଇଥିଲା। ରାଜ୍ୟରେ ନିର୍ବାଚନ ପୂର୍ବରୁ ଭାଜପା ଏହାର ଛବି ସୁଧାରିବା ଲାଗି ମୁଖ୍ୟମନ୍ତ୍ରୀ ପରିବର୍ତ୍ତନ କରିଥିଲା। ଲୋକସଭା ନିର୍ବାଚନ ପାଇଁ ପୂର୍ବତନ ମୁଖ୍ୟମନ୍ତ୍ରୀ ମନୋହର ଲାଲ ଖଟ୍ଟରଙ୍କୁ କେନ୍ଦ୍ର ମନ୍ତ୍ରୀ କରାଯାଇଥିଲା।

ଅଧିକ ପଢ଼ନ୍ତୁ ଭାରତ ଖବର

ଆରଜି କର ମେଡିକାଲ ମାମଲାରେ ନୂଆ ମୋଡ଼: ୫୦ ଜଣ ଡାକ୍ତର ଏକା ସାଙ୍ଗରେ ଦେଲେ ଇସ୍ତଫା

by Ritu Das

ଅର୍ଗସ ବ୍ୟୁରୋ: କୋଲକାତା ଆରଜି କର ମେଡିକାଲ କଲେଜରେ ମହିଳା ଡାକ୍ତରଙ୍‌କୁ ଦୁଷ୍କର୍ମ ଏବଂ ହତ୍ୟା ମାମଲା ଥମିବାର ନାଁ ଧରୁନି । ମେଡିକାଲ ବାହାରେ କନିଷ୍ଠ ଡାକ୍ତରଙ୍‌କ ଆନ୍ଦୋଳନ ଜାରି ରହିଥିବା ବେଳେ ମେଡିକାଲକୁ ଏକ ଶକ୍ତ ଝଟକା ଲାଗିଛି । ଆରଜି କର ମେଡିକାଲ କଲେଜର ୫୦ ଜଣ ବରିଷ୍ଠ ଡାକ୍ତର ସାମୂହିକ ଇସ୍ତଫା ପ୍ରଦାନ କରିଛନ୍ତି । ଜୁନିୟର ଡକ୍ଟର୍ସ ଫ୍ରଣ୍ଟ ମହିଳା ଡାକ୍ତରଙ୍କୁ ନ୍ୟାୟ ଦାବି ସହ କିଛି ବରିଷ୍ଠ ଅଧିକାରୀଙ୍କୁ ହଟାଇବା ପାଇଁ ଦାବି କରିଛନ୍ତି ଡାକ୍ତର । ଶନିବାରରୁ ଜୁନିୟର ଡାକ୍ତର ମହିଳା ସହକର୍ମୀଙ୍କ ପାଇଁ ନ୍ୟାୟ ଭିକ୍ଷା କରିଛନ୍ତି ।

ପୀଡ଼ିତାଙ୍କୁ ନ୍ୟାୟ ଦାବି କରିବା ସହ ରାଜ୍ୟର ସମସ୍ତ ହସ୍ପିଟାଳ ଏବଂ ମେଡିକାଲ କଲେଜ ପାଇଁ ଏକ କେନ୍ଦ୍ରୀୟ ରେଫରଲ ସିଷ୍ଟମ ସ୍ଥାପନା କରିବାକୁ ମଧ୍ୟ ଦାବି କରିଛନ୍ତି । ଏହାବ୍ୟତୀତ ଏକ ବେଡ୍ ଖାଲି ମନିଟରିଙ୍ଗ ସିଷ୍ଟମର କାର୍ଯ୍ୟକାରିତା ଏବଂ ମେଡିକାଲ ଗୁଡ଼ିକରେ ସିସିଟିଭି, ଅନ୍ କଲ୍ ରୁମ୍ ଏବଂ ୱାଶରୁମ ପାଇଁ ମଧ୍ୟ ଆବଶ୍ୟକୀୟ ବ୍ୟବସ୍ଥା ନିମନ୍ତେ ସ୍ୱତନ୍ତ୍ର ଟାସ୍କ ଫୋର୍ସ ଗଠନ କରିବାକୁ ସେମାନେ ଦାବି କରିଛନ୍ତି । ହସ୍ପିଟାଲରେ ପୋଲିସ ସୁରକ୍ଷା ବୃଦ୍ଧି, ସ୍ଥାୟୀ ମହିଳା ପୋଲିସକର୍ମୀଙ୍‌କ ନିଯୁକ୍ତି ଏବଂ ଡାକ୍ତର ତଥା ନର୍ସ କିମ୍ବା ଅନ୍ୟ ସ୍ୱାସ୍ଥ୍ୟକର୍ମୀଙ୍କ ଖାଲି ପଦବୀରେ ନିଯୁକ୍ତି ପ୍ରକ୍ରିୟା ତୀବ୍ର କରିବାକୁ ଦାବି ହୋଇଛି ।

୫୦ ଜଣ ବରିଷ୍ଠ ଡାକ୍ତରଙ୍କ ଅଚାନକ ଇସ୍ତଫା ପ୍ରଦାନ କରିବାକୁ ନେଇ ସୂଚନା ଦେଇଛନ୍ତି ଆରଜି କର ମେଡିକାଲର ସିନିୟର ଡାକ୍ତର । ସେ କହିଛନ୍ତି ଯେ, ଆମ ପିଲାମାନଙ୍କୁ ରକ୍ଷା କରିବା ପାଇଁ ଏବଂ ସେମାନଙକ ସମସ୍ୟା ସମାଧାନ କରିବା ପାଇଁ ପ୍ରଶାସନ ତରଫରୁ କୌଣସି ପ୍ରତିକ୍ରିୟା ମିଳିନାହିଁ । ଏହାପୂର୍ବରୁ ଆଜି ପ୍ରାୟ ୧୫ ଜଣ ବରିଷ୍ଠ ଡାକ୍ତର କନିଷ୍ଠ ଡାକ୍ତରଙ୍କ ସମର୍ଥନରେ ସାଂକେତିକ ଅନଶନରେ ବସିଛନ୍ତି । କୋଲକାତାରେ ଦୁର୍ଗା ପୂଜା ଅବସରରେ ଜୁନିୟର ଡାକ୍ତର ମାନଙ୍‌କର ଏହି ଆନ୍ଦୋଳନ ଦେଖିବାକୁ ମିଳିଛି । ଏଭଳି କାଣ୍ଡ ପାଇଁ କୋଲକାତାରେ ଦୁର୍ଗା ପୂଜାର ମାହୋଲ ମଧ୍ୟ ପିକା ପଡ଼ିଛି।