ଭୁବନେଶ୍ୱର: ଶିମିଳିପାଳ ଅଭୟାରଣ୍ୟର ବିଭିନ୍ନ ସ୍ଥାନରେ ନିଆଁ ଲାଗିଥିଲେ ମଧ୍ୟ ସୁରକ୍ଷିତ ବୁଲୁଛି ବାଘ ଛୁଆ । ଶିମିଳିପାଳର ବଫର ଓ କୋର ଅଂଚଳରେ ବାଘ ଅଛନ୍ତି । ଏହି ଅଂଚଳରେ ନିଆଁ ଲାଗି ନଥିବାରୁ ବାଘ ସୁରକ୍ଷିତ ଥିବା ବନ୍ୟପ୍ରାଣୀ ପିସିସିଏଫ୍ ସୁଶାନ୍ତ ନନ୍ଦ ସୂଚନା ଦେଇଛନ୍ତି । ଅନ୍ୟ ଜନ୍ତୁମାନେ ମଧ୍ୟ ସୁରକ୍ଷିତ ଅଛନ୍ତି । ସାଧାରଣତଃ ଗାଁ ନିକଟରେ ଥିବା ଜଙ୍ଗଲରେ ନିଆଁ ଲାଗିଛି । 2 ଟି ଓଡ୍ରାଫ ଟିମ୍ ସହ 300 ଫାୟାର ସ୍କ୍ୱାଡ୍ ନିଆଁ ଲିଭା କାମରେ ଲାଗିଛନ୍ତି ।
ସେପଟେ ନିଆଁ ଉପରେ ନଜର ରଖିବା ପାଇଁ ଶିମିଳିପାଳରେ ଲାଗିଛି 360 ଡିଗ୍ରୀ AI କ୍ୟାମେରା । 6 ଟି ଟାୱାରରେ ଲଗାଯାଇଛି ଏହି କ୍ୟାମେରା । ଧୂଆଁ ଉଠିବା ମାତ୍ରେ ସମ୍ପୃକ୍ତ ସ୍ଥାନକୁ ଜୁମ୍ କରି ଭିଡିଓ କରିବା ସହ ଲୋକେସନ୍ ଜଣାଇବ କ୍ୟାମେରା । ଆଗକୁ ସାତକୋସିଆ ସହ ଦକ୍ଷିଣ ଓଡିଶା ଜଙ୍ଗଲରେ ଏହି କ୍ୟାମେରା ଲଗାଇବାକୁ ଯୋଜନା ରହିଥିବା ବନ୍ୟପ୍ରାଣୀ ପିସିସିଏଫ ସୁଶାନ୍ତ ନନ୍ଦ ସୂଚନା ଦେଇଛନ୍ତି ।
ଆହୁରି ପଢନ୍ତୁ ଓଡିଶା ଖବର...
ଅର୍ଗସ ବ୍ୟୁରୋ: ଜାମ୍ମୁ କାଶ୍ମୀର ପୁଞ୍ଚ୍ରେ IAF କନ୍ଭଏ ଉପରେ ଆତଙ୍କବାଦୀ ହମଲା ହୋଇଛି। ଆତଙ୍କୀ ହମ୍ଲାରେ ଯବାନ ଗୁରୁତର ହୋଇଥିବା ସୂଚନା ରହିଛି।ରାଷ୍ଟ୍ରୀୟ ରାଇଫଲ୍ସ ୟୁନିଟ୍ ପକ୍ଷରୁ କର୍ଡନ କରି ଜୋରଦାର ତଲାସୀ। ଏହି ଆକ୍ରମଣରେ ଅନେକ ଯବାନ ଆହତ ହୋଇଥିବା ସୂଚନା ମିଳିଛି । ଏହି ଆକ୍ରମଣ ସୁରନକୋଟର ସନାଇ ଗାଁରେ ହୋଇଛି । ଭାରତୀୟ ସେନା ଓ ସ୍ଥାନୀୟ ପୋଲିସ ଘଟଣାସ୍ଥଳରେ ପହଞ୍ଚି ସାରିଛନ୍ତି ।
ଅଧିକ ପଢ଼ନ୍ତୁ ଦେଶ ଖବର:
