କିମ୍ବଦନ୍ତୀ ଅନୁସାରେ ସମସ୍ତେ ଏକତ୍ରିତ ହୋଇ ଜଙ୍ଗଲକୁ ଶିକାର କରିବାକୁ ଯାଇଥିଲେ । ଶିକାର ସମୟରେ ଗୋଟିଏ ହରିଣକୁ ଶିକାର କରିଥିଲେ । ଶିକାର ହୋଇଥିବା ହରିଣର ମୁଣ୍ଡ ଏବଂ ଗଣ୍ଡିକୁ ଭାଗ କରି ବଣ୍ଟା ଯାଇଥିଲା । ସେହି ହରିଣ ମୁଣ୍ଡକୁ ଆଧିପତ୍ୟର ପରିଚୟ ଦେଇ ହରିଣ ଶିଙ୍ଗରେ ଏକ ଧନୁ ନିର୍ମାଣ କରାଯାଇଥିଲା । ସେବେ ଠାରୁ ପ୍ରତିବର୍ଷ ଦଶହରା ବଜାର ତଥା ଲାଖ ବିନ୍ଧା ଯାତ୍ରା ଅନୁଷ୍ଠିତ ହୁଏ ବୋଲି କହିଛନ୍ତି ।
ଜିଲ୍ଲାରେ ଅନେକ ସ୍ଥାନରେ ଏଭଳି ଜାନି ଯାତ୍ରା ଅନୁଷ୍ଠିତ ହୋଇଥାଏ । ଆଦିବାସୀ ପରମ୍ପରା ଓ ତାଙ୍କ ପୂଜା ପାଠ କରିବା ଦ୍ୱାରା ଅଞ୍ଚଳରେ ସୁଖ ସମୃଦ୍ଧି ପ୍ରାପ୍ତ ହେବା ସହ ରୋଗି ବ୍ୟାଧି ମୁକ୍ତ ହୁଏ ବୋଲି ବିଶ୍ବାସ ରହିଛି । ଏଭଳି ଯାତ୍ରାରେ ସ୍ଥାନୀୟ ପୂଜକ, ଶିରା, ଚଲାନ, ଗଣ୍ଡା, ଗ୍ରାମ ମୁଖ୍ୟ ସହ ବାର ପାଲ୍ଲୀରୁ ଆସିଥିବା ମୁଖ୍ୟ ବ୍ୟକ୍ତି ପ୍ରମୁଖ ଯୋଗଦେଇ ଥାନ୍ତି । ତା ସହ ଆଦିବାସୀ ନାଚ ଗୀତରେ ମୋନରଞ୍ଜନ ମଧ୍ୟ କରିଥାନ୍ତି । ଆଦିବାସୀଙ୍କ ପୂଜା ପାଠ ଓ ସେମାନଙ୍କ ପରମ୍ପରା ସମ୍ପୂର୍ଣ୍ଣ ନିଆରା । ପିଲା ଠୁ ବୃଦ୍ଧ ସମସ୍ତେ ଏହି ଲାଖ ବିନ୍ଧା ଯାତ୍ରାରେ ସାମିଲ ହୋଇଥାନ୍ତି । ଏହି ଯାତ୍ରାକୁ ଅଞ୍ଚଳବାସୀ ମନ ଭରି ଉପଭୋଗ କରିଥିବା ଦେଖିବାକୁ ମିଳିଥାଏ ।
