ଅର୍ଗସ ବ୍ୟୁରୋ : ପଞ୍ଚମ ଦିନରେ ପହଞ୍ଚିଲା ବୁଡ଼ି କ୍ଷତିଗ୍ରସ୍ତ ପ୍ରଜା ସଂଘର ଜଳ ସତ୍ୟାଗ୍ରହ । ତଥାପି ସମାଧାନର ବାଟ ବାହାର କଲେନି ସରକାର । କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କ ନିର୍ଦ୍ଦେଶ କ୍ରମେ ଆଜି ବିଜେପିର ଏକ ପ୍ରତିନିଧି ଦଳ ସତ୍ୟାଗ୍ରହକାରୀଙ୍କୁ ଭେଟିଛନ୍ତି ।
ଅଧିକ ପଢନ୍ତୁ ଓଡ଼ିଶା ଖବର
ଆସନ୍ତାକାଲି ଏହି ଟିମ୍ ରାଜ୍ୟପାଳଙ୍କୁ ଭେଟି ଏ ବାବଦରେ ଆବଗତ କରାଇବ । 48 ବର୍ଷ ପରେ ବି ରେଙ୍ଗାଳି ବୁଡ଼ି ବିସ୍ଥାପିତଙ୍କୁ ମିଳିଲାନି କ୍ଷତିପୂରଣ । ଅନୁଗୋଳ ଜିଲ୍ଲା ପାଲଲହଡ଼ା ଦ୍ବିତୀୟ ଚିକିଲାର ଜଳ ଭଣ୍ଡାରରେ ଜଳ ସତ୍ୟାଗ୍ରହ କରି ରାଜ୍ୟ ସରକାରଙ୍କ ବିରୋଧରେ ରଣ ହୁଙ୍କାର ଦେଇଛି ରେଙ୍ଗାଳି ବୁଡ଼ି କ୍ଷତିଗ୍ରସ୍ତ ପ୍ରଜା ସଂଘ । ପାଲଲହଡ଼ାର କୁଣ୍ଡେଇବିରାଙ୍କ ମନ୍ଦିରରୁ ସଂକଳ୍ପ କରି ୭ ଦଫା ଦାବି ନେଇ କରିଛନ୍ତି ଜଳ ସତ୍ୟାଗ୍ରହ ।
ପୁରୀ: ଚାଇନାରେ ଓଡ଼ିଆ ପୋଥିଚିତ୍ରର ଝଲକ । ସାରା ବିଶ୍ବ ଦେଖୁଛି ଓଡ଼ିଆ ପୋଥିଚିତ୍ର, ତାରକସୀ ଓ ତାଳପତ୍ର କାରୁକାର୍ଯ୍ୟ । ଭାରତୀୟ ହସ୍ତକଳାର ପ୍ରୋତ୍ସାହନ ପାଇଁ ଚାଇନାର କୁମିଙ୍ଗରେ ଏମଏସଏମଇ ସହଯୋଗରେ ଫେଡରେସନ ଅଫ୍ ଇଣ୍ଡିଆ ଏକ୍ସପର୍ଟ ଦ୍ଵାରା ଏକ ପ୍ରଦର୍ଶନୀ ଆୟୋଜିତ କରାଯାଇଛି । ଯେଉଁଥିରେ ଓଡ଼ିଶାରୁ ପ୍ରାୟ ୧୧ ଟି ଷ୍ଟଲ୍ ଭାଗ ନେଇଛନ୍ତି ।
ତେବେ ଓଡ଼ିଶାର ତାଳପତ୍ର କାମ , ପୋଥିଚିତ୍ର କାମ , ତାରକସୀ କାମ ଇତ୍ୟାଦି ଏହି ମେଳାରେ ପ୍ରଦର୍ଶିତ ହୋଇଛି । ଯାହାକୁ ଦେଖିବା ଓ କିଣିବାକୁ ଚାଇନାରେ ଅନେକ ଲୋକଙ୍କର ଭିଡ ଜମିଛି ।
ଓଡିଶାର ଡୋକ୍ରା, ପିପିଲିର ଚାନ୍ଦୁଆ କାମ, ତାରକସୀ, କାଠଶିଳ୍ପ, ଶିଙ୍ଗ ଶିଳ୍ପ, ଟସର ପେଣ୍ଟିଂ, ତାଳପତ୍ର ଖୋଦେଇ, ଜନଜାତି ଅଳଙ୍କାର, ସବାଇଘାସ ଆଦି ହସ୍ତଶିଳ୍ପ ସାମଗ୍ରୀର ବେଶ ଚାହିଦା ରହୁଛି । ଦେଶ ବିଦେଶରେ ଆୟୋଜିତ ହେଉଥିବା ପ୍ରଦର୍ଶନୀ ଗୁଡିକରେ ଓଡିଶାର ଏହି ସାମଗ୍ରୀ କିଣିବାକୁ ଲୋକଙ୍କ ମନରେ ଉତ୍କଣ୍ଠା ଦେଖିବାକୁ ମିଳୁଛି ।
ଆହୁରି ପଢନ୍ତୁ ଓଡିଶା ଖବର...
ଭୁବନେଶ୍ୱର: କମିସନରେଟ ପୋଲିସ ହାତରେ ବାୱାରୀୟା ଗ୍ୟାଙ୍ଗ । ରାସ୍ତାରୁ ଚେନ ଝାମ୍ପୁଥିଲେ, ବାଇକରେ ଫେରାର ହୋଇଯାଇଉଥିଲେ । ସାରା ଦେଶରେ ବୁଲି ବୁଲି ଏମାନେ ଲୁଟ କରୁଛନ୍ତି ଆଉ ଟ୍ରେନରେ ଫେରାର ହୋଇ ଯାଉଛନ୍ତି । ଯେଉଁ ସହରକୁ ଆସିବେ ସେଠି ଆଗ ଏକ ବାଇକ୍ ଚୋରି କରିବେ। ପରେ ଚୋରି ବାଇକରେ ଚେନ ଲୁଟ କରିବେ । କିଛି ଦିନ ଲୁଟପାଟ ପରେ ସେହି ସହରରୁ ଫେରାର ହୋଇ ଯାଉଥିଲେ ।
ଏହି ଗ୍ୟାଙ୍ଗର ମୁଖ୍ୟ କୁଖ୍ୟାତ ଲୁଟେରା ଉତ୍ତର ପ୍ରଦେଶ କାନପୁରର ରାମ କୁମାରକୁ ଗିରଫ କରିଛି କମିସନରେଟ ପୋଲିସର ସ୍ପେଶଲ ସ୍କ୍ୱାର୍ଡ । ଯାହା ନିକଟରୁ ୨ ଟି ସୁନା ଚେନ ସହ ଗୋଟିଏ ଚୋରା ବାଇକ୍ ଜବତ କରିଛି ପୋଲିସ । ସେହିଭଳି ଆଉ ଦୁଇଜଣ କୁଖ୍ୟାତ ଲୁଟେରା କଟକ ସଦର ଅଂଚଳର ଆକାଶ ସାମଲ o ବିଡାନାସୀ ଅଂଚଳର ସିତଲ ବେହେରାକୁ ସ୍ପେସାଲ ସ୍କ୍ୱାର୍ଡ ଗିରଫ କରିଛି । ଏମାନଙ୍କ ନିକଟରୁ ୨ ଟି ସୁନା ଚେନ ଜବତ କରାଯାଇଛି । ଏମାନଙ୍କ ନାମରେ କଟକ ଭୁବନେଶ୍ୱରରେ ବିଭିନ୍ନ ଥାନାରେ ୧୪ ରୁ ଅଧିକ ମାମଲା ରହିଛି ।
ଅଧିକ ପଢନ୍ତୁ ଓଡ଼ିଶା ଖବର
ଅର୍ଗସ ବ୍ୟୁରୋ: ଚାଷୀଙ୍କ ଧାନମଣ୍ଡି ଟଙ୍କା ଲୁଟ୍ ଅଭିଯୋଗ । ଅଭିଯୋଗ ଆସିଛି ଯାଜପୁର ସୁକିନ୍ଦା ନିର୍ବାଚନ ମଣ୍ଡଳୀ ଦାନଗଦି ବ୍ଲକ ଅନ୍ତର୍ଗତ ରଣାଗୁଣ୍ଡି ପଞ୍ଚାୟତ ରଣାଗୁଣ୍ଡି ସମବାୟ ସମିତି ଓ ଶୁଳିଆ ସମବାୟ ସମିତି ଧାନ ମଣ୍ଡିରେ । ଧାନ ଦେଇଥିବା ଚାଷୀ ତାଙ୍କର ୯୦ ହଜାର ୬୦୦ ଶହ ୧୬ ଟଙ୍କା ୩୩ ପଇସା ହରିଲୁଟ ହୋଇଥିବା ନେଇ କଳିଙ୍ଗନଗର ଥାନାରେ ଅଭିଯୋଗ କରିଛନ୍ତି । ଏହି ଘଟଣାକୁ ନେଇ ଚାଷୀଙ୍କ ମନରେ ଅସନ୍ତୋଷ ପ୍ରକାଶ ପାଇଛି । ସେପଟେ ଏହି ଘଟଣାରେ ତଦନ୍ତ କରାଯାଇ କାର୍ଯ୍ୟାନୁଷ୍ଠାନ ନିଆଯିବ ବୋଲି କହିଛନ୍ତି ଜିଲ୍ଲାପାଳ । ଚାଷୀ କେତେ କଷ୍ଟ କରି ଧାନ ଚାଷ କରି ପଇସା ଆଶାରେ ଦେଇଥିଲା। ହେଲେ କିଛି ବ୍ୟକ୍ତି ଏଭଳି ଟଙ୍କା ଟୁଲି ନେଇ ହଇରାଣ କରୁଛନ୍ତି। ଏମାନଙ୍କ ଉପରେ ଦୃଢ଼ କାର୍ଯ୍ୟେନୁଷ୍ଠାନ ଦାବି କରିଛନ୍ତି ଚାଷୀକୁଳ।
ଅଧିକ ପଢ଼ନ୍ତୁ ଓଡିଶା ଖବର:
