ବାଲେଶ୍ୱର: ବାଲେଶ୍ୱର ଟ୍ରେନ୍ ଟ୍ରାଜେଡି। ଦେଶ ନୁହେଁ ସାରା ବିଶ୍ୱକୁ ଦୋହଲାଇ ଦେଇଛି ବାଲେଶ୍ୱର ବାହାନଗା ଟ୍ରେନ୍ ଦୁର୍ଘଟଣା । ଦୁର୍ଘଟଣା ସ୍ଥଳ ସମୀକ୍ଷା କରିବା ପାଇଁ ଦୁର୍ଘଟଣାସ୍ଥଳରେ ପହଞ୍ଚିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ବାୟୁସେନା ହେଲିକାପ୍ଟରରେ ଆସି ପହଞ୍ଚିଛନ୍ତି ମୋଦି। 4ଟା 30ରେ ବାଲେଶ୍ଵର ମେଡିକାଲରେ ସୂଚନା ଦେବେ ମୋଦି।
ଅଧିକ ପଢନ୍ତୁ :ବାଲେଶ୍ୱର ଟ୍ରେନ୍ ଟ୍ରାଜେଡି, ଶୋକ ପ୍ରକାଶ କଲେ ରୁଷ୍- ୟୁକ୍ରେନ
ଦୁର୍ଘଟଣାସ୍ଥଳ ଅନୁଧ୍ୟାନ ପରେ ପୁଣି କଲେଇକୁଣ୍ଡା ଫେରିଯିବେ ମୋଦି। ଏପଟେ ଗତକାଲିଠୁ ଆଜି ଯାଏ ଚାଲିଥିଲା ଉଦ୍ଧାର କାର୍ଯ୍ୟ। ଇତିମଧ୍ୟରେ ଉଦ୍ଧାର କାର୍ଯ୍ୟ ଶେଷ ହୋଇଛି ବୋଲି କହିଛନ୍ତି ରେଳ ମନ୍ତ୍ରୀ ଅଶ୍ବିନୀ ବୈଷ୍ଣବ। ଏହି ଭୟଙ୍କର ଟ୍ରେନ୍ ଦୁର୍ଘଟଣାରେ ମୃତ୍ୟୁ ସଂଖ୍ୟା ୨୬୧ ଥିବାବେଳେ ପ୍ରାୟ ୯୦୦ ଆହତ ଥିବା ସୂଚନା।
ଅଧିକ ପଢନ୍ତୁ :
ଅର୍ଗସ ବ୍ୟୁରୋ: ଚିନ୍ତା ବଢାଇଲାଣି ସ୍କ୍ରବ ଟାଇଫସ୍ । ସୁନ୍ଦରଗଡ଼ ଜିଲ୍ଲାରୁ ଗତ ୨୪ ଘଣ୍ଟାରେ 14 ଜଣ ଆକ୍ରାନ୍ତ ଚିହ୍ନଟ ହୋଇଛନ୍ତି । ମୋଟ ଆକ୍ରାନ୍ତଙ୍କ ସଂଖ୍ୟା 244କୁ ବୃଦ୍ଧି ପାଇଛି । ଏନେଇ ସୂଚନା ଦେଇଛନ୍ତି ଜିଲ୍ଲା ମୁଖ୍ୟ ଚିକିତ୍ସା ଅଧିକାରୀ। ବରଗଡ଼ ସମେତ ସୁନ୍ଦରଗଡ଼ ଓ ଅନ୍ୟ ଜିଲ୍ଲାମାନଙ୍କରେ ବ୍ୟାପିବାରେ ଲାଗିଛି ସ୍କ୍ରବ ଟାଇଫସ୍ ।ଯାହାକୁ ନେଇ ଚିନ୍ତା ବଢ଼ୁଛି।
ଅଧିକ ପଢ଼ନ୍ତୁ ଓଡିଶା ଖବର:
ଅନୁଗୁଳ: ଅନୁଗୁଳ ଜିଲ୍ଲା ଗଡ଼ାସନ୍ତ୍ରୀ ପଞ୍ଚାୟତ ବାଇଝାଲିଆ ସାହିରେ ହାତୀ ଆତଙ୍କ । ହାତୀ ଆକ୍ରମଣରେ ଜଣଙ୍କର ମୃତ୍ୟୁ ହୋଇଛି । ମୃତକ ଜଣଙ୍କ ହେଲେ ପ୍ରଫୁଲ୍ଲ ଭୋଇ ।
ଆଜି ସକାଳେ ଟାଟା ପ୍ଲାଣ୍ଟକୁ କାମ କରିବାକୁ ଯାଇଥିଲାବେଳେ, ନାଳଚନ୍ଦ୍ରପୁର ଶ୍ମଶାନ ପାଖରେ ଦନ୍ତା ହାତୀ ହାବୁଡରେ ପଡ଼ିଥିଲେ ପ୍ରଫୁଲ୍ଲ । ହାତୀଟି ପ୍ରଫୁଲଙ୍କୁ କଚାଡି ଦେବାରୁ ଘଟଣାସ୍ଥଳରେ ତାଙ୍କର ମୃତ୍ୟୁ ହୋଇଛି । ହାତୀଟି ସ୍ଥାନୀୟ ଜଙ୍ଗଲରୁ ଆସି ଗାଁରେ ବୁଲୁଛି । କେତେବେଳେ ଗେଟ୍ ଭାଙ୍ଗି ଘରେ ପଶୁଛି ତ ଆଉ କେତେବେଳେ ଘର ଭାଙ୍ଗୁଛି ।
ଆହୁରି ପଢନ୍ତୁ ଓଡିଶା ଖବର...
ଅର୍ଗସ ବ୍ୟୁରୋ: ମୀନାବଜାର ବନ୍ଦ କରିବାକୁ ଯାଇ ମାଡ଼ ଖାଇଲା ପୁଲିସ। କଟକ ଜିଲ୍ଲା ତିଗିରିଆ ପୁଲିସକୁ ନୁର୍ଦ୍ଧୂମ ଛେଚିଲେ ଲୋକେ। ଗାଡ଼ି ଭାଙ୍ଗିଲେ ପୁଲିସକୁ ଅଟକ ରଖିଲେ। ସୋମବାର ବିଳମ୍ବିତ ରାତିରେ ତିଗିରିଆ ଥାନା ଅନ୍ତର୍ଗତ ପାଞ୍ଚଗାଁ ପଞ୍ଚାୟତରେ ଗଣେଶ ପୂଜା ଉପଲକ୍ଷେ ମୀନା ବଜାର ପଡିଥିଲା। ତିଗିରିଆ ଥାନାର ଏଏସଆଇ ଲକ୍ଷ୍ମୀଧର ପ୍ରଧାନ ମୀନା ବଜାର ବନ୍ଦ କରିବା ପାଇଁ ଯାଇ ଅଶିଳ୍ଲ ଭାଷାରେ ଗାଳିଗୁଲଜ କରିବାରୁ ଉତ୍ତେଜନା ପୂର୍ଣ୍ଣ ପରିସ୍ଥିତି ସୃଷ୍ଟି ହୋଇଥିଲା।
ଫଳରେ ସ୍ଥାନୀୟ ଲୋକେ ପୋଲିସ ଗାଡ଼ିକୁ ଭଙ୍ଗାରୁଜା କରିବା ସହିତ ଏଏସଆଇ ଲକ୍ଷ୍ମୀଧର ବେହେରାଙ୍କୁ ମାଡ଼ ମାରି ଘଟଣାସ୍ଥଳରେ ଅଟକ ରଖିଥିଲେ। ପରେ ତିଗିରିଆ ଥାନା ଅଧିକାରୀ ଜ୍ଞାନ ରଞ୍ଜନ ସାମଲ ଓ ଏସ୍ଆଇ ସନ୍ତୋଷ ପ୍ରଧାନ ଘଟଣା ସ୍ଥଳରେ ପହଞ୍ଚି ଲୋକଙ୍କୁ ଭୁଲ ମାଗିବା ପରେ ପୋଲିସକୁ ଛାଡିଥିଲେ ଉତ୍ତ୍ୟକ୍ତ ଲୋକେ।
ଅଧିକ ପଢ଼ନ୍ତୁ ଓଡିଶା ଖବର:
