ବ୍ରହ୍ମପୁର: ଧକ୍କା ଦେଇ ଘୋଷାଡି ନେଲା । ଆସିକା ରୋଡ ଗେଟ୍ ବଜାର ବିଲ ସାହି ନିକଟରେ ଟ୍ରକ୍ ଧକ୍କାରେ ଜଣେ ଅଜଣା ଯୁବକଙ୍କ ମୃତ୍ୟୁ ହୋଇଛି । ରାସ୍ତା ପାର ହେଉଥିବା ବେଳେ ଧକ୍କା ଦେଲା ଏକ ଟ୍ରକ୍ । ଟ୍ରକ୍ ଧକ୍କା ଦେଇ ଘଟଣା ସ୍ଥଳରୁ ଛୁ ମାରିଛି । ଟ୍ରକ୍ ପଛ ପଟେ ଆସୁଥିବା ଟାଟା ଏସି ଟି ଉକ୍ତ ଆହତ ଯୁବକଙ୍କୁ ପ୍ରାୟ 30 ମିଟର ଘୋଷାଡି ନେଇଛି । ଘଟଣାସ୍ଥଳରେ ଯୁବକଙ୍କ ମୃତ୍ୟୁ ହୋଇଥିବା ସୂଚନା ରହିଛି । ଖବର ପାଇ ଟ୍ରାଫିକ ଥାନା ପୋଲିସ ପହଞ୍ଚି ତଦନ୍ତ କରୁଛି । ଟାଟା ଏସିକୁ ପଚରା ଉଚରା କରୁଥିବା ବେଳେ ଟ୍ରକକୁ ଧରିବାକୁ ଚେଷ୍ଟା କରିବ ପୋଲିସ ।
ବାଲେଶ୍ୱର: ମଧ୍ୟାହ୍ନ ଭୋଜନ ଖାଇ ୬ ଜଣ ଛାତ୍ରଛାତ୍ରୀ ଅସୁସ୍ଥ । ସୋର କେଦାରପୁର ପଂଚାୟତ ବାଣୀସିଆ ପ୍ରାଥମିକ ବିଦ୍ୟଳୟରେ ମଧ୍ୟାହ୍ନ ଭୋଜନ ଖାଇ ୬ ଜଣ ଛାତ୍ରଛାତ୍ରୀ ଅସୁସ୍ଥ। ସମସ୍ତଙ୍କୁ ସୋର ଡାକ୍ତରଖାନାରେ ଭର୍ତି କରାଯାଇଛି। ଆଜି ମଧ୍ୟାହ୍ନରେ ୩୫ ଜଣ ପିଲାଙ୍କୁ ମଧ୍ୟାହ୍ନ ଭୋଜନରେ ଅଣ୍ଡା ତରକାରୀ ଓ ଭାତ ଦିଆଯାଇଥିଲା। ଖାଇବା ପରେ କେତେଜଣ ପିଲାଙ୍କ ପେଟ କାଟିବା ସହ ଛାତିରେ ଯନ୍ତ୍ରଣା ଅନୁଭବ କରି ଅସୁସ୍ଥ ହୋଇପଡିଥିଲେ। ସ୍କୁଲର ଶିକ୍ଷକ ଶିକ୍ଷୟିତ୍ରୀ ଓ କମିଟି ମେମ୍ବର ପିଲାଙ୍କୁ ଡାକ୍ତରଖାନାରେ ଭର୍ତ୍ତି କରିଛନ୍ତି ।
ଆହୁରି ପଢନ୍ତୁ ଓଡିଶା ଖବର...
ଅର୍ଗସ ବ୍ୟୁରୋ: ଅଲଗା ହେଲେ ଅର୍ଜୁନ ମଲାଇକା। ଯେଉଁ ଚର୍ଚ୍ଚା ଲାଗି ରହିଥିଲା ତାହା ଏବେ କନଫର୍ମ ହୋଇଗଲା। ବ୍ରେକଅପ୍ ଖବର ମଧ୍ୟରେ ଅର୍ଜୁନ ଏବଂ ମଲାଇକା ଏକ ପରସ୍ପର ମଧ୍ୟରେ ସାମ୍ନା ସାମ୍ନି ହୋଇଥିଲେ। କିନ୍ତୁ ଉଭୟଙ୍କ ମଧ୍ୟରେ କୌଣସି ପ୍ରକାରର କଥାବାର୍ତ୍ତା ହୋଇନଥିଲା। ଅର୍ଜୁନ ଏବଂ ମଲାଇକା ନିକଟରେ କୁନାଲ ରାଓ୍ୱଲଙ୍କ ଫ୍ୟାଶନ ସୋ'ରେ ଯୋଗ ଦେଇଥିଲେ। ଏହି ସମୟ ମଧ୍ୟରେ ଉଭୟ କାର୍ଯ୍ୟକ୍ରମରେ ଉପସ୍ଥିତ ଥିଲେୋ। ଏହି ଇଭେଣ୍ଟରେ ଦୁହେଁ ଅନେକ ଥର ମୁହାଁମୁହିଁ ହୋଇଥିଲେ, କିନ୍ତୁ ଅର୍ଜୁନ ଏବଂ ମଲାଇକା ପରସ୍ପରଠାରୁ ଦୂରତା ବଜାୟ ରଖିଥିଲେ।
ଏହି ଇଭେଣ୍ଟରେ, ମଲାଇକା ଏବଂ ଅର୍ଜୁନ ଅନ୍ୟ ସମସ୍ତ ଅତିଥିଙ୍କ ସହ କଥାବାର୍ତ୍ତା କରୁଥିବା ଦେଖିବାକୁ ମିଳିଥିଲା, କିନ୍ତୁ ଦୁହେଁ ପରସ୍ପରକୁ ଅଣଦେଖା କରିବା ନଜର ଆସିଥିଲେ। ଉଭୟଙ୍କ ଏହି ବ୍ୟବହାର ଦେଖିବା ପରେ, ଏହା ନିଶ୍ଚିତ ଯେ ଦୁହିଁଙ୍କ ବ୍ରେକଅପ୍ କନଫର୍ମ। ହୁଏତ ଏଖବର ପରେ ଅର୍ଜୁନ ଏବଂ ମଲାଇକାଙ୍କ ଫ୍ୟାନ୍ସଙ୍କ ମଧ୍ୟରେ ଦୁଃଖ ଆସିବ। କିନ୍ତୁ ଏହା ସତ। ଶେଷରେ ଏହି ଦୁଇ ପପୁଲାର ଯୋଡି ଅଲଗା ହୋଇଯାଇଛନ୍ତି। ଏହା ପୂର୍ବରୁ ଜୁଲାଇ ୧୨ରେ ଅନନ୍ତ ଏବଂ ରାଧିକାଙ୍କ ବିବାହରେ ପ୍ରଶଂସକମାନେ ଆଶା କରୁଥିଲେ ଯେ ଅର୍ଜୁନଙ୍କ ସହ ସେମାନେ ମଧ୍ୟ ମଲାଇକା ଆରୋରାଙ୍କୁ ଦେଖିବେ, କିନ୍ତୁ ତାହା ହୋଇନଥିଲା। ପୂରା ବିବାହରେ ଅର୍ଜୁନ ଏକାକୀ ନଜର ଆସିଥିଲେ। ମଲାଇକା ବିବାହରେ ଅନୁପସ୍ଥିତ ରହିଥିଲେ। ଅନେକ ଦିନ ଧରି ଥିବା ସେମାନଙ୍କ ରିଲେସନସିପ୍ ଭାଙ୍ଗି ଯାଇଛି। ଦୁହେଁ ଆଉ ଏକାଠି ନଜର ଆସୁନାହାନ୍ତି। ଗୋଟିଏ ଇଭେଣ୍ଟରେ ଏକାଠି ଆସିଥିଲେ ବି ଆଉ କଥାବାର୍ତ୍ତା ନାହିଁ। ହେଲେ ବ୍ରେକଅପ ଖବରକୁ ନେଇ ଦୁହେଁ କୌଣସି ସୂଚନା ଦେଇନାହାନ୍ତି।
ଅଧିକ ପଢ଼ନ୍ତୁ ମନୋରଞ୍ଜନ ଖବର: